جلالتك

♕ The End ♕

أما بدر راح عند تالين لي كانت متكيا على الحيط مقابلة باب قاعة العرش وين كانت إيرينا ما زالت مع آزر..
شافتو سڨمت روحها و قالت: " بدر واش راك دير هنا؟؟.. لازم ترتاح..

تبسم و وقف قدامها و تكى على الحيط كما موالف...
بدر: " حبيبتي نساتني قولت انا نروح ليها...

حشمت هبطت راسها و قالت: " م.. ما نسيتكش.. كنت نخمم فيك..

ضحك وقال: " أمزح.. احتجتك في شي..

طلعت راسها شاافت فيه

بدر: " ربما ماشي الوقت المناسب والا الطريقة المناسبة.. بصح لازم نقولها الان...

تالين بخوف: " بدر واش كاين؟؟

شدلها يدها و قال بلا مقدمات: " تالين خلينا نتزوجوا!!

يبست في بلاصتها و هو بقى يشوف فيها... بون ماشي هذي الطريقة لي كان خادمها في رااسو باه يتقدملها بصح هذا واش خرج من لسانو...

تبسمت و عينيها تعمروا دموع ما فهم والو.. حتى دنات و عنقااتو بلعقل..

بدر: " ي.. يعني قابلة..؟؟

ضحكت و قالت بلعقل: " أكيد قابلة...

تبسم و قال: " راح تكوني أسرتي و كلش في حياتي نوعدك تكوني فرحانة معايا...

تالين: " أنت تان راح تكون أسرتي الوحيدة و كلش في حيااتي... نحبك بدر.. ♡

حط يدو على ظهرها و قال: " نحبك يا روح بدر...

ضحكت و بقات معنقااتو...

تفتحت الباب و خرجت إيرينا و موراها آزر.. حبسوا كي شافوا هذاك المنظر...

بدر قريب تغشى كي شافهم يغزروا فيهم.. تالين رجعت للور و انحنات تجري... و بدر ما قدرش يتحرك...

إيرينا ابتسمت وقالت بمكر: " عذرا على المقاطعة..

بدر غمض عينيه و هبط راسو..

تالين: " ع.. عذرا مولاتي!!

بدرقال بإندفاع : " جلالتك نحتاجك في أمر..

آزر ببرود كيلي ما شاف والو: " تفضل...

بدر شاف في تالين و إيرينا امبعد قال: " حاب نتزوج من وصيفة الامبرطورة!! ....

إيرينا غزرت في تالين مصدومة... و تالين وجها قريب زراااق من الحشمة...