ဒါတကယ်ကို ရင်ထဲထိစရာပဲ!
အပြည့်အဝ ပြင်ဆင်ပြီးတော့ ဆုနိုလေးသည် လက်သီးကို ဆုပ်,အသက်ကို ခပ်ပြင်းပြင်းရှူထုတ်လိုက်ရင်း နောက်ဆုံးတော့ ရဲရဲဝံ့ဝံ့ ဖုန်းခေါ်လိုက်သည်။
အိုးရန်လုံ ချက်ချင်းပဲ ဖုန်းကိုင်လိုက်သည်။ ရင်းနှီးတဲ့ တစ်ဖက်လူရဲ့အသံကို ကြားတော့ ဆုနိုရဲ့လက်တွေက နည်းနည်းတော့ တုန်သွားရသည်။ တကယ်တော့ စာအုပ်လေးထဲက မှတ်စု အကြမ်းလေးအတိုင်း 'ကျွန်တော် ခင်ဗျားကို ရည်ရွယ်ချက်ရှိရှိ လှည့်စားတာမဟုတ်ဘူး 'လို့ သူဘက်ကနေ အရမ်းကိုဒေါသထွက်
ပြပြီး ပြောသင့်တာ! ဒါပေမယ့် သူ စိတ်လှုပ်ရှားလွန်းလို့ သူစာကြောင်းတွေ မေ့ကုန်ပြီ! အရေးကြီးတဲ့အချိန်မှာ အရေးကြီးတဲ့ကိစ္စကို မေ့ပစ်တာက တကယ့်ကို တုံးလွန်းပါတယ်!"ကိုယ် ဆေးရုံမှာ လာတွေ့လို့ရပြီလား?"အိုးရန်လုံဘက်ကနေ တိတ်ဆိတ်မှုကို အရင်စဖြိုခွဲလိုက်သည်။
ခင်ဗျား လာနိုင်တာပေါ့! ဆုနို စိတ်လှုပ်ရှားစွာ ခေါင်းညိမ့်ပြလိုက်သည်။ ဒါပေမယ့်လည်း တစ်ဖက်လူ မမြင်နိုင်တာကို သိတော့ မြန်မြန်ပြောလိုက်သည်။ "အင်း....ကျွန်တော် စောင့်နေမယ်"
"ကိုယ်တို့ တွေ့တော့မှ ဆက်ပြောကြတာပေါ့။ကိုယ် နာရီဝက်အတွင်း အဲ့ကို လာခဲ့မယ်"
အိုးရန်လုံ ဖုန်းချလိုက်တော့မည့်အချိန်မှာပဲ တစ်ဖက်က ဆုနိုရဲ့ စိုးရိမ်တကြီး ပြောလိုက်တာကို သူကြားလိုက်ရသည်။ " ပန်းသီးပိုင်မုန့် ဝယ်လာဖို့ မမေ့နဲ့နော် " ဒါက အရေးကြီးတယ် သူမေ့လို့မရဘူး!
"........"
"ပန်းသီးပိုင်မုန့်?" အိုးရန်လုံ မျက်မှောင်ကျုံ့လိုက်သည်။
"ဒီအချိန်ကြီး.....ကျွန်တော်စားချင်တာ တကယ်မဟုတ်ရပါဘူး။ ဘာပဲဖြစ်ဖြစ် ကြိုက်ရာ တစ်ခုသာ ဝယ်လာခဲ့။ ကျိန်းသေပေါက် ဝယ်လာရမှာနော် " ဆုနို သေချာအောင် ထပ်ပြောလိုက်သည်။
အိုးရန်လုံ သက်ပြင်းချလိုက်ရင်း "ဟုတ်ပြီ ကိုယ့်ကို စောင့်နေ"
"အင်း" ဆုနို လိမ္မာစွာဖြင့် ဖုန်းကို ချလိုက်ပြီးနောက် ဟန်ဝေဆီကို ဖုန်းခေါ်လိုက်သည်။အိမ်မွေးကြောင်ပေါက်လေးကနေ ရိုင်စိုင်းတဲ့ ကြောင်အဖြစ် တစ်စက္ကန့်အတွင်း ပြောင်းသွားပြီး ဒေါသတကြီး ပြောလိုက်သည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...