خطايا الماضي

الأول

ريم بدموع : شكراً لحضرتك وللأستاذ رحيم عشان خلاها تقعد في مكان كويس ونضيف.

فاطمة ب لين: أنا عارفه إنك مش زيها بس انا مش قادرة انسي اللي عملته في إبني.

ريم: وأنتي عندك حق، حقك تزعلي وتزعقي براحتك أنتي زي والدتي بالظبط.

فاطمة: طيب اطلعي شوفي أختك و امشي عشان رحيم هنا وأنا مش عايزاه يتضايق.

ريم: حاضر.

صعـدت لغـرفة أختهـا و نظرت لهـا بإشتيـاق، أقتربت منهـا وأمسكت بيدهـا ثم جلست جـوارها تمسد علي رأسها، قبلتهـا ثم أردفت بخفوت:

ريم بحزن : قولتلك هيوديكي في داهيه مسمعتيش كلامي.

رحيم: مفيش داعي خلاص للكلام ده.

كـان متكـأََ علي بـاب الغرفـة ينظـر لتلك الفتاة بضيق و غضب من تلك التي تـنام بجـوارها.

ريم: أنا، أنا أسفه لو أزعجتك، أنا همشي.

رحيم: استني ي ريم.

أخـرج ظرفا أبيض بـه بعض الأموال ومد يـده به لهـا فأردفت بإحترام:

ريم: الحمد لله مش محتاجه حاجه ي أستاذ رحيم.. متقلقش عليا.

رحيم بهدوء: المنطقه اللي أنتي عايشه فيها مش كويسه، أنا كنت جاي عشان اديكي الفلوس دي بس معرفتش اوصل لمكانك بالظبط.

ريم: أنا اتعودت خلاص علي المكان وعرفت اتأقلم متقلقش.

رحيم: بس أنتي بنت وصغيرة و لوحدك، وكمان انا مش عايزك تقعدي من الكلية، اعتبريني أخوكي واقبلي اللي هقولهولك.
ده مفتاح شقه بسيطه كده في مكان كويس، وترجعي كليتك وكل شهر هيوصلك مبلغ كويس ومترفضيش، اعتبريني أخوكي.

ريم بإحراج: أنا بجد محرجه من حضرتك جداً ومش عارفه أقول إي.
بعد كل اللي حصل ده وحضرتك بتساعدني؟
أنا متشكره جدا ليك.

رحيم : أنتي في كلية اي؟

ريم: علاج طبيعي جامعه القاهره، أنا لسه في سنـة أولي.

رحيم: تمام ارجعي وهبعتلك السواق بالعربيه التانيه تروحي مشوايرك بيها.

ريم: لا كده كتير والله أنا هقضي مشواري دي سهله.

رحيم: اسمعي الكلام ي ريم.. أنا مش أهبل عشان اخدك بذنب أختك ولا هنسي في يوم إنك كنتي زي أختي بالظبط وبخاف عليكي ولسه بخاف عليكي..

ريم: والله أنا مشوفتش زي حضرتك، شكرا جدا ليك..
رحيم: هبعت معاكي العربية تروحي تلمي حاجتك وترجعي علي شقتك.

ريم: ماشي، شكرا جدا ليك.

رحيم: العفو، بعد أذنك.

خـرج من تلك الغرفـة التي بات يكـرهها ثم عـاد لغـرفتـه، أخذ هاتفـه و اتصـل بشخص ما ليأتي له الرد سـريعا.