ထို့နောက် သူ ဒါရိုက်တာကြီး ပြောတာကို ကြားလိုက်ရပြီးနောက်......"သူက မာကျောက်ရောင်းတာမဟုတ်ဘူးလား?လက်လီလုပ်ငန်း အသိုင်းအဝိုင်းက ဒီလောက်ကြီးတာ ကိုယ်တို့ အချင်းချင်း တနည်းမဟုတ် တနည်းနဲ့ တွေ့ဆုံကြမှာပဲလေ"
"........."
မာကျောက်ရောင်းတာ.....ဒါရိုက်တာကြီးက တကယ်ကိုနုံလွန်းတယ်! ဆုနို ရင်ဘတ်အောင့်သွားသလိုပင် ခံစားလိုက်ရသည်။ ဒါရိုက်တာကြီးက ဒီလောက်နုံနေတာနဲ့ ဘယ်လိုလုပ်ပြီး သူ့ကို ယှဉ်နိုင်တော့မှာလဲ? အစ်ကိုကြီးက အရမ်း လှည့်ဖြားတတ်တာ!
"သက်ပြင်းမချလိုက်ပါနဲ့။ မင်းရဲ့မိသားစုဝင်တွေကို ကိုယ့်တာဝန်သာ ထားလိုက်ပါ "အိုးရန်လုံ သူ့ကိုတစ်ချက်ကြည့်လိုက်ပြီး "ကိုယ် တစ်ခုလောက်အတည်ပြုဖို့လိုသေးတယ်"
ဒီလိုမျိုး နူးညံ့သိမ်မွေ့သည့်လေသံအရ အရူးတစ်ယောက်ပင် ဘာကိုဆိုလိုတော့မည်ကို သိပေမည်။ အိုးရန်လုံ မမေးခင်မှာပဲ ဆုနို ချက်ချင်းဖြေလိုက်သည်။ "ကျွန်တော် ဒါရိုက်တာကြီးကိုပဲ ချစ်တယ်" ခံစားချက်တွေက လူတွေကိုရူးသွပ်စေနိုင်သည်။
အိုးရန်လုံ ပြန်မဖြေသော်လည်း သူ့ရဲ့ မျက်ဝန်းတွေထဲ၌ နက်ရှိုင်းသည့်ချစ်ခြင်းမေတ္တာတို့က တွဲခိုနေသည်။
"ကျွန်တော် ချိုးကျီယန်ကို တကယ်မကြိုက်ပါဘူး" ဆုနိုသည် အိုးရန်လုံ၏ရင်ခွင်ထဲ၌ သူ့ခေါင်းကို နှစ်မြှုပ်ထားလေသည်။
"ကျွန်တော် သူ့ကိုမနာလိုဖြစ်နေတာကြောင့် သူ့ကိုသတိထားမိနေတာ။ ဒါပေမယ့် အရမ်းကြီးတော့ မနာလိုမဖြစ်ပါဘူး။နည်းနည်းလေးပဲ မနာလိုဖြစ်တာပါ .... ဒါပေမယ့် မနာလိုတာက အဓိကမဟုတ်ဘူး .... ကျွန်တော် သူ့ကို တကယ်မကြိုက်ရုံလေးပဲ!" အရေးအကြီးဆုံးအချိန်ရောက်နေတာကို သူ့ဦးနှောက်က ရှုပ်ထွေးလာရတယ်လို့ ရှက်စရာကောင်းတာပဲ!!
"အဲဒါကအဓိကမဟုတ်သေးရင် အဓိကအချက်က ဘာလဲ?" အိုးရန်လုံ မေးလိုက်သည်။
အဓိက,က ဒါရိုက်တာကြီးကိုချစ်တာလေ!
ဆုနိုသည် ကောင်းကောင်းမွန်မွန် ဝါကျကို မဖွဲ့နိုင်တော့သဖြင့် သူ အိုးရန်လုံ၏အပေါ်ကို တက်သွားပြီး နမ်းလိုက်တော့သည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
