جلالتك

♕ The End ♕

و روزالينا كملت تهدر: " جلالتك أعذرني لكن مانيش حابة نبقى هنا كمحظية بدون فائدة..

إيرينا تبسمت من كلامها تبان جريئة..

آزر: " ارجعي لمدينتك...

روزالينا: " راح يتم قتلي أكيييد...

آزر ببرود: " ما طلبتش محظية من الاول...

إيرينا: " واش ذنبها حتى تموت بسبب كما هذا؟؟ حتى و لو ما طلبتهاش لكنها من شعبك ولازم تحميها...

آزر: " إيرينا!!!

إيرينا ربعت يديها على صدرها و قالت: "ماذا!!؟ اليس هذا الصواب؟

آزر: " حابة نقبلها كمحظية؟

إيرينا: " أكيد لا..

آزر سكت و غزر في روزالينا شوية امبعد قال: " على كل حال كنت راح نحي قانون المحظيات من قصري.. يعني راح نحررهم و يرجعو بكرامتهم لاهلهم... هذا قرار الامبرطور و أكيد حاكم مدينتك راه يتقبل..

روزالينا خافت و غزرت في ريكو..

آزر: " ريكو رجعها لمدينتها... و ابعت...

قاطعاتو روزالينا: " من فضلك لا جلالتك...

آزر بلعياط: " كفي عن مقاااطعتي.. القرار اتخدتو...

آزر: " ريكو نفذ..

هبط ريكو و راح جهة روزالينا لي راح تبكي من الخوف.. وقف قدامها و امبعد ركع في لرض وقال: " ع.. عذرا جلالتك ما نقدرش نرجعهاا..

روزالينا كي شافت ريكو هكاك تخلعت امبعد هبطت هي تان معاه...

إيرينا حلت فمها مشوكيا لاول مرة تشوف ريكو واقف ضد قرار آزر..

آزر طلع حاجبو و سڨم روحو فوق الكرسي..

آزر بهدوء: " لماذا؟؟

ريكو: " العشيرة لي تحكم المدينة قوانينهم صارمة رجوعها يعني موتها.. بذنب أو بدون ذنب ما راحش يهمهم الامر.. و أنا واعدت أبوها نحميها.. لذا من فضلك جلالتك تراجع على قرارك....

آزر: " ريكو.. أوقف..

ريكو زاد هبط راسو وقال: " من فضلك!! المحظية السابقة بلا ما بحثو عن الاسباب عذبوها و ربما قتلوهاا.. لذا من فضلك..

آزر وقف من الزعاف و قال: " تبااا قلت أوقف..

وقف و بقى مهبط راسو.. آزر كان يسيي يتكالما و إيرينا بقات تشوف فيهم لمدة امبعد قالت لآزر: " من فضلك تراجع آزر...ما عندها حتى ذنب....