جلالتك

♕ The End ♕

عند ريكو كان في كولاوار مع روزالينا يمشوا يوصلها غرفتها حبست و دارت ليه..

روزالينا: " شكرا جزيلا ريكو بفضلك وليت حرة...

بلع ريقو و دور وجهو عليها:" راح نتكفل برجوع أهلك.. إرتاحي...

روزالينا دنات نحات واحد البراصلي من يدها و شدت يدو تخلع و جبدها وقال: " واش راكي ديري؟؟

روزالينا : " واشبيك.. ممنوع نمسك؟؟ ياك مانيش من نساء الامبراطور الان...(تبسمت و قالت): "حبيت نقدملك هدية شكر..و إعتذار بسبتي الامبرطور عيط عليك..

هبط راسو و سكت.. مد يدو و هي تبسمت و ربطتلو البراصلي هذاك... و راحت تجري.. بقى يغزر فيها حتى اختفت من الانضار..

بقى يغزر في يدو شوية امبعد كمل طريقو و خرج باه يروح لقاعة التدريب.. لقى بدر قاعد وحدو راح ليه..

ريكو: " تخلات عليك جوليات؟؟

بدر ضحك وقال : " مستحيل كنت نخمم في واحد الامر...

ريكو قعد قدامو و قال: " راني نسمع احكي؟؟

بدر: " تالين..

ريكو تبسم و قال : " أكيد تالين...

بدر: " حاب نتزوجها...

ريكو دار ليه مخلوع.. كمل بدر يهدر: " حاب نكون أسرة و نلقى الاستقرار لحياتي البائسة...

ريكو: " إذا؟ واش راك تستنى.. تزوجها و عيشو حبكم و جيبونا بزاف دراري يعمروو القصر كامل...

ضحك بدر: " جيب ولادك و عمر بيهم القصر كما تحب..

تبسم ريكو و هبط راسو للبراصلي لي في يدو.. شافو بدر تان...

بدر: " وليت تلبس هذو الحاجات؟ من وقتاش...

ريكو جبد يدو للور و قال : " مجرد هدية..

بدر: " من وقتاش تقبل الهدايا...

ريكو: " من نهار اليوم.. ديرونجاتك؟...

بدر: " شكله غريب... شكون عطاتهولك...

ريكو بسخرية قال: " بتول...

ضحك بدر و قال: " السيدة بتول عندها النية باه تتزوج بيك؟؟

غزر فيه ريكو ماشي فاهم...: " بدر دااوي مخك بتول مرا كبيرة و الكل يحترمها...

بدر: " ما قلت والو.. برك هذا براصلي معروف في منطقية الغربية.... الأسر الغنية و الحاكمة عندهم حلي خاص بيهم.. و طفلة اذا تخلات على قطعة منو أعرف برك لانسان عزيز..