عٌشٍګ أّلَشٍيِّوِخَ

بارت 💞

سفرو حسين راح ويا نمر و ابو (مصطفئ) و راح ليث و كيان
جوان تمرضت و بس بالغرفة و الكانونه بيدهه و تبجي
خايفه ع حسين
،،،،،،،،

نمر، حبيبتي ريام اطمني العمليه و نجحت
ريام بجي، لعد ليش مترجعون صارلكم اسبوع من رحتو
نمر، اي يا حبيبتي نخاف علي من السفر خلي شوية يصير زين
ريام، خليني احجي ويا الله يخليك
نمر، و الله نايم خطيه متئذي شوية
ريام، الله عليك دير بالك علي
نمر، اذا يطلب عيوني انطيهن اله جوان شلون صارت
ريام، و الله لا تحجي و لا تكوم بس دموعهه و المغذي مشكل خايفه عليهه
نمر، نشالله مابيهه غير العافيه ديري بالج عليهه
ريام، اي
،،،،،،،،،،،،،،،

مراد، حبيبتي كومي اشو
كافي بجي و بس نايمه ترة و الله تعبت
جوان صافنه و دموعهه ينزلن
مراد، ولج يروحي لا تبجين و حظنهه ولج كومي و الله مشتاقلج
كومي بعد كم يوم يرجع ابوج يشوفج هيج راح يتعب و الله مو تدرين شكد يخاف عليج
جوان باوعت ع مراد
مراد، اي شبيج و الله ترذين ابوج يرجع يتعب و يصيرله شي
جوان حجت، لا فدوة لا و الله اموت و حظنت مراد و تبجي
مراد، اششش اسم الله عليج مم الموت يروحي
كومي يالله كومي و كومهه شلع المغذي و دخلهه للحمام
مراد، يالله اخذي شاور و اطلعي بسرعه لان باردة لا تتمرضين
و سد الباب
راح جاب التدفئه و شغلهه الهه بالغرفة
طلع ملابس الهه و صاح عليهه
مراد، جوان الملابس ع السرير انه طالع بدلي براختج
جوان، اي
مراد طلع
جوان شوية و طلعت اخذت الملابس و بدلت
ندك الباب
مراد، ادخل
جوان، اي
دخل مراد، الله الله اي شمحلاتج هسه و راح و كعدهه يم التدفئه و جاب المشط نشف شعرهه اول و بعدهه مشطه الهه و جاب عطر خله الهه
فديت بنيتي هسه يالله طلعت حلوة
جوان صافنه دخلت امهه
ريام، يا يمه صلوات ع محمد كمتي من فراشج و اخيرا اقتنعتي و راحت حظنتهه و تبوس بيهه
جوان، ماما
ريام، يروح امج جوعانه مو هسه اسويلج اكل و اجيبه الج
جوان، ماما بابا
ريام، و الله زين و نجحت العمليه هاج شوفي هاي الصور اله دزهن الي نمر هسه و دزلي فيديوهات و يكول الحمدلله زين بس منتظرين كم يوم و نرجعه لان هستوه مسوي العمليه و يخافون علي من السفر
جوان، يعني بابا راح يرجعلي مو
ريام، اي يروح امج
،،،،،،،،،،

بعد كم يوم اليوم حسين يرجع و جوان متدري بغرفتهه
بس بعدهي مريضه هم مغذيات و متنزل و كوة يخلوهه تاكل
،،،،،،

جوان، كنت بغرفتي كاعده و المغذي بيدي و لازمه صورة بابا اني ويا كنت صغيرة و هوة شايلني و ماخذيلنه صورة كلش حلوة لان عفوية بدون مندري ماخذينه الصورة
اباوع عليهه و مشتاقتله كلش سمعت صوت هوسه جوة
كمت و شلعت المغذي و فتحت باب غرفتي
جاي انزل و اشوف الكل حاظنين احد و فرحانين
انتبهت زين هذه بابا
جوان، بابا
الكل لتفت و وخرو من حسين
حسين باوع عليهه و فتح ادي و هيه نزلت تركض و حظنته و تبجي
و تشهك عبالك طفله
و هوة حاظنهه و يبوس بيهه
حسين، اهدي يروحي اهدي خلص كافي بجي
جوان مستمرة و عبالك حيشرد حاظنته حيل
حسين كعدهه و كعد و هوة حاظنهه و يمسح بدموعهه
خلص جوان بابا مابيه شي بس
جوان، بعد متعوفني
حسين، ابد
جوان، و لا تتمرض
حسين، ماشي
جبل، بنيتي بس بجي كولي الحمدلله نجحت العمليه و رجعلنه بالسلامه
جوان، هوة المرض نفسه اني ادري بي
حسين يباوع ع بنته بقهر و يشوفهه شلون ضعفانه و بيدهه الكانونه و تبجي
رجع حظنهه
حسين، و عيونج الحلوة وعد ابقه يمج و مااعوفج ليش هيج مسوية بنفسج حبيبتي ها ليش تذبلين عيونج الحلوة خدودج وين هسه انه منين اجيب خدود وين بنيتي الحلوة ها هاي شنو ايدج مافكرتي بابا اذا يشوفني شراح يصير بي ها يعني انه مريض و بالي و تفكيري كله بيج و اجي الكاج بهل الحالة تردين يرجع يصيرلي شي
جوان صاحت، لا بابا فدوة و الله اموت و الله و حظنته و تبجي
حسين، كافي بجي و كومي غسلي و هاي تشيليهه و تنزلين بنيتي الي اعرفج
ريام، يالله يمه جوان كومي سوي الكاله ابوج يالله حبيبتي
جوان، اي بس مو تروح
حسين، وين اروح يا حبيبتي هاي هنا يمج يالله كومي
و باسهه
جوان كامت و صعدت فوك
حسين، ليش هيج صاير بيه و محد كلي ها
نمر، يخوي خفنه عليك
حسين، جنت تعرف
نمر، اي بس ريام هم كانت متكلي هيج حالتهه تكلي تحسنت و رجعت طبيعيه
حسين، ليش هيج ريام
ريام، حاولت وياهه و مفاد الكل حاول بس تعرف ب جوان شلون عنيدة
حتئ بابا صعد الهه نحجي وياهه حرف متحجي ويانه حتئ متباوع النه
و مراد مرة حجه وياهه كامت و خليناهه تاكل و تكعد شوية و هم رجعت
كلش كانت خايفه عليك
حسين، ونتي مخايفه
الكل، هاااا هااا
ريام رئستن نزلن دموعهه حسين جرهه و حظنهه.
حسين، يعني خايفه عليه يروحي
ريام، ليش شعندي غيرك حسين فدوة بعد لا تبعد عنه و الله نموت
حسين، اسم الله عليج يكلبي كافي
نزلت جوان، هلوو
الكل، هلوات
مصطفئ، اشو سلمتي بس ع ابوج و علينه لا
جوان، جدو و راحت حظنته و باسته و نمر و ليث كيان هم
و راحت يم ابوهه باسته بيده و راسه و كعدت بصفه هوة حظنهه
حسين، شلونهه رويحتي هسه
جوان، من شفتك صرت بخير
حسين، عساج بخير و يبوس بيهه
شلونهه الدراسه
مراد، ليش هيه مداومه حتئ شلونهه الدراسه
حسين، جووان
جوان، ها
حسين، صدك ممداومه
جوان، اي
حسين، ليش حبيبتي مو انتي سادس لعد شلون تجيبين المعدل ونتي مداومين
جوان، انشالله باجر اداوم
الكل، باجر جمعه
جوان، الاحد
حسين، هسه تكومين تاكلين و تقرين ماشي
جوان، انشالله
حسين، عفيه ببنيتي
،،،،،،،،،،،،،،،،