SLEEPING WITH THE DEVIL

توضيح

مسائكم جميل متابعيني الأعزاء يارب تكونوا جميعا بخير انا حبيت اوضح نقطة لأن لقيت اكتر من حد كاتب كومنت ان فيجو هو أليكس... لا فيجو مش هو أليكس.. لأن أليكس شخصية مختلفة وليه دور في الرواية وهتلاقوا صورته في بارت الشخصيات وبالمناسبة أليكس مات فعلا وكارتر هو اللي قتله (شوفتوني وانا بحرق 😂 )

أولا لو كان فيجو هو أليكس ايه مصلحة كارتر انه يتخانق مع بنته ويقتله بالعكس ده هيفرح لأنه عاوز بنته تتجوز واحد زيه يساويه في النفوذ يكون رجل أعمال مشهور او زعيم مافيا وغني زيه وده انا وضحته بأول البارتات ان اكتر واحد كسب وفرح في اجتماع المافيا هو كارتر لأن هنري حكم ان الصفقة هتتقسم بينه وبين البيرتينو بالتساوي وان بنته هتتجوز ابن البيرتينو عقابا ليهم لأنهم اخترقوا الهدنة لأن القانون بيقول اما النسب او الموت ده غير أن كارتر تعب من تمرد كاترينا وفضايحها وماصدق ان جتله الجوازة دي عشان يخلص منها

ثانيا من ضمن التعليقات ان كارتر مقتلش أليكس وخباه طب ليه كارتر هيعمل كده هو اصلا زعيم مافيا ومعندوش قلب اسهل حاجة عنده يتخلص من أليكس ويقفل الباب ده علي بنته ومن ضمن التعليقات كمان ان أليكس هو فيجو بس ممكن يكون فاقد الذاكرة او عمل عملية غير شكله طب  ليه أليكس هيعمل كده ؟؟ وليه هيسيب كاترينا ؟ وليه هيظهر علي انه فيجو ويعاملها المعاملة الوحشة دي وهو بيحبها ده من كتر حبه فيها يوم عيد ميلادها عمل وشم علي صدره بأسمها بيطلب منها الجواز بلس أن انا وضحت كمان ان أليكس اتعرف على كاترينا في الجامعة وبدأت قصة الحب بينهم

ثالثا فيجو نبرة صوته شبه نبرة صوت أليكس وبس لكن الشكل لا هو مش شبهه الاتنين شخصيتين مختلفتين تماما ده غير ان انا قولت ان فيجو ملوش في الحب والجواز بتاع عاهرات فقط ده حتي جيمس بيدعي عليه من اول الرواية 😂 وكمان وضحت ان صديقه من الجامعة

رابعا بالنسبة لألبيرتينو نسيتوه ده مبهدل فيجو كل شوية ونفسه يجيبله حفيد ده غير أنه متفق معاه علي خطة أنتقام من كارتر وبنته يرد بيها كرامته بعد اللي حصل في الاجتماع اللي عدي السرد يا جماعة ومركزش فيه وقعت منه تفاصيل كتير

أخر شيء انا ما حبيت أعمل شيء تقليدي ان لازم البطلة تحب البطل اول ما تشوفه لا عادي جدا تكون بتحب واحد قبله بس الظروف فرقت بينهم وعادي جدا تكون وفية ليه عشان كل الحب اللي قدمه ليها وانه ضحي بحياته عشان كان بيحبها زي بردو موضوع العلاقة وان ازاي البطلة تكون عملت علاقة مع واحد تاني غير البطل كاترينا عملت علاقة مع أليكس عشان كانت بتحبه وهتجوزه ومكنش في حسابتها ابدا ان هينتهي الموضوع بموته وانا وضحت في السرد في اول الرواية انها كانت رافضة الجواز وانها كانت حاسة بالذنب ان اليكس مات بسببها وحاولت الانتحار ولما فشلت المحاولة قررت تعيش باقي حياتها من غير ارتباط وانها شايفة ان دي اقل حاجة ممكن تقدمها لأليكس انها تكون عايشة علي ذكراه لولا كارتر بقي
قلب كل ده ومسكها من ايديها اللي بتوجعها وقالها ان حياة أنجلينا مهددة لو موافقتش علي الجواز

نيجي بقي لفيجو هو عمل ايه لكاترينا ولا حاجة كل اللي عمله زفت مبهدلها من اول الرواية عمل معاها علاقة وهي مش في وعيها واستغلها وكل اللي مجننه انها ازاي تحتقره وترفضه وتنطق بأسم واحد تاني هو متعودش واحدة ترفضه وتشمئز منه وده كارثته الحقيقية عشان كده كل اللي فارق معاه انه يخليها تجري وراه ويكسر عينها عشان يرد اعتباره وكرامته لكن حظه الأسود بقي ان كاترينا شخصيتها قوية وعندها كبرياء وكرامة ومش فارق معاها حتي لو قتلها واحب اقولكم انها راح تلاعبه وتجننه🤭😉 وعموما بالبارتات القادمة الأحداث هتتغير خالص وهنشوف اللي هيحصل 🔥🔥🔥

ولكل اللي بيسأل علي البارت انا بدأت كتابة فيه وبمجرد ما أنتهي من كتابته هنزله علي طول ميرسي كتير لكل اللي بيتفاعل وبيكتب تعليق جميل
love u all
❤