جلالتك

♕ The End ♕

هبط راسو و قال: " المعذرة.. إعتبري ما قلت والو...

خلاها و راح من لتم ما خلالهاش فرصة تهدر.... بقات تغزر فيه رايح و قلبها يخبط فوور مور ما عترفلها هكاك... جامي تعاملت مع رجال من قبل.. هو أول واحد يقولها كلام هاك ما عرفتش واش تهدر.. والا واش كان لازم دير...

عاودت دخلت لجناحها و ما زادتش خرجت كامل

♚

♚♚♚♡♕♕♕

بعد 3 أيام ♡...

طورت علاقة آزر و إيرينا كثر و انظمت لجناحو بعد اصرار آزر على هذا الشي... نحى قسم الحريم من قصرو و عطى الحرية للمحظيات إما الرجوع لاهلهم والا يتكفل بيهم بشرط يخرجوا من القصر... سوزان قررت ترجع لاهلها لكن ريماس ما حبتش تخرج من المدينة... ألوغ طلبت لقب النبيلة...

روزالينا بعتت رسالة خاصة لوالديها حكاتلهم واش تفاهمت مع الامبرطور مور ما رفضها كمحظية و وصلها أحد رجال ريكو ليد باباها خاف طيح في يد واحد من فاميلتها و تحصل...
كان رد باباها أنها تبقى لتم و راح يسييو يلحقوا بيها بصح ماشي تمتم.. و يبقاو على اتصال حتى يقدرو يخرجوا من مدينتهم بلا مشاكل...

و فيما يخص ريكو ما تلاقاتش بيه كااامل في ثلث الايام لي فاتو...

تالين و بدر بداو يوجدو لعرسهم لي حبوا يديروه صغير و بيناتهم برك...

أما إيرينا كانت في جناحها المشترك مع آزر توجد في روحها و تالين تعاون فيها... ليوم يلحق الامير أشرف و أوس يهدروا مع آزر في خصوص الاميرة جوانا...
خرجت كان بدر كي العادة متكي على الحيط يستنى فيهم...

بدر: " الامراء يلحقوا على 10 دقائق من الافضل نزربوا...

سبقاتو إيرينا و هي تزرب في المشية... راهي متشوقة هبطت للتحت لقات آزر واقف يستنى فيها... تبسمت معاه و راحت تجري ليه...

آزر: " باينة فرحتك من عينيك...

إيرينا: " اشتقتلهم بزاف...

آزر: " إذا خلينا نستقبلوهم...

حطت يدها على دراعو و خرجوا كيف كيف... وقفوا يستناو دقائق و دخلوا عربات الأمراء... إيرينا الدمعة طاحتلها كي شافتهم هابطين من العربات و المفاجئة.. جاو حتى التوأم...

تقدموا و انحناو لازر و ختهم...

آزر همسلها: " تقدري تعنقيهم!

مع لي قال هكاك طلقتو و راحت تجري تعنق فيهم واحد واحد...
أشرف غزر في جوانا و تبسم حشمت هبطت راااسها..