" ကိစ္စမရှိပါဘူးသားရယ်၊ သားကို အမေတွေ့ချင်လို့ပါ "
" ခဏနေရင် လာခဲ့မယ် အမေ "
" ဟုတ်ပါပြီကွယ် "
အလုပ်လည်းမရှိတော့တာမို့ အိမ်ပြန်ဖို့ သီဟထံ ဖုန်းဆက်လိုက်သည်။
" ပြော "
" ငါ အမေတို့ဆီသွားမလို့ "
" သွားလေ ကျွန်တော်ပြီးရင်လိုက်ခဲ့မယ် "
" သွားဖို့တော့ဟုတ်တယ်လေ ကားကဘယ်မှာလဲ "
" မင်းဝေကို ခင်ဗျား Company မှာစောင့်ခိုင်းထားတယ် "
" ဒါပဲ "
ဖုန်းကို ဘောင်းဘီအိတ်ကပ်ထဲထိုးထည့်ကာ ကား ထားရာနေရာသို့ ထွက်လာခဲ့ပြီး မင်းဝေက အဆင်သင့်စောင့်နေသည်ကိုတွေ့လိုက်ရသည်။
" အမေတို့အိမ် "
ပြောပြီးသည်နှင့် ကားထဲဝင်ထိုင်လိုက်သည်။ သေချာသလောက်ကတော့ သူတို့အိမ်ထောင်ရေးကိစ ပြောလိမ့်မည်။
အိမ်ရောက်တော့ အဖေနဲ့အမေက ဧည့်ခန်းထဲထိုင်နေသည်။
" ကျွန်တော်ရောက်ပြီ "
" ရောက်ရင် လာထိုင် "
" မျက်နှာလေးပြဖို့တောင် တော်တော်ခဲယဉ်းသလား သားရယ် "
" အလုပ်လေး ရှုပ်နေလို့ပါ အမေ "
" ဘာအလုပ်လဲ ပြသနာရှာတဲ့အလုပ်လား "
" အဖေ! "
" ငါပြောတာ ဘာမှားလို့လဲ၊ မင်းက ပြသနာရှာမယ်၊ သီဟက နောက်ကလိုက်ရှင်းတယ် ငါပြောတာမှားလား "
" ဒါ ကျွန်တော်သူ့ကို ရှင်းခိုင်းတာမှမဟုတ်ပဲ "
" မင်းလုပ်ထားတာတွေက ဟုတ်မှဟုတ်မနေတာ သူမရှင်းလို့ ဘယ်သူရှင်းမှာလဲ "
" ကျစ်! အဖေတို့ကလည်း သူ့ဘက်ကချည်းပဲ "
" အဲ့လိုတော့မဟုတ်ပါဘူး သားရယ် "
" သွယ် ဘာမှမပြောနဲ့၊ မင်း သီဟလိုလူမျိုးနဲ့ရတာ ကံကောင်းတယ်မှတ်၊ မင်း တခြားသူနဲ့သာဆိုရင် မတွေးရဲစရာပဲ "
" မတွေးရဲရင် မတွေးနဲ့ပေါ့ အဖေရာ "
" မင်း! "
YOU ARE READING
မောင့်မူပိုင် (Completed)
RomanceMarriage Life လေးကို ပုံဖော်ထားပါတယ်။ သွေးထက်သံယိုဖြစ်ခြင်းများအနည်းငယ်ပါနိုင်ပါသည်။ စိတ်ကူးယဉ်ဇာတ်လမ်းတစ်ပုဒ်ဖန်တီးထားတာဖြစ်တဲ့အတွက် လက်တွေ့နဲ့ မသက်ဆိုင်ပါဘူး။ sweet တဲ့အပိုင်းပိုသွားမှာမို့ သဘောမကျပါက ကျော်သွားပေးဖို့ တောင်းဆိုပါရစေ။
Part 4*
Start from the beginning
