قدري بلا رحمة

#part 2 ,

- اي يلة روح انت مضرة بلا نفع
- ادبسززز
مد ايده يريد يضربني لزمتها وكتله :
- ديربالك تمد ايدك
راح بأتجاه امي
- شوفي تربيتج
- احسن تربية ربيتهم ميعجبك اطلع يله هوه البيت بأسمي
تقرب من امي يريد يضربها بسرعه تحركت وكفت بوجهه وكتله :
ديربالك تمد ايدك عليها فهمتتت لو لااا
- حرامات التعب بيكم
جاوبته امي :
- ياا تعب هوه اني اصرف عليهم وتربيتهم واكلهم وشربهم كلها انييي يا تعب هذاااا

ضل ساكتت وانصرف وطلع من البيت
من طلع امي تهسترت فد نوب وضلت تبجي ودك وتلطم
- ليششش هيجج

تقربت منه وحضنتها حيل وكلت :
- والله اعوضج كل سنين راحت من عمرج
ضلت تبجي بدون صوت بس دموعها ينزلن على خدها تقربت من عدنه قمر وهم حضنتها

ثاني يوم اجه اخذ ملابسه وجان بوقته حصار ف ماكو محكمه كاعدة
بس جان اكو قاضي كلش حباب كال
- اني اطلكهم
طلكهم وخلص كلشي وقبل لا يطلع كال
- خلي نشوف تربية النسوان
حجاها بستهزاء ، جاوبته
- اني وزمن وانت موجود وشوفك النسوان شتجيب
دار وجهه وطلع ، ومن هالساعة أخذت وعد على نفسي اوصل لحلمي واشتغل وما اقصر عليهم بشي

رجعنه للبيت عفتهم ورحت على ابن خالتي سيف ،
سيف هوه الوحيد الي صداقتي بيه قويه والجأ اله اذا احتاج شي
سولفتله كال :
- اني اخوك اي تحتاج اني موجود

بديت اشتغل بمحل مال أسواق جانت يوميتي ٥ آلاف ، جانت يا دوب تكفينه
وبين الاسواق والدوام ، نجحت وطلعت معدل 98.56 بعد معاناة السادس وياي حيل تعبت بين دراستي وشغلي 

انقبلت طب عام

.....
دخلنه بسنة ال ٢٠١١ جان عمري هنا ٢٠ سنة

رحت لبيت خالتي علمود سيف طلعت اخته مريم الي هيه بنت خالتي
* طبعاً اني احبها من اني وصغير *
اول مشفته رجف كلبي سلمت عليه

- هلا شلونك زيوني
- الحمدلله بخير انتي شلونج
- بخير ، دومك
- دوم انفاسج
- شكراً 
حجته بخجل

صاحني سيف طبيت جوه ، دزت خالتي سيف بره البيت بقينه اني وخالتي ومريم دخلت خالتي للحمام
جنت كاعد بالهول وشفت مريم فاتت تغسل بالمغسلة
رأساً طفرت ورحت بأتجاه

تقربت يمها مسيطرت على نفسي واكفه بطولها الي سحل كلبي سحل
انتبهت عليّ واكف دارت وجهه

تقربت يمها بهدوء وهمست
- شهالجمال
دنكت وجهه وجمدت
- يبنيه ترا اني احبج
استحيت حيللل وضلت تمتمت
تقربت اكثر اريد ابوسه
وسمعت صوت الباب أنفتح

فزت وراحت تركض جوه البيت
شفته طلع سيف كلت بكلبي
- خرب اهلك
فركت وجهي اجه يمي
- هاا شبيكك
- نسطرت
- ليش
- هيج غلسس
- تعال ندخل جوه

......
سلام عليكم ،
اني مريم من مواليد ١٩٩٥ ادرس سادس إعدادي
عندي اخ واحد وهوه سيف من مواليد ١٩٨٦
وابويه وامي
.......

كعدت الصبح على صوت امي تكعد بيه فزيت صبحت عليها ضليت شوي بالفراش بعدني نعسانه والنوم بعيوني كمت غسلت ورحت يم ماما بالمطبخ سويت ريوك تريكت شفتهم متريكين قبلي واني كاعده متأخره

شوي واجه سيف كال زيوني راح يجي اول ما ذكر اسمه كلبي نغزني

" طبعاً من اني وصغري احب ابن خالتي زين العابدين بس ممبينتله هالشي وضامه بكلبي حبه وكل ما أكبر يزيد يوم عن يوم "

راح سيف وانتبهت لنفسي شعري لافته وطالع خصلات منا ومنا وبجامتي مال نوم سالفته وحد رأساً طفرت عالسريع امي نتبهت عليّ

- شنو شبيج يمه كمزتيني ششفتي
- لااا ما شفت شي بس شسمه هذا رايحه اغير ملابسي عيب شنو راح يجي ابن خالتي وهيج طالعه عبالك من حرب
هزت ايده وكالت
- انتي مو صاحية عبالي مدري شنو شصار هيج كمزتيني
كمت اول مطلعت من المطبخ رحت اركض لغرفتي اريد بس اوصل كلت اذا اسبح أطول ف فتحت شعري ورتبته وغيرت ملابسي ونزلت اساعد بأمي لكيته جاي بالأستقبال

اول شي ترددت اروح اسلم بس امي كالت سلمي على ابن خالتج اجه بالأستقبال عيب
اجتني فرصه رحت شفت نفسي بالمرايه كلشي مرتب

اتجهت لباب الإستقبال فتحت الباب وسلمت عليه وضل صافن بوجهي شوي ورد علي السلام

بس شنو احس كلبي يريد يطلع ويحضنه طلعت ورحت وي ماما

دزت سيف يجيبله شغلات ودخلت للحمام اني ضجت وقررت اسوي كيك خلصت طلعت اغسل بره واشوف خيال وراي درت وجهي ورأساً شفت زين صدمني معرفت شنو اسوي ضليت جامده بمكاني

واكف هوه بضخامته كبالي أطول من عندي واضخم ضل صافن بوجهي شوي رتبكت حيل شلون يباوع دنكت وضليت افرك بأيدي تقرب من يمي حيلل وهمس
- احبج
من كال هيج حسيت نفسي راح اوكع حيل مسيطرت على نفسي شلون ضليت واكفه كباله اول مره اوكف يم شخص بهالقرب ابد حته وي سيف ما اتقرب هيج

تقرب اكثر بحيث نفسه يطخ بوجهي
وخر شعري الي جان نازل على وجهي وهمس
- شنو هالجمال موتيني كل يوم تزيدين جمال
جمدت من صدك بحيث اذا تذبحوني متلكون قطرت دم بجسمي

  ردت اتحرك واركض للبيت بس محاوطني بحيث ما أكدر اتحرك
لحد منفتح الباب الشارع ركضت جوه البيت بسرعه عرفته اجه سيف كبل صعدت للغرفه فوك ركض

اريد ادخل غرفتي ونضرب راسي بالباب
بحيث من كد قوة الضربه ضليت صافنه شوي
بعدين ضليت افكر تقربه مني اتلمس بركبتي مثل ما جان يتلمس بيها واسئل نفسي

- شلون ماحسيت لا بدغدغت شواربه وبالحيته
من بعد تخيلات نمت مرتاااحه ومحسيت على نفسي

- - - - - - - - - - - - - - - - - - -

يتبع .....

رئيكم بالبارت ؟

كلمات البارت :
١١٣٣ كلمة