"အစတုန်းက ညဘက်မှာ ရာသီဥတု အခြေအနေကောင်းရင် နောက်တစ်ကြိမ် ရှူတင်းပြန်စမယ်။ ဒါဆိုရင် မြို့ထဲကိုပြန်ပြီး ညစာစားဖို့ အချိန်မလောက်တော့ဘူးလေ။ ဒါကြောင့် လျှပ်စစ်အိုးကို တစ်ခါတည်း ဝယ်လာခဲ့တာ!"
“ချစ်ရတဲ့ အိုက်ဖေးရယ် ” ဆုရှောင်းနိုသည် ချက်ချင်းပင် မျက်ရည်ယို စီးကျသွားသလို ခံစားလိုက်ရပြီး “ဒီဧကရာဇ် ပြန်ရောက်ရင် အိုက်ဖေးကို ဧကရီအဖြစ် တင်မြှောက်ပေးမယ်!”
"မစ္စတာဒိုင်အန်း။" ဝန်ထမ်းတစ်ယောက် ရောက်လာပြီး လာမေးသည်။ “မစ္စတာတို့နှစ်ယောက် ဘယ်မှာ စားချင်ပါသလဲ?”
"အခန်းထဲကိုပဲ ပို့ပေးပါ" ဒိုင်အန်းက အိတ်ကို ကိုင်လိုက်ပြီး “နိုနိုက အခု စားချင်စိတ်မရှိသေးလို့ပါ။ ခဏလောက် အနားယူပြီးမှပဲ နောက်မှ စားခိုင်းလိုက်ပါ့မယ်”
ဆုရှောင်းနိုသည် အသက်မဲ့သွားသည့်ဟန်ပန်လေးဖြင့် အလွန်သနားစရာကောင်းစွာ ပူးပေါင်းပေးခဲ့သည်။
သူက တကယ်,တကယ့်ကို အားနည်းလွယ်ပုံပင်!
မီးဖိုချောင်မှ ရနံ့များက ပျံ့လွင့်လာတော့ ဆုနို၏ဝမ်းဗိုက်က အသုံစုံမြည်လာသည်။
သူ့ဒေါသတွေ မပေါက်ကွဲခင် ဒိုင်အန်းသည် သူ့ကို အမြန်ပြန်ဆွဲခေါ်လာခဲ့သည်။
နှစ်ယောက်စလုံးက ဗီလာဘေးရှိ အဆောင်ခန်းလေးမှာ နေကြသည်။ ဒုတိယထပ်ရှိ သေးငယ်တဲ့ ကောင်းကင်အလင်းတန်းသည် အလွန်ချစ်စရာကောင်းပြီး ညဘက်တွင်ပင် ကောင်းကင်ကို မြင်နိုင်သည်။
သို့သော် ဆုနိုသည် ဤအချင်းအရာကို စိတ်မဝင်စားသည်မှာ ထင်ရှားပါသည်။ သူက ဒေါသတကြီး ညည်းညူရင်း "ငါလည်း streamboat ပေါ်မှာ စားချင်တယ်!"
"ရှုတင်ပြီးတာနဲ့ ငါတို့ မြို့ထဲကိုပြန်ကြမယ်လေ" ဒိုင်အန်းသည် သူ့ကို နှစ်သိမ့်ပေးရင်း လျှပ်စစ်အိုးကို ထုတ်လိုက်သည်။
"နာမည်ကြီး streamboat ဆိုင်တိုင်းမှာတစ်လှည့်စီလိုက်စားကြမယ်!မွှေးကြိုင်တဲ့ အစပ်အိုး ကနေ ပင်လယ်စာ အိုးအထိ၊ ခရမ်းချဉ်သီးအိုးကိုတောင် အလဟသမဖြစ်စေရဘူး!” အရမ်းရူးသွပ်!
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...