جلالتك

♕ The End ♕

ريكو بتسائل: " إنسان عزيز؟

بدر ضحك وقال: " و كاين لي يقول كي تنوي تتزوج من الراجل لي عجبها تبعتلو قطعة من الحلي يدل على اعجابها و موافقتها عليه باه يتقدم لاسرتها....

ريكو قلبو خبط فوور.. عاود شاف في براصلي و قال: " بدر.. راك تحكي صح والا تمزح؟

بدر غزر فيه كان يسقسي سيريو! قال: " أمورات كنت نسمعهم كي كنت فارس.. كونا نخرجوا بزاف... يعني سمعت بزاف قصص هاك..

وقف ريكو و غزر في بدر: " يعني معجبة بيا؟ لكن عرفتني البارح.. غير معقول!!

بدر طلع حاجبو ماشي فاهم..: " شكون هذي.. المحظية الجديدة؟...

ريكو: " ما والاتش محظية.. جلالته سقط عليها الاسم و عطاها حريتها...

بدر تبسم: " واش راك تستنى ريكو؟

ريكو: " واش تقصد؟

بدر: " روح ليها ... اعرف قصة البراصلي منها...

ريكو بقى متردد...: " لا.. ما نقدرش... مستحيل... قالت هدية شكر.. و هي من أسرة حاكمة...

بدر: " وأنت تابع الامبرطور لي يحكم أرضها...

سكت ريكو أمبعد بدر قال: " معجب بيها؟

ريكو ما قدرش يقول بلي لاول مرة في حياتو ڨااع قلبو يخبط هاكاك... غير كي شاافها من لبعيد..

ريكو: " لا أدري...

بدر: " حسنا.. حسنا ما نضعطش عليك.. تبع واش يقولك قلبك...

وقف بدر و راح و خلاه يخمم مع راسو.. طول و هو واقف في نفس البلاصة يطلع و يهبط.. امبعد خذا نفس و عاود دخل للقصر...

♚♚♚♡♕♕♕

جوانا كانت قاعدة في جناحها كي العادة تقرا كتاب حتى دخلت الوصيفة و في يدها رسائل ناضت جوانا متحمسة و شدت عليها رسالة أشرف.. زربت فتحتها و بقات واقفة تقرا حتى فتحت عينيها مشوكيااا تقرا و تعاود... عينيها تعمروا دموع.. الوصيفة تقدمت منها بخوف وقالت: " مولاتي.. وشبيك واش صرا؟؟

غزرت فيها جوانا و بدات تضحك.. عنقت الرسالة وقالت: " الأمير أشرف راه جاااي.. و.. و راح يطلب يدي من الامبرطور بشكل رسمي...

الوصيفة حطت يدها على فمها من الشوك و بدات تضحك هي تاان...

جوانا: " لازم نخبر إيرينااا..

خرجت تجري من جناحها لجناح إيرينا...

♚♚♚♡♕♕♕