_وهسه شلونها محتاجه دم يعني
_منو بيكم يتطايق دمه وياها حتى يتبرعلها
_انه دمي مثل دمها
حجه زياد
_موج خل انه اتبرعلها انت وجهك صاير اصفر فد مرة لا يروح يصيرلك شي
ماهتميت لكلامه ورحت تبرعتلها لو بيدي حتى روحي انطيها مو بس دمي رجعنا لنفس المكان ورا فترة كالو طلعناها لغرفه رحت وراهم وجهه اصفر وشفافها بيض
تقربت عليها قبلتها بـجبينها وهمست
_اخذتي حيلي كله بسالفتج هاي
كعدت ولزمت ايدها باردة حيل اجت الممرضه سئلتها
_شوكت تصحى
_شي ساعه او ساعتين الدكتور نطاها مهدء
ضليت كاعد يمها ومابيدي غير الدعاء لشفائها فتحت عيونها تقربت يمها
_حبيبتي أوج
همست
_متوجعه كتير ايدي بتوجعني
_ميخالف يروحي تحملي
نزلت دمعتها
_ليش ماتركتني لـحتى موت
_اش لا تحجين وتعبين نفسج
_موج تعبت افهم علي
_ اعرف والله اعرف وانطيتج الحل بس مارضيتي انتي جاي تعبين روحج
ماحجت شي ضلينا الليله بالمستشفى تنام وترجع تكعد وبس ساكته احجي وياها ماتحجي شي
صار الصبح ورجعنا وبديت بـاجراءات الخروج كملت كلشي ورحت يمها
_يلا نطلع
هزت رأسها بقبول مديت ايدي اسندها لزمتني وكامت حسيت بيها داخت
_اشيلج
ماجاوبتني شلتها بين ايدي ومشيت بيها للسيارة صعدتها وصعدت بصفها طول الطريق شاردة و تباوع من الشباك
وصلنا للبيت نزلتها ودخلنا جان الكل منتظرها حتى روان جايه تشوفها الكل تحمدلها على سلامتها باستثناء امي جانت تباوعلها بنظرات محتقرة صعدتها فوك ماريد حالتها تسوء اكثر وتحس بالذنب
دخلت الغرفه وغمضت عيونها بقوة وايدها تشنجت همست
_اهدئي ماكو اي داعي للتوتر
_مابدي ضل هون كلشي بيذكرني بلحظه انتحاري
_غيرت كلشي جان موجود بذاك اليوم
_في دم
_ماكو شي
_عيوني مابتشوف غير الدم
سحبت نفس عميق وهدأت روحي
_من شنو تخافين
صفنت بوجهي ثواني وهمست وهي تبعد نظرها عني
_من كلشي ..... من الوقت..... من المكان ..... من الناس .... من حالي
_حتى مني
_انت الوحيد الي بحس بالامان معو بس خسرتك
_ليش
_تغيرت علي .... ماعدت تتحمل وضعي
_اتحمل كلشي منج الا الخوف الي بعيونج مني
أنت تقرأ
فينثيدلين
Romanceفي بلدٌ آخر .... ما بين الثانية ونصفها أنزرع حبها في قلبه كما يقول : كنت للحب كارهاً ولكنني أبتليت بكِ بلاءً جميلاً .. فـ الله أراد ، والقلب أطاع ....... فـهل سـيحظى بـقلبها إم انهُ سـيعود لِـبلادهِ خائباً ♥️
part 3
ابدأ من البداية
