မစ္စတာမုသည် ဟန်ချက်ပျက်သွားတာကြောင် အိပ်ယာပေါ် ပစ်လဲကျသွားတော့သည်။ ထို့ကြောင့် သူ အလန့်တကြား အော်ဟစ်လိုက်မိလေသည်။
"မင်းအခန်းထဲမှာ တခြားတစ်ယောက်ရှိနေသေးတာလား?" အသံကြားလိုက်ရတော့ ဆုနို ထိတ်လန့်စွာမေးလိုက်သည်။
"မဟုတ်ပါဘူး! အဲဒါက တီဗီကလာတာ! " ကျုံးလီဖုန်းပိုင် အံကိုကြိတ်ပြလိုက်သည်။
"ငါပြောမယ်" ဆုနိုက သူ့ကို လုံးဝ မျက်နှာသာ မပေးလိုက်ပေ။ "အဲဒါ မစ္စတာမု ဟုတ်တယ်မဟုတ်လား?"
“......."
ကျုံးလီဖုန်းပိုင် မုချိုးကို ဒေါသတကြီးဖြင့်ကြည့်လိုက်သည်။
မစ္စတာမုကတော့ အလွန်ပင် မတရားခံခဲ့ရသလို ခံစားခဲ့ရသည်။ မင်းက ကိုယ့်ကို တွန်းလိုက်တဲ့သူ မဟုတ်ဘူးလား? အကြောင်းပြချက်မရှိ အဲ့လို မကြည့်ပါနဲ့!
သို့သော်လည်း ဆုနိုသည် မုချိုးနဲ့ မစ္စတာဒါရိုက်တာကြီးက မိတ်ဆွေကောင်းတွေဖြစ်တာကြောင့် ပိုပြီးပြည့်စုံသွားပြီ လို့ခံစားမိသည်။ဒါကြောင့် သူ ရိုးရိုးသားသားမေးလိုက်၏။ "ဒါဆို မင်းတို့က အတူတူရှိနေတာလား?"
"မင်း ဘာကိုပြောနေတာလဲ? မဟုတ်တာကြီး! " ကျုံးလီဖုန်းပိုင် ဒီစကားကိုကြားလိုက်ရလို့ ဒေါသတကြီး ဖြစ်သွားရသည်။ "ငါက သူနဲ့ဘယ်လိုလုပ် နေနိုင်ရမှာလဲ? လျှောက်ခန့်မှန်းမနေနဲ့။ ငါတို့က တကယ်ကို ဖြူစင်တဲ့ဆက်ဆံရေးပဲရှိတယ်! "
မစ္စတာမု ခုတင်ပေါ်ကိုတက်လိုက်ပြီး သူ့ကိုအနောက်ကနေပွေ့ဖက်လိုက်သည်။ သူတို့ လွန်ခဲ့တဲ့သုံးမိနစ်က ပြင်သစ်အနမ်းလေး ပေးထားတာတောင်မှပေါ့!
ကျုံးလီဖုန်းပိုင် သူ့ကိုဓားရှည်တွေလို စူးရှတဲ့ အကြည့်တွေနဲ့ပစ်လွှတ်လိုက်သည်။
၎င်းသည် မုချိုးကို မထိရောက်ဘဲ သူ့ကိုသာ တင်းကျပ်စွာ ပွေ့ဖက်လိုက်သည်။"ဒါဆို သူ့ကိုဖုန်းပေးပြောလို့ရမလား? ငါမေးစရာတစ်ခုရှိတယ်"
"မင်းသူ့ကို မေးချင်ရင် ဘာလို့သူ့ဆီတိုက်ရိုက်မခေါ်တာလဲ!"
ကျုံးလီဖုန်းပိုင် အသက်ရှုကျပ်သွားသလို ခံစားလိုက်ရသည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomantikaThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
[53.2]
Začať od začiatku