مابين الحـب والانـتقام

بارت 10

ام شرار: كاتل روحة بهذا لشغل ماينطي مجال لنفسة. يرتاح.
شيرين: سودة علي شصاير بي مهدود حيلة
فرح:ضلينة كاعدين. منتضرين كالت لحجية
لحجية:يمة فرح بلا تعاي خابريلي على ياسر
فرح:اخذت تليفونها اتصلت بي ميرد
شهد: بلا عوفيها بعد شوي واتصلي
فرح:صارت لساعة ب 12 ونص اتصل ياسر حجت ويا الحجية كاللها راجعين
شوي واجو. كعد عل كرسي وخالة كعدت يمة ولحجية تسئل شبي
ياسر: هو عندة شقيقة والسكر صاير عندة هبوط. وخابطة عندة

شرار: مو لبارحة مادري شربت حبايتن مال سكر.
ام شرار:ياا ياا يمة شجاك
شرار:مادري عبالي ماشربت. ورجعت اخذت بعد وحدة
ياسر:فرح روحي سويلة عصير واكل خل ياكل
فرح: رحت لمطبخ سويتلة عصير برتقال. وجبتة له اخذة مني. ورجعت اسويلة اكل
كملتة و وديتة له  الحجي يسولف ويا وهو يهز براسة لو يحجي بكلمة وحدة اي لا وكل شوي يمسح وجهة بيدة

الحجية: دعوف لزلمة وكت سوالف هسة ماتشوفة تعبان
فرح:اكل وكمل وراح يغسل راحت شيرين وراه اني بحجة اودي لصينة رحت. وكفت بلباب من شفتها حضنتة وتكلة
شيرين: والله شصار بية من شفتك هيج الحمدالله عل سلامتك يابعد عمري  شلونك هسة
فرح:هو بعدها منة كاللها
شرار: مابية شي الحمدالله

دخلت للمطبخ وهية عود وخرت  منة وتبتسم
خليت لصينية عل لميز. واعزل بيها وهمة اثنينهم واكفين. باوعت عليهم. شيرين راحت. وبقة هو واكف رحت لسنك اغسل لمواعين. كتلة
فرح:تكعد اسويلك فواكه
هز راسة وكعد عل كرسي
غسلت ايدي وطلعت فواكه رحت يمة وكفت عل لميز اقطعلة بلفواكه رتبتلة ماعون ورحت اكمل لمواعين. ضلينة ساكتين لدقايق كال
شرار:اخذتي علاجج

فرح:يي من لصبح
شرار:عفية
اشوفج نشيطة ليوم
فرح: كملت المواعين وغسلت ايدي وانداريت عليه
ليش بس ليوم
شرار: يي يومية كوة حاملة روحج
وثوبج نزلي
فرح: جنت رافعة ثوبي بلشسمة. 
من حجة هيج نزلتة

شرار: شعجت ماسئلتي شجنتو تسون انت وشيرين
فرح:وليش اسئل
شرار:مو هذا سؤالج لمعتاد
فرح:لا مو شفتكم
شرار:يي يبوي كولي هيج

صعدي حضريلي لحمام
فرح:صعدت وهو صعد وراي.
دخلنة للغرفة.  شمر روحة عل لجرباية
حضرتلة لحمام وطلعتلة ملابس
فرح:يلا مو تريد تسبح
شرار:مابية حيل.
فرح: يلا يلا انطيني ايدك.
ابتسم وكال
شرار:ديلا عل اساس شلونج انتي.
فرح:عاد مو مثلك. لشايب
شرار: هو غير. جايبها كوة وياج مسويلج تجطيل. انتي ولبطنج
فرح: لزمت بطني كتلة. وبسبب منو
عافني وراح للحمام سبح وطلع دك تليفونة رد كال يلا هسة جاي

راح للكنتور وكلعادة طلعلة تشيرت اسود وبنطرون اسود كتلة
فرح:شنو طالع
شرار:يي عندي شغل
فرح:انت مو مريض و مالك خلك
شرار: شسوي غير شغل
فرح:لازم تروح يعني
شرار:يي طبعا
بدل ونزلنة
لحجي:ها بوية وين
شرار:شغل يابة
ياسر: صدك تحجي ياشغل هذاا يمعود
ام شرار:يايمة انت مو مابيك حيل
شرار:مابية شي يمة