"ခင်ဗျား ဘာလို့ ဒီလောက်နောက်ကျနေတာလဲ?" မုချိုးသည် မနက်မိုးလင်းခါနီးမှ အိမ်ပြန်ရောက်လာတာကြောင့် ကျုံးလီဖုန်းပိုင်တစ်ယောက် အေးစက်စွာ မေးခွန်းတွေ ထုတ်မေးလိုက်သည်။
"ခင်ဗျား ဘယ်တွေ ရောက်နေတာလဲ?"မုချိုးရဲ့စိတ်ထဲမှာ တကယ်ကို ခံစားလို့ကောင်းတယ်လို့တွေးမိသည်။ သူ ဘယ်တွေရောက်ခဲ့တယ်ဆိုတာကို အခုလို အပြန်အလှန်စစ်ဆေးတာမျိုးတွေက အရမ်းကြည်နူးဖို့ကောင်းသည်။
"ခင်ဗျားကိုမေးနေတယ်လေ!" ကျုံးလီဖုန်းပိုင် ဒေါသတကြီးပြုံးပြီး ပိတ်ရပ်လိုက်သည်။
"ကိုယ် အိုးရန်လုံရဲ့အိမ်ကို ရောက်ခဲ့တာ။ ပြီးတော့ သူကလည်း လွန်ခဲ့တဲ့ တစ်နာရီလောက်က အီတလီကိုထွက်သွားပြီ " မုချိုး ပြောလိုက်သည်။
"သူ နိုနိုကိုရှာဖို့သွားတာလား?" ကျုံးလီဖုန်းပိုင်သည် အံ့သြတုန်လှုပ်သွားသည့် အမူအရာဖြင့်မေးလိုက်သည်။
"ဟုတ်တယ် ” မုချိုး သူ့လက်ထဲရှိဈေးဝယ်အိတ်ကို စားပွဲပေါ်တင်လိုက်ပြီး ဆက်ပြောလိုက်သည်။ "ဆုနိုက သူ့ကိုဖုန်းခေါ်ပြီး ပြန်လာချင်တယ်လို့ပြောလိုက်ပုံရတယ်"
ကျုံးလီဖုန်းပိုင် ရင်ထဲထိသွားရသည်။
ညဥ့်နက်အခါဝယ်!
ခုန်လှုပ်နေတဲ့ နှလုံးသားကို ထိန်းထားရင်း!
တိတ်ဆိတ်ငြိမ်သက်နေတဲ့ ပင်လယ်ကိုဖြတ်!
သူ့ဘဝရဲ့!
မီးအိမ်ရှင်ကို!
ရှာဖွေဖွယ်!
ရင်ထဲထိစရာ!
ဇာတ်လမ်းပေါ့!
"ကိုယ် မင်းအတွက် အသီးဆေးပေးမယ်" မုချိုးသည် အိတ်တွေကို ယူပြီး မီးဖိုချောင်ထဲသို့ ဝင်သွားလိုက်သည်။ ကျုံးလီဖုန်းပိုင်ရဲ့ စိတ်ကူးယဉ်အိပ်မက်တွေကို အနှောင့်အယှက်ခံလိုက်ရတာမို့ သူအရမ်း စိတ်ဆင်းရဲသွားသည်။
ငါ ဘာကြောင့်များ ဒီကမ္ဘာပေါ်မှာ ဒီလို မယဉ်ကျေးတဲ့လူနဲ့နေချင်ရတာလဲ!
"လာစားလို့ရပြီ!" မုချိုးသည် ဧည့်ခန်းမှ ခေါ်လိုက်သည်။
ကျုံးလီဖုန်းပိုင် ဖိနပ်တစ်ရံစီးကာ ဧည့်ခန်းထဲသို့ သွားလိုက်သည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...