ကြောက်စရာကောင်းတဲ့အခြေအနေတစ်ခုမှာ အေးအေးဆေးဆေးလုပ်နိုင်တဲ့ယောက်ျားတွေကမှ တကယ့်ယောက်ျားစစ်တွေပဲ!ငါ့ကိုယ်ငါ ကျောလေးပုတ်ပေးလိုက်မယ်!
"မင်းဘာလို့ အခုထိအိမ်မပြန်သေးတာလဲ?" ဟန်ဝေသည် တည်ငြိမ်ဖို့အတွက် ကြိုးစားလိုက်ရသည်။
"ကျွန်တော် ခဏနေအိမ်ပြန်ရောက်မယ်" ဆုနိုကတော့ တွန့်ဆုတ်ခြင်း၊ အထစ်အငေါ့မရှိ။
"မင်း ဘာလို့ဒီလောက်ကြာနေရတာလဲ?" ဟန်ဝေက မေးခွန်းများကို ဆက်လက်တူးဆွနေ၏။
“ကျွန်တော် ကော်ဖီဆိုင်တစ်ခုမှာထိုင်နေတာ။ ဒီဆိုင်က အရမ်းကောင်းတယ်! "ဆုနိုဆီမှာ လိမ်ပြောဖို့စကားတွေက အဆင်သင့်ရှိနေသည်။
"ဘယ်တစ်ဆိုင်လဲ? မင်းကိုလာခေါ်မယ်" ဟန်ဝေ ပြောလိုက်သည်။
ဖာ့ခ်! အစ်ကိုကြီးက ဘာလို့ကျွန်တော်ကိုလာခေါ်ချင်ရတာလဲ? လာခေါ်ပေးဖို့မလိုပါဘူး!
ဆုနို၏ခန္ဓာကိုယ်လေးသည် တုန်ခါသွားပြီး “ မလာနဲ့။ အဆင်ပြေတယ်။ ကျွန်တော် ခဏနေပြန်လာခဲ့မယ် " ဆုနို ဒီအချိန်မှာ မထိတ်လန့်ဘဲ မနေနိုင်ပေ။
"မင်းနာရီဝက်အတွင်း အိမ်ပြန်လာရမယ်၊ အစ်ကိုကြီး မင်းကို စကားပြောစရာရှိတယ်" ဟန်ဝေ အမိန့်ပေးလိုက်သည်။
".....ဘာဖြစ်လို့လဲ?" ဆုနို အေးခဲသွားသည်။
ဖုန်း၏အဆုံးတွင် မြည်သံတစ်ခုသာရှိခဲ့ပြီး ဟန်ဝေက ဖုန်းချပစ်လိုက်သည်။
ဘာလို့ ဒီလောက်တောင် ဟိတ်ဟန်ကြီးနေရတာလဲ? ဆုနို ညည်းညူလိုက်သည်။ မာဖီးယားတွေများ..!!
ငါ အိမ်ပြန်ဖို့နာရီဝက်ပဲ အချိန်ရတော့တယ်ဆိုတော့ ဒီမှာ စားသွားလို့ မရတော့ဘူး! သနားစရာပဲ!
"ကိုယ် ပြန်ရောက်ပြီ။" မစ္စတာဒါရိုက်တာသည် အစားအသောက်တွေကို အမြန်ဝယ်လာခဲ့သည်။ ဖျော်ရည်နှင့်အသားညှပ်ပေါင်မုန့်တွေအပြင် သူသည် hazelnut hot chocolate တစ်ပုလင်းလည်း ဝယ်လာခဲ့သေးသည်။
“တစ်ဝက်လောက်ပဲစား။ ညစာအတွက် မင်းဗိုက်နေရာချန်ထားဖို့ လိုသေးတယ် " အိုးရန်လုံက သူ့ကို အပူပေးထားတဲ့အသားညှပ်ပေါင်မုန့်ကို ပေးလိုက်သည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
