سلمي : لا خلاص احنا كبرنا علي كده ..
مراد : ماشي ..
دخلت سلمي المطبخ تعمل المشروب ومراد خرج من جيبه فار صغير لعبه ولف المسمار ووقف علي باب المطبخ وساب الفار اللعبه تتحرك الفار وخيط في رجل سلمي
بصت علي الارض وبعدين بصت قدمها وبصت تاني علي الفار وصوتت : فاااار. فاااار
صحيت امها علي صوتها وأبوها ومراد عمل نفسه خارج من اوضته ؛ ايه ده في ايه
سلمي بصت علي الارض وشافت الفار اللعبه
ام سلمي وأبوها : في ايه . بتصوتي ليه
سلمي : ها . اصل شوفت فار
ام سلمي : يا لهوي . شوفتي فين يا بت .
سلمي : هرب خلاص من الشباك .
ابو سلمي : وانتي يا هبله تصوتي كده من فار . انا افتكرت في حرامي
سلمي : انا بخاف من الفار اكتر من خوفي من الحرامي ..
ام سلمي : عوض عليا عوض الصابرين يارب . البت الحيله هبله
مراد ضحك : معلش يا خالتي بقي . روحي نامي . و
سلمي وهو بتبصله بغيظ : ماشي يا مراد يا ابن ام مراد
مراد ضحك : وانتي كفايه سهر.لحد كده شكلك بيجيلك تهيؤات
سلمي : انت فاكرني مجنونه وله ايه
ابو سلمي : عنده حق .. انتي ايه اللي مسهرك لحد دلوقتي
سلمي : كنت جعانه
ام سلمي : يلا يا بت علي اوضتك وبلاش دلع بنات .
دخلت سلمي اوضتها وهي مضايقه من مراد .. ومارد كمان دخل اوضته وهو فرحان
سلمي وهي بتقعد علي سريرها: عيل تافه واهبل
مراد في اوضته : انا عمري ما انسي طاري
....
اليوم التاني بقي
بعد العصر ..
راح مراد مع خالته عند العروسه الرابعه
مراد قاعد مع خالته منتظرين العروسه تخرج ..
مراد : انتي تعرفيها
ام سلمي: لا . دي ام بندق جارتنا قالتلي عليها وبتقول بنت ناس كويسه ومؤدبه
مراد : اسمها ايه
ام سلمي : تقريبا لمار
مراد : مش لمار ده عصير
ام سلمي: هنبدا من اولها .
ابتسم مراد .. دخلت ام العروسه ورحبت بهم مع بنتها اللي قدمت العصير لهم
وبعد ترحيب وكلام ومجاملات ، سابو مراد مع لمار
