Mon, Oct 18, 2021
Translator - Breeze | Typeset/ edit - Lynx
=====
ကျီးဝမ့် သတိလက်လွတ်ဖြင့် ထိုနေရာ၌သာရပ်နေမိသည်။ ကောင်လေးက မှန်ကနေတဆင့် ကျီးဝမ့်ရဲ့မျက်နှာကို မြင်လိုက်ပြီးနောက် သူရဲ့လက်လှုပ်ရှားမှုများ ရပ်တန့်သွားသည်။ သူ ထိုင်ခုံကိုတစ်ပတ်လှည့်လိုက်ကာ ခုံရဲ့အနောက်ဘက် အမှီပေါ်လက်ထောက်လိုက်တဲ့အချိန် သူ့ခေါင်းပေါ်က အဆင်တန်ဆာပစ္စည်းလေးတစ်ခု မြေပြင်ပေါ်သို့ပြုတ်ကျသွားခဲ့သည်။
"ခင်ဗျားကဘယ်သူလဲ?"
ကျီးဝမ့် သူငယ်ချင်းဖြစ်သူ ယွမ့်ရန်က စကားပြောဆိုလို့ပြီးတဲ့အခါ ကျီးဝမ့်ကိုရှာဖို့အခန်းထောင့်ဆီသို့ ရောက်လာခဲ့သည်။
" ဒီမှာဘာလုပ်နေတာလဲ?"
ယွမ့်ရန်က ချီပေါ်ယန်ကိုတွေ့လိုက်ရသည့်အခါ မရေမရာပြုံးလိုက်သည်
" ငါတို့ရဲ့ချစ်လှစွာသော ခေါင်းဆောင်အဆိုတော်လေးကို တွေ့ဖို့လာတာလား?"
ချီပေါ်ယန်ရဲ့ မျက်လုံးတွေက အကြောင်းပြချက်မရှိ တောက်လောင်နေသည်။ သူ့မျက်နှာပေါ်က မိတ်ကပ်ကို တစ်ဝက်သာဖျက်ထားပြီး နှုတ်ခမ်းပါးများက နီရဲနေသဖြင့် ကျီးဝမ့် မသိစိတ်ထဲကနေ တံတွေးမျိုချလိုက်ပြီး၊ သူ့နာမည်ကိုပြောလိုက်သည်။
" ကိုယ့်နာမည်က ကျီးဝမ့်။ ကျန့်ဝမ်ရဲ့မိတ်ဆွေပါ "
ပြောပြီးနောက်တွင် ကျီးဝမ့်ကခန္ဓာကိုယ်ကိုကိုင်းကာ မြေပြင်ပေါ်က
မှ အသုံးအဆောင်ပစ္စည်းလေးကို ကောက်ယူလိုက်သည်။ ထိုအရာလေးက ကပ်ကြေးတစ်စုံ ပုံစံဆံညှပ်ကလေးဖြစ်ပြီး၊ သူ ချီပေါ်ယန်ကို လှမ်းပေးလိုက်သည်။ ချီပေါ်ယန်ကတော့ ကျီးဝမ့်အားဂရုမစိုက်သလိုပင် မှန်ရှိရာသို့ပြန်လှည့်သွားပြီး၊ သူ့အားလျစ်လျူရှုရင်း မိတ်ကပ်ဆက်ဖျက်နေလိုက်သည်။ယွမ့်ရန်က ဆက်သည်းမခံနိုင်တော့ဘဲ ချီပေါ်ယန်ကိုဆွဲဖို့ လက်ဆန့်ထုတ်လိုက်ချိန် ကျီးဝမ့်က ချက်ခြင်းပင် သူ့လက်ကောက်ဝတ်ကို တင်းတင်းကျပ်ကျပ် လှမ်းဆုပ်ကိုင်လိုက်သည်။
![](https://img.wattpad.com/cover/284249504-288-k917089.jpg)
CITEȘTI
Give up
DragosteTitle - Morbid attachment, Give up, 詬病 Original author - Chi Zongzha Total - 97 chapters + 7 extras Main Characters - Qi Boyan ( ချီပေါ်ယန် ) , Ji Wang ( ကျိဝမ့် ) Alpha x Alpha Celebrity Gong x Actor Shou Genres - ABO world, Entertainment, Reun...