أنتقام الضابط نمر

بارت 18

_ اسمع واني أرجف كتلها
ماما والله هسه يجي ياخذني منا

_ حبيبتي بنيتي لا تفكرين اكثر الي
كاتبه الله يصير

_ بقينه اني وامي سالفه تجيبنا وسالفه تردنا تشكيلي واشكيلها

صبا:  يلا ميرهان كومي تمددي مزين عليج حبيبتي

_ رحت تمددت ومواجيعي هاجت عليه
الألم الي بكلبي اكبر من ألم جروحي
غفيت وشفت نمر لازم بيده مسدس
وبيده سنسله نفسها الي ضربني بيها
اجه ربطها بيدي وجرني وراه واني
اصيح أجتي زهراء خيطت حلكي
فزيت واني اصيح

_ ماااماا وينج مااامااا
اجتي تركض هي وصبا

ام حسان: اسم الله يمه

_ صبا جابتلي مي شربت واديه يرعشون

ام حسان: شبيج يمه

_ ماما راح ارجع ايي ارجع وهل مره نهايتي يمه

ام حسان: لا حبيبتي لا تخافين ماكو شي اني وابوج يمج محد يكدر ياخذج لا نمر ولا غيره

_ ماما اني حلمت

_ اششش حبيبتي هاي خرابيط

صبا: ميرهان لا ضلين تفكيرن بهل حقير
طلعي من بالج ما يستاهل تفكرين بي اصلاً

_ مسكتني من ايدي وكالت

يله تعاي نسوي دولمه انتي مو تحبيها
يله يله

_ جرتني من ايدي ورحنه نلف بلدولمه
خلصنا الغده واجوي بابا وسلام وحسان اخويه شافني واجه باسني براسي وحضني

حسان:  والله يحلم يشوف عيونج الحلوة بعد

واجت فرح بوستني وحضنتني و ويلاد حسان، احس نفسيتي احسن ارتاحيت شويه ولو كابوس
نمر ما يفارقني ومتأكده
كل هل ايام راح ادفع ثمنها غالي كملنه غده بين الضحك والسوالف حاولو ينسوني الي مريت بي

ابو حسان:  يله نروح للبيت

_ هزيت راسي وصبا كالت

_ لا بابا خليها يمنه والله ترتاح أكثر

سلام:  اي عمي خليها يمنه اسوالف ويا صبا والأطفال وتغير نفسيتها شويه

ابو حسان: لابويه ماريد اسويلكم مشاكل
تدرون رجلها خبل يروح يكتله واحد

_ طلعت من بيت صبا ورجعت للبيت
اففف احس روحي رجعت مشتاقه كلشش البيتنه والأيامي والكل ركن بي اذكرت ياسه اووف والله ناسيتها نمر نساني كلشي دخلت للبيت كلشي ممتغير منه
غير السعاده الي نطفت بي صعدت الغرفتي وذكرت كلشي عشته بيها علاقتي بـنمر جانت أكبر غلط دمرت حياتي
لو جنت أعرف الي راح يصير جان ما شفته اصلاً ما التقيت بي ما حبيته
اخخخ بـس شتفيد الـ" لوو " بعـد

تمددت على جربايتي وغفيت واني اشوف كوابيس للعصر كعدت شفت
ماما اسوي كبه كعدت يمها

ام حسان: هلا يروحي، صح النوم