သို့သော် ဟန်ဝေသည် သူ့ကို ပြန်မဖြေနိုင်ခဲ့ပေ.....ဘာလို့လဲဆိုတော့ ဆုနို ရုတ်တရက်ကြီး.....သတိလစ်သွားလို့ပဲ!
သူ့ခေါင်းက စားပွဲနဲ့ဆောင့်သွားကာ ကြည့်ရသည်မှာ အလွန်ပင် ထိတ်လန့်စရာကောင်းလွန်းသည်။ဟန်ဝေသည်လည်းပဲ လုံးဝကိုထိတ်လန့်သွားလေသည်။ သူ တစ်ယောက်ယောက်ကို ဖုန်းနဲ့စကားပြောနေသေးတာကိုတောင် သူဂရုမစိုက်နိုင်တော့ပေ။ သူဖုန်းချလိုက်ပြီးတာနဲ့ ဆုနိုကို ချက်ချင်းပွေ့ချီလိုက်သည်။
"နိုနို!"
ဆုရှောင်းနို၏မျက်လုံးများသည် တင်းကျပ်စွာပိတ်ထားနေပြီး သူ တကယ်ကိုသတိလစ်သွားပုံရသည်။
ဒါပေမယ့် တကယ်တမ်းတော့ သူ မေ့လဲချင်ယောင်ဆောင်လိုက်တာပဲ!အကြောင်းကတော့ သူ့အစ်ကိုကြီးကို ဆက်စကားပြောခွင့်ပြုလိုက်ရင် သူ့ရဲ့ ခန့်ညားတဲ့လူကြီး ကြောက်သွားလိမ့်မယ်။ ဒါကြောင့် သူ့အာရုံကို လှည့်ပေးလိုက်တာပဲ! သတိလစ်လိုက်တယ်ဆိုတာမျိုးက နည်းနည်းတော့ ကြောင်တောင်တောင်နိုင်တယ် ဆိုပေမယ့်လည်း ဒီလိုစိတ်ပျက်စရာကောင်းတဲ့အခြေအနေမှာ ဒီထက်ပိုကောင်းတဲ့ရွေးချယ်စရာ မရှိတော့ဘူးလေ။ ဒါကြောင့် သူ ယာယီနည်းလမ်းတို အဖြစ် သုံးလိုက်တာပဲ!
ရုပ်ရှင်နှစ်ကား၊ သုံးကားရိုက်ပြီးနောက် ရုပ်ရှင်ဧကရာဇ်ဆုနို၏သရုပ်ဆောင်မှုသည် အခြေခံအားဖြင့် ကျွမ်းကျင်လာတော့သည်။ အနည်းဆုံးတော့ သူ့အစ်ကိုကြီးက တကယ်ကို အံ့သြသွားပုံရသည်။
မိသားစုဆရာဝန်က စစ်ဆေးပေးပြီးသည့်နောက် လူနာမှာ ပြသနာမရှိဘူးလို့တွေးရင်း ဟန်ဝေနဲ့ခဏလောက်စကားပြောပြီးတဲ့နောက် သူ နိဂုံးချုပ်အနေနဲ့ ပြောလိုက်သည်။ “ မင်းညီငယ်လေးက တစ်ခုခုကြောင့်ထိတ်လန့်သွားပုံရတယ်။ သူ့ရဲ့ စိတ်ပိုင်းဆိုင်ရာကလည်း အားနည်းလွန်းတယ်။ ဒါကြောင့် နောက်တစ်ကြိမ်မင်းသူနဲ့စကားပြောတဲ့အခါ ကြမ်းတမ်းတဲ့စကားတွေကို မပြောမိဖို့သတိထားပါ။ ”
"........."
ဟန်ဝေသည် ရယ်ရမည်လား၊ ငိုရမည်လားမသိတော့ပေ။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...