" အဲ့တော့ ဘာဖြစ်လဲ "
အသံကစူးခနဲထွက်လာပြန်၏။ တော်တော်ကိုဒေါသအားချုပ်ထိန်းနေပုံရသည်။
" ကျန်းမာရေး ထိခိုက်လိမ့်မယ်၊ စား "
" မစားနိုင်ဘူး! "
" ခင်ဗျားမစားရင် ကျုပ်ခွံံ့ပေးမယ်"
" သီဟမင်းထင်! "
" ခင်ဗျား ဆုံးဖြတ်၊ ကျုပ် ခွံ့ကျွေးတာစားမလား ကိုယ့်ဘာသာကိုယ်စားမလား "
" မစားဘူးဆိုရင်ရော! "
" ကျုပ်အကြောင်း ခင်ဗျားသိတယ်မလား၊ ခင်ဗျားကို ကျုပ်နမ်းရလိမ့်မယ် "
" မင်း! "
ထိုအခါမှ ဇွန်းကို စိတ်မပါလက်မပါကိုင်ပြီး စားနေသည်။ မစားတာထက်စာရင်တော့ ဒါက တော်သေးသည်ဟုပြောရမည်။
ထမင်းစားပြီးနောက် ဘာမှမပြောပဲ ထထွက်သွားသည်။ သီဟလည်း စားနေတာကိုလက်စသတ်ပြီး ထွဋ်ခေါင်နောက် လိုက်လာသည်။
အခန်းထဲရောက်တော့ ထွဋ်ခေါင် စောင်ကိုခေါင်းမြီးခြုံကာ အိပ်နေသည်ကြောင့် သီဟဆွဲဖယ်ဖို့ရာ လုပ်ပေးမယ့် ဖယ်ရှားမခံပေ။
" ခင်ဗျား အသက်ရှူမကြပ်ဘူးလား "
" .............. "
ကြာရင် နေရခက်မှာစိုးရိမ်တာကြောင့် စောင်ကိုအတင်းဆွဲဖယ်လိုက်တော့
" ခင်ဗျား.... "
သီဟ စကားလုံးများပျောက်ဆုံးသွားရသည်။ နီနီရဲရဲမျက်နှာပေါ်က မျက်ရည်တွေနဲ့ပေပွနေသောထွဋ်ခေါင်
" ဘာလို့ ငိုတာလဲ "
" .............. "
လှဲအိပ်နေသူအား သီဟ ဆွဲထူလိုက်သည်။ ပြီးနောက် မျက်နှာအား လက်နှစ်ဖက်ဖြင့် ဖွဖွလေး ကိုင်ကာ" ဘာကြောင့်များ ငိုနေပြန်တာလဲဗျာ "
" ............... "
" ကျုပ်ကို အများကြီး စိတ်ဆိုးနေတာလား "
" ............... "
" မငိုပါနဲ့၊ ကျုပ် ခင်ဗျားမျက်ရည်ကျတာကို မြင်ရတာ သဘောမကျဘူး "
မျက်နှာပေါ်က ကျဆင်းလာပြန်တဲ့ မျက်ရည်တွေကို ခပ်ဖွဖွလေးသုတ်မိ၏။ မျက်ရည်တွေကိုမြင်ရတော့ ရင်ထဲက တဆစ်ဆစ်နာသည်။ အကြောင်းအရင်းရယ်လို့ရေရေရာရာမသိရတာမို့ပို၍ ခံရခက်သည်။
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
Part 18*
Start from the beginning