အိုးရန်လုံသည်လည်း တကယ်ကိုအကူအညီမဲ့ပြီးနှလုံးသားလေး နာကျင်သွားခဲ့ရသည်။ ဒီလို အရူးလေးနဲ့ ရည်းစားဖြစ်ရတာ အလယ်တန်းကျောင်းသားလေးတွေ စောစောစီးစီး ရည်းစားထားတာနဲ့ ဘာလို့များ တူနေရတာလဲ?ကိုယ်တို့တွေက မိဘတွေ တွေ့သွားမှာကိုတောင် ကြောက်နေရတယ်!
"သရက်သီး ဖျော်ရည်သောက်လို့ရမလား?" ဆုနို ခြောက်သွေ့နေသည့် အသံဖြင့် မေးလိုက်သည်။
"ကိုယ် စူပါမားကတ်ကိုသွားပြီး မင်းအတွက်ဝယ်လာခဲ့ပေးမယ်" အခန်းဝန်ဆောင်မှုက အလွန်နှေးကွေးတာမို့ မစ္စတာဒါရိုက်တာက ထပ်မစောင့်ချင်တော့ပေ။
“ငါးမိနစ်အတွင်း ကိုယ်ပြန်လာခဲ့မယ်”
“အင်း....ဒါဆို အစိမ်းရောင်အထုပ်နဲ့ အသားညှပ်ပေါင်မုန့်တစ်ခုကိုလည်း ဝယ်လာခဲ့ပေး ” ဆုနိုသည် ဟော့ဒေါ့ကိုပါ အမှန်တကယ်ထပ်မှာချင်သော်လည်း.. ဒါပေမယ့် သူတို့က အခုမှ ပြန်တွေ့ရတာကြောင့် သူ့ကိုယ်သူ အားနည်းချင်ယောင်ဆောင်သင့်သည်။ ဒါကြောင့်မို့ သူ ဒါကိုသည်းခံဖို့ သူ့ကိုယ်သူ ဖိအားပေးခဲ့သည်။
အိုးရန်လုံက သူ့ခေါင်းလေးကို ပုတ်ပေးလိုက်ပြီး တံခါးမှထွက်သွားလိုက်သည်။သူ့ရဲ့ ကြင်နာမှုသည် ချစ်ခြင်းမေတ္တာတရားတို့နှင့် ပြည့်ဝနေသည်။ ဆုနို သူ့ခါးသေးသေးလေးကိုပွတ်သပ်ရင်း ကုတင်ပေါ်မှာလှဲချလိုက်ပြီး သူ့နှလုံးသားထဲမှာလည်း သူ့ရဲ့လူကြီးက လူကြီးလူကောင်းဆန်လွန်းတယ်ဆိုပြီး ချီးကျူးနေ၏။ အကယ်၍ မစ္စတာဒါရိုက်တာက သူ့အစ်ကိုကြီးကို တိုက်ခိုက်ဖို့ ဖြစ်လာခဲ့ရင် သူက သူ့ကိုအနိုင်ရအောင်လုပ်ပေးရမယ်။ ဒါပေမယ့် ငါ့အစ်ကိုကြီးရှုံးသွားပြန်ရင်လည်း အရမ်းပျော်မိမှာမဟုတ်ဘူး!
ဝိရောဓိဖြစ်နေရပြီ!
ဆုနိုသည် သူ့အစ်ကိုကြီးနဲ့ မစ္စတာဒါရိုက်တာတို့ အဆင်ပြေနိုင်ဖို့ ဖြစ်နိုင်ချေရှိမရှိကိုတွက်ချက်နေချိန်မှာပဲ သူ့ဖုန်းက ရုတ်တရက်မြည်လာသည်။
ဒါ အစ်ကိုကြီးပဲဖြစ်ရမယ်!
"ဟဲလို.....ကျွန်တော် ပြန်လာတော့မယ်။ ကော်ဖီဆိုင်မှာထိုင်ပြီး ဒဿနိကဗေဒသမိုင်းကိုတောင် ဖတ်လို့ပြီးသွားပြီ။ အခုချက်ချင်း လမ်းပေါ်တောင်ရောက်နေပြီ" ဆုနိုသည် တည်ငြိမ်စွာဖြင့် ဖုန်းမကိုင်ခင်မှာ အံ့သြဖွယ်ကောင်းတဲ့အဆိုတော်တစ်ဦးအနေဖြင့် သူ့ရဲ့အက်ရှရှအသံကြီး မသိသာသွားစေဖို့အတွက် အစမ်း လေ့ကျင့်လိုက်သေးသည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...