اربعه في اربعه
التاني
لا حول ولا قوه الا بالله العلي العظيم
اليوم التاني في الصباح
علي فتح عينه علي صوت انجي : علللللللي
اتخض ووقع من علي السرير : مين .. مين فين ايه اللي حصل
انجي ضحكت : مالك بس يا لولو . ده انا بصحيك عشان متتاخرش علي الشركه يا روحي انا
علي ؛ مش اسلوب ده يا انجي . اعقلي شويه
انجي : انت زعلت يا حبيبي . امال انا اعمل ايه . شوفت اما سبت المطبخ امبارح يضرب يقلب . سكت .. مع انهم اصحابك ومفروض انت اللي تشيل الليله يا روووحيعلي : ما هما برضو نسايبك . يعني مراد ده مش جوز اختك ساره . وأحمد يبق مين .
انجي : خطيب اختي مريم. بس حسن
علي : حسن ده بقي المدير بتاع اختك رنا ..يعني هو اللي شغالها يرضيك يرفضها بسببك
انجي : بس صحابك يا استاذ
علي : طيب ممكن ناجل بس الخناقه اما افوق . والله قايم تعبانانجي : قايم من النوم تعبان. ليه كنت بتحارب في الحلم
...........
في بيت ساره ومراد ... مراد جهز نفسه وخرج عشان يروح الشركه
ساره : استني هنا .. افطر الاول
مراد : هشرب القهوه بسساره : سندوتش الاول. وبعدين القهوه . اسمع الكلام متوجعش قلبي معاك
مراد : اصل انا مش عايز أفطر هنا
ساره بتفكر في الكلمه والشك ملا قلبها
مراد : بصراحه كده انا هفطر في الشغل مع صحابي
ساره : من أمتي حضرتك بتفطر في الشغل ، احنا من وقت ما اتجوزنا واحنا بنفطر مع بعض
مراد : ءء اصل في موظفه جديده اسمها منار
ساره بصوت عالي : نعممممم ، منار مين يا عمرررررر
مراد : يا ساره انا مراد مش عمر يا حبيبتي ...
ساره : لا ده انا بردح عادي ..كمل بقي مين منار دي .. قول اللي في قلبك متخبيش حاجه
![](https://img.wattpad.com/cover/285589845-288-k957510.jpg)