بنـيامـّين

5;

حطها داخل الحوض بعدما امتلأ بمي دافي " فدوه شكد هادئه " مسح ع راسها بعدما شافها تباوع له بنظرات لطيفه بدون حتى ما تنفر من المي مثل بقية القطط ..

كان يفرك شعرها بأستخدام مشط خاص بكلب اخو يلي مات و حاول قدر الامكان ما يأذيها ..
شطفها بسرعه و لفها بمنشفته الخاصه حتى لا تبرد و مشى لغرفته حتى ينشفها عن طريق مجفف الشعر ..

كانت تلعق وجهه بهدوء و كأنها تستلطفه مما جعل هاني يذوب من اللطافه " لج شنو هاي اللطافه؟ " نطق وبدأ يوزع بوسات عشوائيه ع وجهه الصغير ..

مرت عدة دقائق وهو يحاول يجفف شعرها الكثيف بس بدون فائده " دثبتي لخاطر المسيح " نطق بعصبيه مماجعلها تهدأ و تنزل راسها وكأنها زعلت ..

بهاي الاثناء دخل شيفان للغرفه وكان يدور ع تيشيرته الضايع صار له قرنين بس عقد حواجبه بأستغراب من سمع صوت زمجرة خفيفه " هاي شني هاي ؟ " حضن هاني القطه ونطق " شعليك " غلق عيونه بغضب بسبب رد هاني المستفز " هاني !! "

" شنو بس انت مسموح لك تجيب حيوانات براحتك؟ هذا هم بيتي و اني حر شجيب " شد ع القطه يلي بحضنه وهو يرسل نظرات حاده و غاضبه ناحية شيفان يلي تخصر بأنزعاج ..

" دنجب حجينه وياك مثل اوادم جاوب عدل " نطق بقرف وكان راح يطلع من الغرفه بس رجع بفضول " نثيه لو فحل ؟ " عقد هاني حواجبه و رد " ها ؟ "

" غلس " فتح الباب حتى يطلع للمره الثانيه بس قاطعه هاني " مدري بس احسها بنيه .. " التفت و مشى ناحيته " ارفعها خن اشوف " عقد هاني حواجبه باستغراب " شأرفع ؟ "

" هي ارفعها " نطق شيفان و رفع اكمام بلوزته " شسالفه منو معينك دكتور بيطري ؟ " قلب شيفان عيونه ونطق بحده " ترى عندي خبره بالحيوانات اكثر من البيطري بنفسه و هسه ارفع " بعبوس رفع هاني جزء السفلي للقطه ..

" حسيت " نطق شيفان وره ثواني و ابتعد بسرعه بعدما القطه حاولت تهجم عليه " شنو شبيها ؟ " بقلق نطق هاني و حاول يهديها ..

" فحل حبيبي لهذا هيج متوحش " طلع من الغرفة و صعد لغرفته حتى يدور التيشيرت ..
" الحلو طلع ولد " نطق هاني و قربه لوجهه وحط بوسه ع راسه " راح اسميك نيني شرأيك ؟ حلو ؟ " مالكى اي جواب منه مما جعله يطلع من الغرفه حتى يشوف له شي ياكله ..

-

ايام قصيرة مرت بس كانت تمشي ع هاني يلا تمضي من ثقلها " بس اكل شويه بربك " خاطب هاني القط يلي نايم كدامه و رافض يحط شي بحلكه غير المي من اول يوم دخل بي للبيت ..

تأفأف هاني بقهر و التفت ناحيه امه و اخو يلي كانوا كاعدين يراقبوا بدون ملل " شسوي ؟ " رفعت امه كتفها بعدم معرفه و نطقت " مدري اخذه للبيطري بلكي يشوف له حل " اومئ لها و كام لغرفته حتى يغير ملابسه ..

دقايق قصيرة و طلع من الغرفة ، مشى ناحية نيني يلي كان واقف ينتظر هاني و كأنه يعرف بأنو راح يطلع " يلا يحلو تعال " شال نيني لحضنه و توجه للبيطري ..
طول الطريق كان شاد ع نيني خوفاً من انها تقفز و تهرب منه ..