جلالتك

♕ The End ♕

آزر تان كان متفاجئ.. بدر لي جامي خمم في طفلة من قبل لحق يحب و يطلب الزواج.. بصح هو و طاح في أميرتنا... تبسم وقال: " حدد يوم و راح نتكفل بكل شيء...

بدر فرح..: " شكرا جزيلا جلالتك...

كانت إيرينا رايحة تعنق تالين جبدها آزر من حوايجها و ردها ليه و قال: " هذي العادة نحيها...

إيرينا: " كنت راح نعنق تالين برك..

آزر: " لا.. نعرفك تتحمسي كثر.. نسيتي واش صرا في القرية..و فكرتيني في العقاب...

إيرينا: " ع.. عقاب لكن اعتذرت...

بدر و تالين اغتنموا الفرصة و هربوا من لتم...

آزر: " خليني نخمم في عقااب يليق بيك..

إيرينا ضحكت وقالت: " تعرف شحال من مرة قولتلي نعاقبك و ما عقبتنيش...

طلع حاجبو و قال: " شحااال...

إيرينا: " شوية برك... بصح عندي حل باه ما تعاقبنيش...

آزر دار يديه مور ظهرو و قال: " لي هو؟؟

تبسمت و دنات ليه..و قالت: " قرب نخبرك...

هبط راسو ليها و هي باستو غمض عينيه و باادلها حتى رجعت للور و ضحكت: " الدين خلاص...

آزر: " تبا للدين...

هذي المرة هو لي بااسها..

بصح خلونا منهم والاو ما يحشموش..

نروحوا لريكو لي كان واقف عند باب جناح المحظية متردد و متوتر بزااف.... طول و هو لتم حتى خرجت روزالينا.. و طاحت عينها في عينو..

روزالينا بتسائل: " ريكو؟ تستنى فييا؟

للحظات بقى ساكت و يشوف فيها أمبعد قال: " ر.. ربما هذا جنون.. بصح اسمعيني...

روزالينا تقدمت منو و قالت : " واش كاين؟..

ريكو: " أعلم.. لبارح تلاقينا... و ما نعرفكش و ما تعرفي عليا والو...(سكت و هبط راسو ..) الامر غريب بزاف.. لكن..

ما قدرش يهدر حطت يدها على دراعو و قالت بخوف: " ريكو؟؟ واش حاب تقول؟...

طلع راسو و قال: " وقعت في حبك...

فتحت عينيها مشوكيا و يدها طاحت من على درااعو...

ريكو توتر بزااف بقى يشوف في عينيها و يستنى كاش ما دير بصح بقات واقفة باينة مصدومة قال: " ق.. قصدي إعجاب من أول لقاء والا ما علاباليش واش نسميه.....(بقات ساكتة و تغزر فيه تسيي تستوعب.. هو لتم حس بلي تقبها مليح.... ما عرفش حتى كيفاه يعبر على واش يحس.. الوغ حب يتراجع): "عذرا عذرا.. جاوزت حدودي....