...................................................
طرابلس الرياضية....
حوش امالي جاهد...
جاهد /مقعمز في دار قدام اخته يتغداء قدامه صفرة فها كسكسي...امك متبيش تروح حتا اليوم
جنان/مقبلته تتغداء معه ...اي قالتي خالك شد فيا بيمشو لي الحوازة بايتين غادي
جاهد/به كويس ...اسمي بنقلك موضوع ...وشبح لي اخته...وانتي وراحتك في هل الموضوع يعجبك موافقه خير وبركة مش موافقه عادي
جنان/حطة الكشيك وتشبحله...ان شاءالله خير
جاهد/خير خير اليوم بعد صلاة الجمعة بعد مطلنا من اجامع اني وبراء فتحلي موضوع ان يبي يتقدم ليك يخطب وينسبني وقداش ليه الموضوع يبي يفتحه ومتحشم واليوم قالي وقال شوف اختك وشور روحك ورد عليا
جنان/طبسة راسه تحشمة وتوترة
جاهد/عادي خودي وقتك وفكري بنسبه لي الولد شاد فيا ولولد كويس عيلتهم مشاءالله علها واختا تعرفه انتي
جنان/شبحة لي خوها....اني مش علي العيلة ولا في هو عارفته مشاءالله عليه الحق لكن اني ياجاهد ناس مهمش من مستوانا منببش نخش علي جو هدا ومنببش حد يوجعني بعد اليوم
منبيش نخد ولد ناس عيلتهم معروفه وعندهم فلوس اني كرتهم ناس هدي نخدو ناس زينا ياجاهد وبس هكي افضل
جاهد/تي شنو تفكير جهل متعك اهو تي ناس مريضه الي لقحولك وسمعتي منه دوه هداكه اليوم هدا معندهمش في جو دوه هدي بعدين شن دخلك في الفلوس المهم الولد كويس وصاحبي وعيلتهم كويسه لا متعين تفخفيخ ولا شي هدا في العز من يمهم لا يفرق قرش ينقص لا يزيد
جنان/لالا اني ياجاهد منبيش ومش مقتنع الحق
جاهد/اخر كلام عندك مش حنضغط عليك في الاخير هدي حياتك وموضوع يخصك بروحك
جنان/اخر كلام هدا ياجاهد كان جي نصيب بسيط زينا باهي اما هكي لا
جاهد/قنعتك هدي وانتي حرة خلاص توا نرد عليه توا باش يشوف روحه الولد خير مايقعد يستنا...واقف طلع لي المربوعة
جنان/طارة نية من المكله مقعمزة تفكر وخدت نفس
______
في المربوعة...
جاهد/مقعمز رن علي برا ومتحشم منه....ايوه اهلين شنجو اي بنقولك فتحتة الموضوع لي البنت بس سامحني يابراء والله رافضه هيا ومتحشم معاك
براء/ علاش بالك فهمتنا غلاط ولا حاجة
جاهد/ لالا غير هيا متبيش توا مبيتش نطول عليك قلت نرد عليك طول وسمحنا بودي تكون نسيبنا بس نصيب ياصحيب
براء/مدور شي ياجاهد عادي نصيب خلاص نتلقو بعدين بنمشو لي شباب
جاهد/تمام اان شاءالله سلام...وصكر متحشم منه...ربي يهديك يا جنان وخلاص...واوقف خش لي الحمام
______
في المطبخ....
جنان/تغسل في المعين....زعمه شن صار في دجلة شكله وصلت ونستنا خلاص هو الحق الي يسافر برا مزال يدور اصحاب وحباب حتا اني فاضية
..................................................
طرابلس جنزور....
حوش الوزير....
دور الارضي في دار الجلسة بابها سحاب يتصكر و في جها بروحه وصلون عالي كبيرة وزوز طولات كبار مقعمزين ضيوف مرة وزوز بنات كبار ومعم عناية وبيان ورحيق وحطين صفر العصير وشكلاطه ويهدرزه
رحيق/لبسه قونه لي ركبه فها فتحه من قدام وفها 4بطم دهبيات جهة البطن ومن فوق زي البدي بيج لصق ركبته سبعه كم وشعرها قرن حصان مديرته وقصه نفخه وديرة لمسات خفيفة
المرأة/وين امها
عناية/والله شن بنقلك صار خلاف بينها وبين راجله
المراة/معجبهاش الوضع...اها...وشبحة لي بنته جنبه
بيان/تكنطة تشبحلهم
المراة/تشبح لي رحيق
رحيق/مش عاجبته ناضت قامة صفرة بتطلع
المراة/بنتك هدي...وشبحة لي رحيق
عناية/لا بنت خالة بيان
رحيق/طلعة من دار ورجعة الباب مشت لي المطبخ
بكير/ خش من الباب الحوش صكره ولهي في تلفونه واقف وراء الباب
مراة / مشاءالله عندي ولدي تاني ندورله في عروسه عجبتني اسمها رحيق قلتلي
بيان/اي
بكير/سمعها قام راسه ماشي جهت الدروج
رحيق/كيف بتطلع من باب المطبخ شبحته وخرت
بكير/شبحها لف مشالها خش لي المطبخ
رحيق/متكيا علي لوندينو وتشبحله خايفه منه
بكير/جي يقدم منها وحط يديه في جيوبه
رحيق/تاشرله علي باب المطبخ ...عمتك اهني اقسم بالله
بكير/يشبحله ...وكان عمتي اهني منتحشمش اني...واقف قدامه وحط يديه علي الونيدنو وهيا بين يديه
رحيق/ طبسة الخلف شويا وتشبحله
بكير/كيف تكسري كلمتي امس وتروحي
رحيق/مشيت روحت خلاص عادي مافها شي
بكير/طبس علها ويتكلم مصكر سنون..شن هو عادي متعك اهو..وخبطه بكندرته علي كندرته
رحيق/تشبحله وخايفة ...خلاص مش قصدي
بكير/توا نوريك علها وتوا وربي توافقي علي ولد المراة الي دخل اهيا نقتلك فهماااا شنو بنقتلك راهو...ويشبح لي عيونه
رحيق/باهي به
بكير/حول يديه وخر
رحيق/شبحة كم يده دم...يدك دم
بكير/قام كمه ويوريله في اجرح وقدم قدام...هدا بسببك امس ضربته في المرش ...وشد خدودها بيد وحده طبقهم علي بعض ومقرب منه وعض شاربه
رحيق/تشبحله توحل تفك يده...ااه اه
بكير/يسمع في المراة ويشبح لي رحيق بغل
المراة/ اني عجبتني الحق عطني رقم امها
بكير/زاد ضغط علي خدها ومصكر سنونه ويتكلم...تمشي تقليله توا انك مخطوبة عطين فيك كلمة متزوجة الي هو فهماااا
رحيق/به به
بكير/حول يده ويشبحله
رحيق/ليا خدودها وله حمر تشبحله ...به خليني نطلع
بكير/حول من قدامه اوقف جنب...بري قليله توا نبي نسمعك
رحيق/به...وكيف بتخطم من جنبه
بكير/شدها من قرن شعرها جبدها ليه
رحيق/اااه اه خيرك...تتوجع
بكير/بسرررعة..ودفها شويا
رحيق/تلفتت ليه ومشت طلعة خشت لي ادر
بكير/طلع واقف في باب الحوش فتح الباب يشبح برا يتستنا في رحيق تتكلم يبي يسمعها
رحيق/لالا مخطوبة اني
بكير/بتسم وطلع صكر الباب نزل من دروج
براء/مقعمز علي الكرسي جهت طاولة جنب حاتم جوه خيه
بكير/جبد الكرسي وقعمز مقبل خوه يشبحله...خيرك قالب وجهك ياراجل شنو فيه
براء/شبحله.... رد عليا جاهد قال اخته مش موافقه
بكير/ باهي عادي نصيب ياراجل تلقه غيرها غير متقولش لي بلال فكنا
براء/لالا فكني منه هداكه ...ويحك في لحيته...شفة يدك ياراجل دم
بكير/خلها بنرد حقي بها المهم الناس الي جيين يخطبه مخشليش راس من الاخير
حاتم/مبرده الي جابهم ياراجل تافه لي المليون
بكير/يشبحله
براء/يشبح لي حاتم
حاتم/دمه ثقيل ياراجل فوق ماتتصور وقفة عليه قالي كم يعطي فيكم ..عض لسانه...جيت بنحشله المسد فسط فمه غير استغفر ربك
بكير/واسع بالك خونا حاتم مدورشي سامحنه.....حط يده علي صدره
براء/هههه كبدك عليه دم ياحاتم
حاتم/وربي غير في حوش الوزير وضيف كان هدا راهو مرجتله كبده
بكير/يجي يفتح فمه عليك مرة تانية عندك كل اصلاحيات اقتله طول مدور حد..وشبح لي براء...خيرك انت مسفرتشي ولد الوزير الخارجية
براء/لا مهو نعط اندار باش حتا غيره يترباء في تانية نسفروه فوق
...................................................
في حوش امالي تبارا....
تبارا/في دارها مقعمزة علي سريرها كانة لبسة توتا سروال اسود وتب كرميل وشخشير اسود ولفه شعرها فوق كعكه لهية في تلفونه
تسنيم/اخته فتحت الباب وخشت...تبارا
تبارا/ها ...ولهية في تلفون
تسنيم/نوضي عزوزتك السابقة برا جاية هيا وحماتك الكبيرة
تبارا/تلفتت شبحتله مستغربة ....شنو جيبهم شنو يبو
تسنيم/مش عارفه قالو يبوك قتلك امي تعالي
تبارا/حطة تلفون علي سرير وناضت تنزل في تبه من الخلف...ان شاءالله خير..وطلعة من دار
________
في دار ضيوف ...
مقعمزة حنان ام تبارا مبروكة ام زاهر وبنته الكبيرة زهرة يهدرزه
تبارا/خشة ...اهلين بيكم...وسلمة عليهم بلخد وقعمزة مقبلتهم
مبروكة/تشبحله...كيف حالك وشن اخبارك يابنتي
تبارا/بخير الحمدالله كويسه قلولي تبوني ان شاءالله خير بس
زهرة/لا خير والله بعتنا زاهر ويبي يردك وقال الي تبيه اني فيه ويبي يدير عرس وكانك عروس جديدة
تبارا/به
مبروكة/فا يبنتي جايين نخطبك وراي رايك وشور شورك في الاخير انك ترجي او لا
تبارا/جيتكم علي عيني وعلي راسي يا عمتي مبروكة وتفضلي امتا متبي تجي مرحبتين بيك في اي وقت لكن قلي لي ولدك زاهر قله قتلك تبارا نفسي عزيزة عليا وغالية منرجعش لي شخص معرفش قيمتي من الاول وربي يعبتلك نصيب اطيب
مبروكة/والله يبنتي قال عارف غلاط في حقها لكن هو شاد فيا والله بجبني من صلاة اجمعة غير قتله مايجيش يا ولدي نمشو العصر ويقلي اقنعها وفهم حقها عليا والي تبيه انا فيه بالك يابنتي الولد كانو مديرله حاجة وتوا ربك فكه عليه فكري يابنتي خودي وقتك مرة في الجديد كل شي في صالك بالك ربك كتبلك معه حياة جديدة كل شي يتغير في هلبا طلقو وتزوزجه وبعدين رجعه لي الاول وعيشين احلا عيشة يابال انتو مافيش بنكم مشاكل ولا شي ظش مرتحين مع بعض وطلقت بتفهم مافهما شي كان رجعة لي بعض
تبارا /في شخص عطي فيا كلمة وشبه مكمل خلاص و دنيا نصيبات...وبتسمة
جنان/فنصة في بنتها مصدومة شن تقول
مبروكة/اها لا علي كيفك ان شاءالله ربي يهنيك ويكملك علي خير يابنتي ودنيا نصيبات
تبارا/الله يسلمك
مبروكة/ماله سمحونا نستنادنكم...واقفة هيا وبنته
حنان/قعمزي يامبروكة لطف هدرزي مزال الوقت...واقفة
مبروكة/لا هو هداكه ولدي يستنا برا نجكم كان في الافراح
حنان/مرحبتين بيك
تبارا/مرحبتين بيك في اي وقت ..وسلمة عليهم وطلعو
حنان/صكرة الباب خشن لي بنتها فسط الصالة...كيف تقوليله عطين فيك كلمه علاش تكدبي علها
تبارا/باش يفتني ويطلعني من دماغه
تسنيم/طلعة من دار
حنان/باهي راجل توا رجعله عقله ويبيك وقال الي تبيه اني فيه فكرتي يابنيتي بالك فها خيرة ليك المرة هدي بمان مش صير لا عراك ولا مشاكل بنكم طلاقكم بتفهم
تبارا/الي معرف قيمتي مرة عمره ما يعرفه مره تانية معقوله اني عروسه يوم دخلوي يقلي منبكش اني انتي في حالك واني في حالي يمشي يخد وحده زيه يوم تبيه وعشره لا يفهم علي بعض عقليات متخلف مع بعض...وخشت لي دارها.....نقصني نفسيات اني...وقعمزة علي سيريرها شاده تلفون
تسنيم/خشت وصكرة الباب...شفتيه يا تبارا مرة الراجل فهم غلاطه ورجع روحه ويبيك بجد المرة هدي بما انك قلتي شاد فيك امس...قعمزة في سريرها مقبلته
تبارا/شبحتله.... تي كان كل واحد بيطلق علي مزاجه وبيبعت امه بعد سنه تردله طلقته راحة ويل دنيا يبدا الوحد ماشي جاي علي حوش ماليه يسير في المرضه ونفسيين بعدين وخيتي الي زي زاهر حفظتهم اني لما الي يبها ضربته تيرو خدت غيره توا بينزل فيا اني العسل ترا فكني اصلا كرهته اني نقص غير نرجعله فتي الموضوع صكري عليه
تسنيم/وقفة طلعوة من دار
تبارا/قالك يبني هه
________
في سيارة زاهر....
زاهر/ يسوق....هيا قتلك هكي
مبروكة/مقعمزة من قدام جنب ولده....اي ياولدي
زهرة/الخلف مقعمزة...هدا الي قالته في حد عطي فها كلمة بعدين يا زاهر متنسش حتا انت كيف تصرفة معها لما كانت عندك كانت ليك ومتبهاش معه حق تردك
زاهر/باهي عترفة حقها عليا وفهمت غلاطي ونوي نصلح الغلاط هدا نبي نردها نبي نعوضه علي كل شي
مبروكة/تبي الحق ياولدي كان تبي حق تردها لرك ردتها من شهور الاولة مش بعد سنه توا كل شي نصيب نصيبك مش فها دور غيرها وخلاص
زاهر/متكنطي ويسوق...ساهل ساهل خلها عليا اني ...ورقيله
...................................................
في الودي الحي...
فيلة الجنيرال بالؤ....
برا قدام الفيلة ....
بريكة/درسة سيارته وراء محسن ومش فهما شي مستغربة في دنيا الحرس والفيلة كبيرة
محسن/نزل صكر باب سيارة متلفت يشبحله اشرله بمعنا انزلي
بريكة/نزلة من سيارة وصكرة الباب وكانة لبسه بالطو لي تحت ركبه لونه اسود وسروال رسمي اسود وكندره كرميل وشنطه كرميل وشح بيج ماشية جهتا...وين جيبني انت وين
محسن/ماتخفيش تعالي يودي توا تعرفي ...وركبه مع دروج طق علي الباب
بريكة/جنبه...من يكون الي جيبنا ليه
عظيم/فتح الباب ...اهلا..وشبح لي بريكة
بريكة/نصدمة شهقت ..هاا...وقاعدة توخر
محسن/تلفت لها شده من مرفق يدها...بريكة
بريكة/تشبح لي عظيم مصدومة
محسن/حيين كلهم ممتوش
عظيم/استاده بريكة تفضلي توا نحكلك شن صار حيين احني
بريكة/تشبح لي محسن...روح بيا وراس امك روح بيا ...تلفتت بتنزل
محسن/باهي حاضر غير خشي نفهمك حتا دجلة موضوعها اهني بنحلوه
الذئب/طلع ...اهلا وسهلا...وشبح لي بريكة
بريكة/تشبحله مصدمة وترجف من صدمة شدة بيديها ازوز في يد محسن
محسن/خش من الباب مدخل بريكة
بريكة/مكبشه فيه متبيش تشبح لي عظيم والذئب خايفه ترعش مع بعضه وخشو في الصالة شبحت امين وعز وصفوان ضغطت علي يد محسن لما قعد يشبحله...محسن هدا شنو انت مقتليش هكي ماتو ماتو هما
محسن/توا نحكلك كل شي وتفهمي كانت كله خطه
الجنيرال/اوقف قدام محسن بعكزه...اهلين يامحسن
بريكة/تلفتت شبحة لي الجنيرال زادة صدمة بدت توتوت...مه مه مش مش هدا فففا غغغيبوبه وله ...وشبحة لي محسن
محسن/شبحله جنب...فاق من الغيبوبة
بريكة/حطت يده علي وجها
جنيرال/يشبحله...بريكة
بريكة/حولة يدها وخدت نفس شبحتله...انعم
جنيرال/الشباب حيين وكانت كله خطه مرسومة من قبل ستا شهور بعد حكم الاول ونحنا الي لعبنلك بلاورق بس الحكم النهائي كان عطينه وانتي من غير ميكون عندك علم بيه ولما علمنا ان الحكم اعدام خطننا علي اساس عدمهم وهربنهم ودفنهم حيين وطلعنهم كله كان قانوني
بريكة/ادفنتهم حيين ...وحطة يده علي فمه ويد تانية شاد يد محسن
الجنيرال/اي دفنهم حيين وطلعنهم
بريكة/شبحة لي الشباب ..بس في تنين وينهم كانو 7
الذئب/مؤيد توفاء من الحبس في يوم العدام جتا رهبت الخوف
بريكة/لا حول الله لا حول الله
محسن/يشبحله كيف خايفة
الجنيرال/وجلال رافعه خاله يعين فيه ولما يجي توا تشفيه...وشبح لي محسن... جبت الي قتلك عليه
محسن/اي..وطلع ورقة العقد مده لي جنيرال
الجنيرال/شده ..تعاله...ومشي جهت المكتب متعه
محسن/وراه
بريكة/مكبشه فيه وتشبح الخلف تشوف فيهم..وخشو لي المكتب
عظيم/مبعدها اقسم بالله..وقعمز
عز/قوية كيف خايفة لكن ههه..وقعمز
الذئب/قعمز..بتخاف ملا شنو حتا هيا قضية عدام وتم الحكم فها خلاص وتطلعو حيين بتخاف
امين/هدي هيا المحامية بريكة
كلهم شبحوله
عظيم/لا اختها تي مهمو شفته في الحبس خيرك انت ويوم خدينا احكم الاعدام
امين/لالا مشفتهاش اني هدي شفته في يوم الحكم بس منحسبهاش نفسه
الذئب/كيف متحسبهاش نفسه
صفوان/مش شفتك وسالتك هيا في الحبس
امين/اي طلعوني لي محامية قلولي بريكة لكن مش هدي طلعوني لي وحده تانية مش متحجبه
عز/كيف هكي
عظيم/خيرك مقلتش الكلام هدا
امين/مندريش علها نفسه اني مش مركز كنت نحسبه الي في يوم الحكم بروحها والي جتنا في الحبس وحده تانية
الذئب /غير يطلعو من مكتب ساهل توا نفهك شن القصة
__________
في المكتب....
جنيرال مقعكز قدام الطاولة وقدمه بريكة ومحسن
جنيرال/يشبح في ورقة العقد زي ما توقعت
محسن/يشبحله...شنو فيه
الجنبرال/ الولد مش من العيلة الي دكرها وناس الي جوه مش موجديد اشبح منوين جو كيف مسالتوش عليه الولد
بريكة/كييف
محسن/ نصدم...عمي بحكم عيله معروفه عطا طول مسالش
الجنيرال/متكنطي شاد الورقة ... غلاط حتا لو معروفه العيله في الباهي والعافن في كل عيلة ورقة زواج مهيش حقيقية هدا مهو عقد قيران ولا اول مرة تزوجه حد...مدله ورقت العقد.. شوووف
محسن/خده العقد قاعد يقراء فيه يشوف هو بريكه و نصدم مسح بيده علي لحيته وتكنطه... كيف صارر هكي
بريكة /مصدومة
الجنيرال/اني عبي عليك محقق والي جنبك محامية وهدا موضوع في العيلة كيف يفوت عليكم
محسن/والله لهي في قضية الشباب وفجتة قال بنتي نخطبة وحدد العرس مخدي راي حد نحسبه سال ومدور قصي اجراء طبيعي هدا وحد يسال قبل مايعطي بنته بس صدمتني ...وجها وله اسود تحشم
جنيرال/حط يده علي طولة المكتب ....غير يوصل رماح لي امريكا بعدين ساهل
بريكة/شبحة لي الجنيرال ...حتا اني كلمة شخص نعرفه بعت مساعده متعه
الجنيرال/ منو بعتي من قالك كلمي حد
بريكة/ كلمته قبل منكلمكم اول مكلمتني لي ان استاد محسن مش فضيلي في الاول فا بندير حل من عندي وين ندري عليكم وبعدين شخص مضمون وهيا حتوصل اليوم
الجنيرال/ورماح بيوصل اليوم معنها طلعين في نفس طيارة منطرف منو هيا
بريكة/شخص خدمته قبل
محسن/شن اسمه منو يكوون ...ومتكنطي
بريكة/ماهر بباي يقلوله
محسن/من يكون هدا
جنيرال/تمام زبطه مافيش مشكله ساهل ساهل
الذئب/طق علي الباب
جنيرال/خش
الذئب/خش ...امين قال ان مش نفسها بريكة الي شافها في الحبس
جنيرال/كييف
بريكة/تلفتا لي الذئب...صح اني في تنين مشفتهمش مؤيد وامين مخلونيش
جنيرال/وكيف مقلتيش لي محسن او رماح
بريكة/هدا اجراء قانوني يصير في بعد ثورة ان مش كلهم مسموح نشفهم
الذئب/بس هو طلعو لي محامية وقلوله علي اساس انتي وهيا وحده تانية
بريكة/ناضت وقفة...توا نشوفه...وطلعة برا قعمزة جنب امين بعيد عليه...منو الي شفته
امين/مش عارف نحسبك انتي نفسها
بريكة/باهي كيف شكله
امين/هيا مش متحجبه شعرها طويل كانة شدته هكي الخلف...يشرحله وضعيفه وقصدي جميل الحق ههه
بريكة/هه به
امين/اي كلامه هكي تحسها وعرة حتا لما تسال فيا نحسبه ضابطه من ضباط معمر قبل شخصيته هكي تهيتلي الحق
بريكة/شن سالتك
امين/شن صار في يوم زرده سالتني علي مروان كيف كانت علاقتي بيه هدا هو
بريكة/تمام توا نشوف من تكون
الجنيرال طلعهو ومحسن من المكتب
الحنيرال/شنو صار
بريكة/شبحتله...توا نشوف منو ونرد عليك
............................................
طرابس عيادة العيون...
في غرفة الكشف...
جلال/مقعمز قدام جهاز متع عيون
عقبة/مقعمز علي كرسي جهة المكتب يشبح لي جلال
دكتورة/تشوف في عيون جلال في الجهاز...تشوف توا
جلال/لالا توا منشوفش
دكتورة/تمام...وناضت من كرسها لفت لي جلال شدته من يده
عقبه/وقف خدي منها جلال رقدة علي سرير واقف جنب سرير
دكتورة/جلال
جلال/نعم
دكتورة/توا بنقطرلك قطرة في عيونك هدي عبارة علي تسرير العروق المسدودة في العين لي ان مش انك قعدة في ضلام بس حتا بعض روايح ويمكن مكان الي كنة فيه مش نضيف تسبب لي العين هلبا اضرار
جلال/تمام
دكتورة/لحضه هي....ومشت طلعة
عقبة/شنو خالي الامور طيبة
جلال/ميه ميه مطولين
عقبة/لالا علي اسريع تشوف شن بدير ونطلعو خيرك مستعجل انت
جلال/لا غير نبي نروح لي شباب بالك تفتني حاجة هههه
عقبة/ههه
دكتورة/خشة ...اهو جبنا القطرة ...واقفة جنب سرير افتح عيونك
جلال/فتح عيونه...راهو دنيا ضلام عندي ههه
دكتورة/عارفه ...وقطرتله في عيونه...غمض عيونك
جلال/غمض عيونه
دكتورة/طلعة لصقه من جيب البلطو فتحته
عقبة/يشبحله...شنو هدا
دكتورة/لصقه ضرروي منها شويا ... وحطة لصقات علي عيونه
عقبة/زاد خوفه علي جلال...عادي مش ضروري
دكتورة/متخفش عليه حاجة عادية غير رتح انت
عقبة/لالا حتا هكي مرتح
دكتورة/تمام لحضه ونجي نشفه...وطلعة
جلال/شنو نروحه ولا ليا تجي تحوله
عقبة/ليا تجي شويا ونشف مفعل القطرة...ومر مشور وهو علي عصابه
دكتورة/خشت توحل في لصقه من عيون جلال...افتح عيونك هي
جلال/فتح عيونه بشويا يحرق فيه حمر شبح خاله لكن رواية مش واضحه هلبا
دكتورة/شنو تشوف هكي
جلال/اي لكن منشوفش في صورة صافية
دكتورة/عاد كيف فتحت عيونك انت شويا شويا تشوف غمض عيونك وفتحهم
جلال/غمض عيونه وفتحهم ..لا خالي واضح مشاءالله هههه
عقبة/تشوف فيا كويس
جلال/تي مية مية
عقبة/شد راس جلال بيديه بسله راسه وتلبطه..حمدالله علي سلامة
جلال/ههه الله يسلمك
دكتورة/بتسمة...حمدالله علي سلامته
جلال/شبحله...الله يسلمك والله يبارك فيك
دكتورة/فيك بارك الله توا بنعطك قطرة ستعمله 5مرة في اليوم لي مدة اسبوع بس تمام
عقبة/تمام يستعمله اي ..وشبح لي جلال ويشفشفله في شعره
دكتورة/تكتبله في رشيته علي طاولة...الباقي مافيش ضرر كبير ولا شي حاجة بسيطة مع القطرة هدي كويسه بعد سبوع تعاله مراجعه باش تطمن بس...مدت ارشته لي عقبة
عقبة/بارك الله الله يعونك
دكتورة/الله يسلمك
عقبة/بيشد جلال بينزله من سرير
جلال/نزل بروحه....لا معاش مستحقلكم خلاص ههه
عقبة/ههه..حط يده علي كتفه وطلع هو ويه مدله نضارة
جلال/لبسه ولف اشال علي فمه باش ميعرفه حد لبس طقة نزله علي عيونه وطلع هو وخاله
عقبة/ركب
جلال/ركب جنب خاله
عقبة/طلع بسيارة...الحمدالله طلعة حاجة بسيطة ومشت الامور توا نخدلك القطرة وفي موعدها خوده خالي مش نقعد نفكر فيك
جلال/نزل من علي فمه اشال...ان شاءالله بادن الله بس شنو خالي جنيرال مفيش اي علاج لي رجله
عقبة/مافيش شفنه حتا في الامارات مفيش فايده هو مقتنع وقال خلاص هدا حال ديم والحمدالله
جلال/متااتر علي خاله وسكت
عقبة/توا امك شن الحل معها لا خلتني نرقد لا نصلي جمعه وهيا ترن وتبعت في رسائل شن صار
جلال/خله عليا اني توا نكلمه وفهما
............................................
قريب المغرب...
طرابلس جنزور...
في حوش الوزير...
بيان/ ادوش في حمام دارها
عناية/روحت
رحيق/في دار بكير باب دار مفتوح لفه شعرها فلو مفتوح لبسه قفطان قصير الي جت فيه وشبشب بيان واقفه علي زينة تلم في حاجات...خلي نلم حاجاتي ونمشي لي دار بيان خير ميجني المنجوه هداكه يخلطلي دنيا علي بعضه
بكير/خش بشويا سمعه شن قالت شبحله
رحيق/ تلفتت لي الباب نصدمة معاش عرفة كيف تتصرف
بكير/يشبحله قربع الباب صكره وماشيله ويشبح لي قفطانه الي علي سرير ومشيله اوقف قدامه
رحيق/كيف بتوخر...غير اسمعني بس
بكير/اااس ...جبدها من يدها ...وين هاربة
رحيق/بكير زوتها ارخي يدي
بكير/ وين نرخها ضرب يدي علي خاطرك لازم ديري زي اضربي يدك في المراية ...واشرله بيعونه علي المرية وضغط علي يدها
رحيق/تشبحله...شنو نضرب يدي مقلك حد اضرب يدك انت حول تربح
بكير/الي بيصير فيا اي جرح اي خبش بيصير فيك زيك زي اضربي يدددك
رحيق/بكير..وتشبح لي عيونه
بكير/قرب من عيونه....رحيق يدك بتجرحها زي يدي بزبط افضلك اضربي يدك
رحيق/بكير خيرك شنو نجرح يدي كبر عقلك
بكير/عيط علها بغضل ...اضرررربهااااااا
رحيق/تشبجله بغل وضربة يده في المراية بقوة تكسرة المراية..ااه...وشبحة لي يدها دم من جهت كف يدها نفتح
بكير/شدله يده يشوف فها ودم يصب
رحيق/هكي ارتحت هكي..وتلت يدها منه
بكير/ اي عاجبني و اي شي بيصيرلي بسببك او حتا مش بسببك حدري زيه وين عابيتك
رحيق/شاده يده ..علي سرير...وتشبح لي يدها
بكير/فتح دولاب خدي كنتيرة بيضه وجي خدي يدها المضروبه لفله علي يدها الكنتيرة ورفعه من يدها تانية ومشي جهة سرير خدي عبايته يلبسله فها
رحيق/مدلي تلفوني بس نكلم رافع يجي يرفعني
بكير/دار روحه كانه ميسمعش فها لفله الوشح علي راسها وشد يدها وخدي تلفونه ومطلعه
بيان/طلعه من دراها تنشف في شعرها بلفوطه...وين علي خير..وشبحة يد رحيق..خيرها يدك
بكير/مخيرها شي نشد المراية تكسرة جرحته رفعه لي المستشفي...ونزل هو ويها من دروج
بيان/ستنني نمشي معكم
بكير/لااا...ويتل في رحيق منزله
رحيق/يابيااان ياحليلي بري معاي خوك حيقتلي في طريق ياحليلي هيييي
بكير/شاد ضحته ونازل
بيان/حي عليا البنت يابكير...نزله تجري وراهم
رحيق/مترفعنيش نمشي بروحي مسد مخلني جارحه يدي ويبترفعهي انت
بكير/فتح الباب مطلعه وقربع الباب صكره في وجه بيان ونزل فتح باب سيارته ركبه ولف ركب وطلع
رحيق/تشبحله وشاده يدها...نكلم فيك رد عليا هات تلفوني بنكلم خوي
بكير/مش لازم اني معاك
رحيق/مش خوي انت ولا محرم ليا اعطني تلفون اصلا منبيكش ترفعني ولا عاد نبي نشفك
بكير/مش بمزجك تشفني او لا بمزجي اني اني امتا منبيك بتجني وبرضك فوقها
رحيق/تتوهم انت متعرفنيش قاعد...وتشبحله جنب
بكير/شبحله جنب...منبيش نعرفك ودخليلي شعرك خير منتفهلك
رحيق/خليه اني نبيه طالع
بكير/عيط علها...دخلي امممممه
رحيق/نخلعة بدت دخل في شعرها تسوي في الوشح بيد وحده...انت انسان مريض نفسي لازم تتعلاج في اسرع وقت لي ان احتمال حالتك تطور معاش في علاج لها بعدين
بكير/لا اني واثق فيك وفي خبرتك انك تقدري تعالجيني
رحيق/تشبحله جنب
بكير/شبحله...مش مستهين بقدرارتك عارفك قدها يعني مهما طورة حالتي وثق انك تقدري تعلاجيني ..وغمزله...وشبح القدام يسوق
رحيق/بكير
بكير/نعم
رحيق/علاش الحقد هدا كله عليا شن دنبي شن درتلك
رحيق/دنبك انك خالتك مرت بوي بتدفعي تمن كل شي دارته فينا خالتك بتردي كل ساغ بسغين ليا نفش غلي كله
رحيق/شن دخلني اني فها خالتي وشن درت فيكم
بكير/خالتك هيا دخلك الله غالب جت خالتك تدفعي تمن انتي
رحيق/تبي تنتقم منها انتقم منها هيا مش اني
بكير/لالا انتي حلو الانتقام بيك لما تشف بنت اخته هكي منتقم منها ربيبها تموت الف موته تقعد ندمه عليا وعليك يكله ندم ليا تموت
رحيق/يعني انت من الاول تبي تنتقدم مش قصة ان بيان
بكير/اي من الاول نبي ننتقم قبل منبيش نقلك لكن منعرفش نكدب توا كل شي واضح نقلك تعالي تجي وتم
رحيق/غمضة عيونه وضحكة...ههه
بكير/شبحله جنب...شن يضحك فيك
رحيق/شبحتله جنب...نضحك علي روحي وبس...وسكته تتوجع من يده
بكير/توجع فيك
رحيق/اي
بكير/حتا اني يدي توجع فيا من امس بسببك
رحيق/ان شاءالله لابس عليك
بكير/ربي يزيك وجع
رحيق/شبحتله جنب مصدمة...راك مسموم انت مش حقد بس
بكير/اي مسموم بدات معك انتي تعرفي كان نلقاء نقطعك طرف طرف هكي نكلك بسنوني ونشرب من دمك..ومس بيده علي صدره....اااه
رحيق/تكت راسه علي الكرسي وتشبحله...بكير
بكير/عيونه...وشبحله
رحيق/ولع دفاية صقعة
بكير/باهي هي...فتح اروشن الاربع
رحيق/تشبحله...مقتلك نبي مكيف اني صقعنه صكر المراش بالله عليك
بكير/نبي نجمدك اني
رحيق/به...وحضنه روحه صقعانه
بكير/يجري وصقع يزيد
رحيق/رخت يدها تشبح لي جهت روسن خلت روحها عادية سرحانة
بكير/صكر المراش ولع دفاية...حط يده علي يدها الي مش مجروح لقه مصقع وحول يده
رحيق/مبتش تتلفت ليه بكل وتفكر كيف بدير معه حل معاش عرفه كيف تتصرف معه ...بعدين حطني في حوش جدي لي ان طيارتي قريب
بكير/تلفته ..وين مسافرة كيف متعطني علم
رحيق/لا توا نقل لي العيلة نعط علم لي بكير الاول يوافق او لا مشين لي بنغازي لبين مهدي الوضع
بكير/اي تعطني علم مرة تانية وين بتقعدي
رحيق/فندق اني ورافع وامي بوي عند عمي
بكير/تمام ..وسكت
................................................
الحلقة{12}جزاء(1)
ابدأ من البداية
