#رواية_عااشيقي
في الجزء الخامس 🔥🔥
عدت لغرفتها وجلست وراه الباب قعدت تبكي بصمت ...ليش امير يبكي
حتى نعست ولما ناضت كانت وراه الباب واذكرت شنو صاار بالضبظ فتحت باب وعدت لاعنده قربت منه لقاته مغمض عيونه فكراته راقد جلست عالكرسي يلي جنبه
امير حس ان في حد خش بس مافتحش عيونه وما توقع ان تكون هديل
شاافت الصوره في يده جاها فضول تشوف مدت ايدهاا عشان تاخدهاا
...امير مسگ يدها وجلس ..انتي شنو اديري هناا
هديل...انصدمت وحاولت تفگ يدها بس مسكها بالقوه ..بلعت ريقها
امير...سألتگ جااوبيني شنو اديري في غرفتي ومن سمحلگ تمدي ايدگ عالصوره
هديل...خافت من ردة فعله ...انا بس
امير...شنو جاابگ
هديل...غمضت عيونها وايدها ماقدرت تفكها حتى قعد لونها احمر من مسكته ..انا جيت انقولگ تعال افطر
امير...طلق يدها...تعال افطر شنو في هالوقت توا ساعه 2 في الليل انتي من جدگ
هديل...ااا فكرته صبح
امير...لا تعااوديها غرفتي لا تخشيلها ولا تمدي ايدگ علي شي مايخصگ
هديل...صبت ودموعها انزلو ماتعودت حد يهزبهاا هگ طلعت من غرفته ...حقير مغرور
امير...حط الصوره في الدرج وصبه خذاه جاكته وطلع
شافها وراه باب ..انتي شنو قصتگ حالمه بيا ولله كيف وخري من قدامي
هديل...وخرت وهي منزله راسها
..وين مااشي
امير...شنو ماسمعت قرب منها ...نمشي وين مانبي انتي شنو يهمگ
هديل...كنگ تحكي معايا هگ شنو تسحب روحگ
امير...اششش ولا كلمه امشي لغرفتگ وانتي سااكته وطلع من الحوش
هديل...صبرگ يارب شنو هالآنسان هضا
...............ً
#في_الصبح
.......ً
على...صباح الخير
الكل....صباح النور
علي...كيف وين امير
لين...مش عارفه عديت شفته مش قعد في غرفته
علي...شنو فيه
عايشه...بلكي طالع من الصبح وما شفناش
علي...هديل شفتيه
هديل...شرقت في الحليب
لين...بسم لله كنگ
هديل...لا شي
امير...فتح الباب
الكل ألتفت عليه
امير...صباح الخير وعيونه عليها
ردو...عليه...صبااح النور
علي...وين كنت
امير...جلس مقابلهاا ..وعيونه عليها
كنت نتمشى ليش شنو فيه
علي...في موضوع ولازم نحكو فيه
امير..ألتفت لعمه خير
علي...انت وهديل حابين انجوزوكم لبعضكم
............ً
براء...حبيبتي نوضي
رغد...شنو في من عند الصبح
براء...خلاص رقدتي وااجد شنو قصتگ مع النوم مشتاق انشوف عيونگ الحلوه
رغد...ابتسمت بخجل وغطت وجها بالفوطه
براء...هههه وخش معاها ...وهمسلها نحبگ
رغد...بصوت هاامس واانا
براء...وانتي شنو وهو يلعب علي شعرها
رغد...وانا نحبگ خليني نرقد
براء...لا لا سادگ نووم
رغد...حاسدني
براء...قصدگ عالنوم لا عليش نحسدگ وهمسلها اصلا انا كيف نغمض عيوني بس وانا نشوفگ قدامي مستحيل نرقد ما صدقت جااه الصبح عشان انوضگ
رغد...اهبل
براء..انا اهبل
رغد..اي وستين اهبل
ما كملت كلمتها عطاهاا بوسه ❤
رغد...انت شنو قصتگ
رد باسهاا مره تاانيه وهمسلهاا ...قصتي اني انحبگ وانموووت عليگ نبي نسمع صوتگ 24 سااعه وحتى وانتي راقده نسمع فيگ تحكي
رغد...انا مانحكيش
براء...لا تحكي
رغد...طيب شنو حكيت
براء...براء حبيبي لا تخليني انا مانقدر نعيش بدونگ وهو يقلد صوتها
رغد..هههه انا قلت هكي سخيف
براء...اهاا قلتيهاا يلا نوضي اليوم في مفجأه لگ
رغد...شنو هي
براء...مش كأنگ ناسيه حاجه اليوم
رغد...بكسل..شنو نسيت
براء...معقوله نسيتي يالقرده
رغد...شنو قول خلصني
برااء...عيد زواجنا الاول ونسيتيه
رغد.....فكرته بكرااا
براء... لا اليوم يا حلووه
رغد..شنو فيگ قلبت وجهگ
براء...طلع عندگ زاهيمر
رغد...ضرباته شنو تشوف فيا عجوز قدامگ
براء....ههههه مسگ يدها تعالي
رغد...وين
براء...حلقيلي لحيتي اليوم مميز عندي ونبيها من إيدگ
رغد...ضحكت وجلست جنبه وخذت الموس عطاها المعجون
حطاته علي وجه وقعدت تضحگ
براء...شنو فيگ
رغد...خطرت عليا بابا نويل
براء.. تشبهيني بقطف فاضي مش عيب عليگ
رغد...بس انت الاحلى بنضري
براء...اممم بس
رغد...لا ...انت احلى حاجه صاارت في حيااتي ونحبگ وااجد يا نور عيوني
براء...مسگ يدهاا وباسهاا وانا اكتر وباس راسها
رغد...لبزتني
براء....ههههه عادي وخذاه المعجون ولبزلها وجها
رغد...ههههههه خلاص
................ً
هديل...بصدمه صبت... شنو
علي....كنگ انصدمتي وبحت في امير شنو رايگ
امير...دير يلي تبيها هديل يا عمي
علي...بحث فيهاا لا اكيد حاتوافق مش صح يا هديل
هديل...عدت لغرفتها وسكرت باب بالقوه
علي....لحقهاا وسكر باب وراه شنو هالتصرف يلي توا درتيه
هديل...انا مانبيش نجوز توا
على...وليش طيب كم واحد رفضتيه ليش نبي نعرف
هديل...مزال بدري حرام عليكم مش توا
على...لا توا....و ولد عمگ هو يلي حا تاخديه
هديل...بس انا رافضه
علي...انا ديما نسمع في كلامگ بس هالمره لا امير حايكون جوزگ وغصبا عليگ وسكر باب
هديل...قعدت تبكي بقهر وكسرت الدنيا كلهاا
امير...سمعهاا تخبط ضغظ علي يده بالقوه وعده لغرفته
لين...شكلهاا راافضه
عايشه...الله يستر وعلى معند قالي ان هو مخطط يجوزهم من الاول
لين...ان شاء لله توافق هديل
عايشه...ان شاء لله
.........ً
#بعد_العصر
رن الجرز كان قريب من الباب فتح ونزل راسه
نجوى...سلام عليكم
امير...وعليكم السلام
ايمان...ااا نحنا صديقات هديل
امير...وسع لهم تفضلو هي في غرفتها
نجوى...شكراا
وعدو لغرفتها وانصدمو كل حاجه مكسره هديل شنو فيگ
ايمان...كنگ وليش تبكي
هديل...يبو يجوزوني امير
نجوى..هضا يلي فتحلنا صح طيب ليش رافضتيه كويس شكله
ايمان...حتى ما رفع راسه عشان يشوفنا
هديل...انتو عارفين اني مانفكرش في موضوع زواج توا واخره من جابولي هضاا ولله ماني ناقصه مش عارفه كنه تغير وقعد يهزب ويعارگ فيا
نجوى...انتي شنو قايله له
هديل...ما قلت شي وحتى بعد كنا في السوق صح غلطت معاه بس تأسفتله وراضه
ايمان...غريبه
هديل...ساعدوني احكو مع اهلي اقنعوهم اني مانبيش
نجوى...لا فكيني مانقدر توا باتگ نحنا وصلنا هو ركب في سيارته وعده و كان معصب
ايمان...انتي استخيري وافقي وخلاص فگگ من المشاكل احسن ..بعدگ يهبل خساره كنت خذيته
نجوى..هههه ولله هبله انتي يا هديل ترفضي هالجمال
هديل... زادت بكااء اكتر ......ااااااا انا وين وانتو وين بس 😭😭
.......................ً
جهز روحه وكان متأنق رش عطر ودق علي الحماام هيا تأخرنا ياروحي
رغد...خلاص نجفف شعري ونلبس وسع بالگ
براء...طيب وعده للصاله وفتح الدرج خذاه الهديه وابتسم
طلعت واختارت فستاان حلوو ولابسته طلقت شعرهاا وحطت لمسات بسيطه علي وجهاا رشت عطر حطت يدها علي ذهبها عشان تلبسه
ولكن مسگ يدها وهمسلها انا توا نلبسه لگ ... طلع علبه من جيبه وقاللها حالبسلگ هضا وقرب لبسلها السلسله وهو يبتسم وخذاه دندوله ولبسها لها في وذنهاا... باس راسها ومسگ يدها ولبسها الخااتم وباس يدها
رغد..ابتسمت شكراا يا قلبي
براء....كل عام وانتي بألف خير وان شاء لله حياتنا مع بعضنا تدووم يا حبيبتي
رغد...انحبگ وحضنااته ربي يخليگ ليااا
براء...ويخليگ ليا حبي هيا تأخرنا
رغد...وين نمشوو
براء...حجزت في شاليه ودايرلگ مفجأه يلا بسرعه كملي وانا براا
رغد...طيب ياروحي
طلع برا وبعد وقت طلعت وهي تبتسم له ركبت جنبه وبساته في خده يلا
براء....غمزلهاا وعدو للشاليه
نزل وفتحلهاا الباب تفضلي اميرتي الحلووه
نزلت وضحكت ههههه ومسكت يده
براء...باس يدهاا تعالي وفتح الباب وشعل الضي ...
قدمت وخشت ....شافت 🎈🎆🎇🎉🎊 في كل مكان ورد مجفف عالارض مشت عليه وشافت الطاوله 🎂🌹💐 وأكلات وحلو قربت من باقة الورد وابتسمت شمتها ولقت ورقه .....حبيبتي كل يوم يزيد حبي لگ ...❤ وقلبي لگ انتي بس ومستحيل انفكر في يوم نخوونگ ...حياتي بدونگ جحيم نتمنه مايجي هاليوم ألا وأنا ميت ...ربي يخليگ لياا وكل عام وانتي معايا طول العمر ..زوجگ المخلص
ألتفتت ولقاته يبتسم بحب عدت تجري لاعنده وحضناته ...انا نحبگ ولا تحكي عالموت مره تانيه صدقني نقتلگ بإيدي بعدها
براء...ههههه مجرمه
رغد..مسحت دموعهاا ...شوف كحلي ساح بسببگ
براء...طلع منديل ومسحلهاا ...اسف ياروحي وباسهاا
ولفت شافت الغرفه
واااووووو انت شنو دااير حبيبي
براء...كله علي شاااانگ
رغد...انا محظوظه فيگ ولله
براء...وانا اكتر ❤❤
...........ً
