البارت الثاني
"قـدري هـُو❤"
آية اول ماشافت محمود رميت شنطتها وجريت، نازلة من ع السلم عماله تصوت علي اساس حد يلحقها، هي خافت اوي، وهي بتجري ونازلة الشارع عربية جاية من بعيد خبطتها وعملت حادثه كبيرة للأسف، حتي تيليفونها مكانش معاها يرنوا علي حد، ولا شنطتها كانت معاها لإثبات شخصيتها، ومحمود وقف في البلكونه وقعد يبص من فوق يشوف الناس هتعمل اي لكن محدش كان عارف يعملها اي، حتي سواق العربية مااخدهاش مستشفي، بعدين نزل جري علي تحت
_ايااااااه!!!
وبدأ يزعق للسواق واتخانق معاه باصطناع طبعاً انه خايف علي آية
_انا هوديك ف ستين داهية لو خطيبتي حصلها حاجه
=حضرتك والله انا كنت جاي والطريق فاضي، هي اللي طلعت فجأه قدامي
_ابعد، ابعدووو، محدش ليه دعوة بيهاا، انا هوديها المستشفى بعربيتي
شالها علي ايديه وركبها عربيته وساق بسرعه جدااااا لحد ماوصلوا مستشفي بس بعيدة عن مكان آية تمامآ👌نزل من العربية وشالها علي ايديه، بتوع الاسعاف شافوه اخدوها منه وحطوها علي ترول من بتوعها ودخلوها جوا المستشفي بسرعه لأنها كانت بتنزف من راسها وفاقدة الوعي وهو ماشي وراهم، واول ماجت عند غرفة العناية قفلوا الباب ومنعوه من الدخول
ساعتين ومحدش يعرف حاجه عن آية، بس الممرضين عمالين يدخلوا ويخرجو وباين من الكلام بينهم ان الحاله حرجة
وأخيرا الدكتور خرج محمود قام جري عليه
_هاااا يادكتور طمني!!
=يؤسفني اني اقولك ان الحاله جالها فقدان مؤقت للذاكرة
_اييي!!! ازاييي؟
=هي اتعرضت لصدمه جامدة ف راسها ودا عرض المخ لفقدان مؤقت للذاكرة، الموضوع محتاج راحه تامة، وهي تحت رعايتنا هنا لحد ماتبقا كويسه
_تمام يادكتور شكرا
الدكتور مشي ومحمود قعد يفكر هيعمل اي؟ دا اللي هو كان عاوزه، وقعد يفكر ان موضوع فقدان الذاكرة دا هيسهل عليه كتير جدا
شوية وحد رن، بيبص لقاه تيليفون آية اللي بيرن، باباها بيرن، مكانش عارف يعمل اي!
ف الاخر رد عليه
_الو!
=الو؟ انت مين؟
_حضرتك انا زميل بنت حضرتك ف الجامعه وبنت حضرتك عملت حادثه وهي في المستشفي حاليا
=وانت مين؟؟؟ تلاقيها كانت بتتسرمح معاك، ماهي تلاقيها طالعه لامها، دي مش بنتي ولا انا اعرفها
وقفل🙂
محمود اتصدم من الرد وفكره هيزعل ويجيلها لكن اكتشف انه للأسف باباها راميها، وصعبت عليه وبعد ماكان هيستغلها علشان اللي ف دماغه هيبدأ يغير كل خططه
Flash back: محمود ابن مستشار كبير جدا مشهور اسمه علي جوهر،وابو اية كان شريكه ف شغل قبل كدا ونصب عليه في خمسة مليون جنيه وسجنه كمان بتهمة انه سرقهم، بس ابو محمود لما طلع طلع وهو في دماغه ينتقم، ومالقاش طريق ليه غير كدا، خلي محمود يعمل كل خطته دي علشان ينتقم منه عن طريق بنته
Flash come:
محمود طلع تيليفونه ورن علي باباه علشان يعرفه اللي حصل جديد بس باباه مردش
صوت صفاارة عاااالي جدا ف العناية فجأة، وفجأة لقي الممرضين بيجروا علي اوضة اية وبيقولوا الاكسچين اتقطع....
#يتبع
لـ سـهـيــلـَة
SOHAILA MOHAMED🦄
