Love of an idoit အရူးတစ်ယောက်ရဲ့အချစ် [Ongoing]

YOU ARE READING

Romance

Title - အရူးတစ်ယောက်ရဲ့ အချစ် Love of an idoit [or] အရူးညီလေးကမွေးစားအစ်ကိုကို သိမ်းပိုက်ဖို့ လိမ္မာချင်ယောင်ဆောင်နေတယ် ဟန်ဆောင်ကောင်းပြီး မာယာများတဲ့Psycho Semeလေးနဲ့ အယုံလွယ်ပြီး ရိုးအတဲ့Ukeကောကောတို့ရဲ့ အချစ်ဇာတ်ကြောင်းလေးပါ❤ Genre:Chinese bl ty...

#bl #boylove #chinese #chinesebl #darkside #fantasy #myanmar #owncreation #ownstory #psycho

အပိုင်း ၃၅

Start from the beginning

by Bai_lianhua

သူက ကျိုးယွင်ကို ပြုစုစောင့်ရှောက်ပေးဖို့ ကျိုးအိမ်တော်ကြီးကို ရောက်ရှိလာခဲ့တာလို့ပဲ သူ့ကိုယ်သူ
သတ်မှတ်လိုက်လေတော့သည်။

ရှောင်ဟန်က ကျိုးယွင်ထွက်ခွာသွားသည့် အချိန်တစ်နှစ်ကျော်အတွင်းမှာပဲ ကျိုးဟန်ဆီမှ ခွင့်ပြုချက်ကို အတင်းဇွက်ရော တောင်းဆိုလိုက်လေပြီး သူဖွင့်ထားတဲ့ COFFEE ဆိုင်နဲ့ သိပ်မဝေးလှသည့် နေရာ၌ပင် တိုက်ခန်းငှားကာ နေထိုင်ခဲ့လေသည်။

ရှောင်ဟန်သည် ပြင်ပတွင်သာ သီးသန့်တိုက်ခန်းငှားကာ နေထိုင်ခဲ့သော်လည်း တစ်ပတ်တွင် တစ်ကြိမ် ပုံမှန်နှုန်းဖြင့် ကျိုးအိမ်တော်ကိုတော့ လာရောက်နေမြဲပင်။

ကျိုးဟန်ကလည်း ရှောင်ဟန် လက်ရှိငှားကာနေထိုင်သည့် တိုက်ခန်းကို ပြန်လည်ဝယ်ယူလိုက်လေကာ ရှောင်ဟန်မငြင်းဆန်စေရန် အတွက်လက်ဆောင်သဘောမျိုးဖြင့် ပေးလာခဲ့သည်။
ရှောင်ဟန် သီးသန့်နေထိုင်ခြင်း၏ ဒုတိယနှစ်တွင်လည်း လက်ဆောင်သဘောမျိုးဖြင့် ကားအသစ်တစ်စီးကို ထပ်မံ၍ပင် ဝယ်ပေးလာခဲ့သည်။

ယခုတွင်တော့ သူ၏တစ်ကိုယ်တည်းသီးသန့် နေထိုင်ကာ ဖြတ်သန်းမှု့သည်ကား သုံးနှစ်ပင် ပြည့်ချေပြီ။

--------

ရှောင်ဟန်သည် ကျိုးအိမ်တော်ကို အလည်သွားရန်အတွက် မနက်စောစောကပင် အားလုံးပြင်ဆင်ပြီးစီးသွားသည့် အတွက် ကားမောင်း၍ထွက်လာခဲ့လိုက်သည်။
ယနေ့တွင် သူ့အတွက် ဆိုင်ပိတ်ရက်လည်းဖြစ်သလို မွေးစားအဖေတို့နဲ့ တွေ့ဆုံရမည့် နေ့ရက်လည်းဖြစ်သည်။
ရှောင်ဟန်က ကျိုးယွင်သူ့ကို အဆက်အသွယ်လုံးဝမလုပ်သည့် ကိစ္စရပ်ကြောင့် ကျိုးအိမ်တော်ကလူတွေနဲ့ အနေဝေးစိမ်းသက်သွားတာမျိုးဖြစ်လာမှာမဟုတ်ပေ။
သို့ပေမဲ့ ရှောင်ဟန်သည် မည်သူ့ကိုမဆို အရင်ချိန်များကကဲ့သို့တော့ နွေးထွေးဖော်ရွေမှု မရှိတော့တာ
ကလည်း အမှန်တကယ်ပင်။ ရှောင်ဟန်ပြုံးရယ်ပြလာပါသည့် အခါများတွင်တောင်မှ အရင်ကလောက် အသက်မပါတော့...။

ရှောင်ဟန် ကျိုးအိမ်တော်ထဲကို ဝင်လာခဲ့တော့ သွက်လက်ချက်ချာလှသည့် ကောင်မလေးတစ်ယောက်က ရှောင်ဟန်ထံသို့ ပြေးထွက်လာကာ အပြုံးမျက်နှာလေးဖြင့် ဆီးကြိုလာသည်။