اماً لهن

بارت ٤٥

- كلش زين هاليومين المكان الي هو بي لتبقين انهزمي اختلي منه خلي بحيره وينها داومت لا واذا شفتي يدور ومحتار معناها اله بكلبه تجاهج شي بعد
- الله يسمع منج
- لتبنين امال عليه كلتها واتلمس بخصلات شعرها جوز الله يريد يبعدج عنه جوز بيها صالح ياامي لتخلي اخر اهتماماتج هذا مصطفى هواي مرتب

- مصطفى!! مصطفى ماحس بي .. احس مادري عبالك بس يحيى رجال  احجي وصافنه عالسكف.

ازل : غمضت عيني وتفهمتها. مثل حالتي احجي وي روحي هم مثل اختج انتي
دك تلفوني رساله فزيت باوعت للشاشه رائد داز

- نايمه؟
كمت وبقت عسل تباوعلي
- منو؟؟
- اا وسناء هيج دتسالني على شغله
- اوك حروح انام
- ديله اني هم .. نامي ارتاحي تنامين يمي
- لالا مارتاح بس بفراشي
- اوك
طبيت لغرفتي دزيت
- لا كاعده اكو شي؟
- ضل بالي يمج
- ليش
- ماعرف ضلت ببالي هبطتج.
- تخاف عليه
مرد
كتبت
- رائد؟
- تفززيني من تكوليها بله عمو او حتى استاذ
مرديت
كتب
- اسر جان يمنا
- امم
- انفتح موضوعج وضل يثني على جمالج وادبج
- وبعدين
- هاهي اتوقع باجر يدز اهله عليكم
- انت شنو رايك
- انتي براحتج
- يعني اوافق عليه
- كتلج براحتج
- ممكن اتصل
- اي
دكيت راسا رد
- ها يابه
- انصحني كلتها وغمضت
كال بصوت تعبان
- مافيدج اني
- وعادي عدك اروح ومتشوفني
جر حسره شكبرها كال
- المهم عدي مرتاحه
- واذا كتلك ماارتاح بس
وسكتت مكدرت اكمل. دموعي نزلت هو ساكت واني ساكته. ولاول مره بهيج احساس وعاطفه. كال بتعب
- ازل. ؟
- همم
- ترضين بيه
شهكت وكعدت بالكع ابجي
- لتبجين ابويه انتي كلشي اسوي بس لتعوفيني. بس راح اضلمج

-ىليش هيج تكول
احجي وابجي
- اني بضعف عمرج بس مداكدر اتخيل حياتي دونج بابا اني داشوف بيج حنيتها  هي ماريد اخدعج هذا كلبي يريد  يطططك من اشوفج تحجين وي شاب غيرة حبيب على حبيبته 

ومن تكبلين ارجع قبل ١٥ سنه بشعرج المي الواصل نص طولج وضحكتج الترد روحي اني واكع بين نارين
ساعه احس روحي ابوج وساعات لا
كالها بعصبيه وتوسل صوته يختنك ويرد يرجع

سكت شوي وكال بتوسل
- شسووي
- شوفني مثل مداشوفك اني
كلتها بصوت يرجف جر حسره وبصوت ناصي ردد
- شون تشوفيني انتي
- اني داشوفك كلشي بحياتي كلتها وبجيت ااني داشوفك ابويه النحرمت منه سندي وضهري
داشوفك مثل مجنت اشوفك قبل بس بنضوج اكثر

- شون يعني فهميني
يحجي نبرته ترجف
- انت اول رجل دك كلبي اله اول واحد حبيت اضهر جمالي كدامه والوحيد
من اول مره باوعتلي باعجاب لليوم اني كل ليله اتذكر نظرتك ماكدر رائد مستحيل اصير لغيرك اني داشوفهم كلهم نكره يمك

كال ببحه صوت
- اااااخ واني داشوفج مثل متشوفيني اكذب اذا كتلج مجنت حاس اكذب اذا كلت مجنت اغار واصير نار مني وبيه طفله. وربت عدي جنت ادري بكلشي وحتى من وصل راكان كلام اختج متفاجات ابد جنت حاس ازل جنت حاس بس كلت مراهقه ويجي يوم تصحه
- مكدرت انت اول احلامي واخرهم