خرج الدكتور وخرج معاه الشاب
_كده يا تاج تخضيني عليكي
_هو اي اللي حصل
=انا كنت نايمه وبعدين لقيت الشاب اللي كان هنا فضل ينادي عليا كتير صحيت لقيته شايلك وانتِ مغم عليكي حاطك على السرير ونزل جري يجيب ليكي دكتور و
_احم احم حمد لله على سلامتك
=الله... يسلمك
_أنا هنا ساكن في الشقه اللي قصادكم لو محتاجين اي مساعده او عايزين اي حاجة انا موجود في اي وقت، اسمي يوسف وأنتوا
_هدير
=تاج
_ تشرفت بمعرفتكم والف سلامه عليكي مره تانيه يا تاج عن أذنكم
خرج الشاب وقفل باب الشقه وراه
_الشاب ده غريب جدآ
=ليه؟
_اصل انت ما شوفتيش اللي حصل لما صحاني من النوم كان وشه كله مياه وكان عرقان من الخوف عليكي ونزل جري يجيب دكتور بسرعه وكأنه عارفك من زمان كان خايف عليكي بشكل غريب ولا كأنه لسه شايفك من شويه
= هو فعلاً غريب كلامه نظراته ريحه برفانه مميزه هو هو يا هدير يوسف يبقى الشاب اللي بحلم بيه بقالي سنه وهو نفس الشاب اللي شوفته في الميكروباص مستحيل تكون صدفه الحكايه ناقص منها حلقه يا هدير
_انتِ بتتكلمي بجد يلاهوي ده حوار التخاطر ده طلع صح طيب هنعمل اي دلوقتي مع يوسف ده بقا جارنا وساكن قدامنا
أتكلمت بتعب
نتكلم بعدين يا هدير أنا حقيقي تعبانه وعايزه انام كفايه كميه الصدمات اللي اخدتها النهارده
نمت وصحيت تاني يوم كان يوم الجمعه صحينا من بدري وفطرنا ومسكت كوبايه النسكافيه وروحت وقفت في البلكونه
_احم صباح الخير
صوتت ووقعت مني الكوبايه في الأرض وتكسرت، كان واقف في البلكونه اللي جمبنا
=انا اسف أنا أسف مش قصدي أخوفك
اتكلمت بتوتر
لأ عادي انا بس كنت سرحانه وانت اتكلمت مره واحده اتخضيت بس
= حقك علي قلبي
_خلاص عادي ما فيش مشكله ايوه صح هي مش الشقه دي شقه طنط ماجده وعمو كرم انت اخدت الشقه إيجار منهم
_لأ انا ابنهم
=اي ده انت يوسف ايوه صح اخر مره شوفتك فيها من ١٥ سنه كده يااااه انت كبرت اوي اومال طنط وعمو عاملين اي
نبره صوته اتغيرت واتكلم بحزن : ماتوا ربنا يرحمهم
_ أنا أسفه ما كنتش أعرف البقاء لله اي بقا اللي رجعك هنا انتوا كنتوا مسافرين السعوديه باين
YOU ARE READING
حواديت تاج ويوسف
Romanceأنا لما بشوفك عمري بيحلي قصادي والعادي ما بيبقاش عادي ده أنا قلبي عليك بينادي ومعاك أنا شوفت نصيبي 💙💙💙 كل حدوته مختلفه تماماً عن اللي قبلها بس بنفس الأسماء تاج & يوسف بدأت كتابه سلسله الحواديت وانا كل هدفي ان افرحكم بكل نهايه إسكريبت ودايماً الن...
