ဉာဏ်များလွန်းသော ခင်ပွန်းသည်

အခန်း (၇၉)

ဖေ့ကျင်း၏ အကြီးမားဆုံးပြိုင်ဘက်များက ကျရှုံးသွားတာတောင် သူ ဘာလို့ ပိုပိုပြီး စိုးရိမ်သောကရောက်​ေနမိလဲ မသိတော့ချေ။

ညဘက်တွင် ဒုက္ခသုက္ခများ ကြုံတွေ့ခဲ့ရပြီး နောက်တစ်နေ့ညီလာခံတွင် ဘုရင်မင်းမြတ်ပေါ်လာ၍ ရုံးတော်မှူးမတ်အရာရှိများ အံ့အားသင့်သွားကြသည်။

ဘုရင်မင်းမြတ်က ရာဇပလ္လင်ပေါ်တွင် ထည်ဝါစွာ ထိုင်တော်မူသည်။ သူက အလွယ်တကူ မရှုံးနိမ့်နိုင်သော ဩဇာတိက္ကမကြီးမားဆဲ ဘုရင်ဆိုတာ အားလုံးကို သိစေချင်သည်။

ထိုနေ့က မှူးမတ်အရာရှိအများအပြား ပျောက်ဆုံးနေခဲ့ကြသည်။တစ်ချို့က ညဘက်တွေမှာ အသတ်ခံလိုက်ရပြီး တစ်ချို့ကတော့ ကွပ်မျက်ခံရမည့်သူများကိုထားရာ နန်းတော်မြေအောက်အကျဥ်းတိုက်တွင် အကျဥ်းချထားခြင်းခံနေရသည်။

အသတ်ခံရ၊ အကျဥ်းချခံရသော ထိုမှူးမတ်အရာရှိများမှာ အံအားသင့်စရာကောင်းလောက်အောင်ပင် နဝမမင်းသားကို ထောက်ခံကြသူများပင်။ ဘုရင်မင်းမြတ်က သူတို့ရာထူးများကို သာမန်လူများနှင့် အစားထိုးလိုက်သည်။

ညီလာခံတွင် မှူးမတ်အရာရှိများမှာ ဘုရင်မင်းမြတ်က သူတို့ကို ထွက်သွားခွင့်မပြုမချင်း တုန်လှုပ်နေကြရသည်။

ဘုရင်မင်းမြတ်က အရူးမဟုတ်ပေ။ သူ့အသက်ကို ကြီးကြီးမားမား ခြိမ်းခြောက်နိုင်သည်များကို ရှင်းပစ်ခဲ့သည်။ သူနှင့် ဖေ့ကျင်း အသက်ရှင်နေသရွေ့ ဖေ့ကျင်းကို ထောက်ခံသူများကို သူ မရှင်းမပစ်လျှင် ပုန်ကန်နိုင်သည့် ခြိမ်းခြောက်မှုက ရှိနေဆဲဖြစ်လိမ့်မည်။

သေခြင်းတရားနှင့် အပြစ်ဒဏ်ကျခံရမှုတို့မှ လွတ်မြောက်လာသော မှူးမတ်အရာရှိတို့သည် ညီလာခံနန်းဆောင်အပြင်ဘက်တွင် လမ်းလျှောက်နေကြပြီး ညှင်းပန်းနှိပ်စက်ခံရခြင်းမှ ထွက်ပေါ်လာသော အော်သံများကို ကြားနေရသည်မှာ ထိတ်လန့်ကြောက်ရွံ့ဖွယ်ကောင်းလှပေသည်။

"အော်သံတွေက ဘယ်ကနေထွက်နေတာလဲ" ပထမမှူးမတ်က မေးလိုက်၏။

"ကြည့်ရတာတော့ နန်းတွင်းသမားတော်ဆောင်ကနေ ထင်တယ်" ဒုတိယမှူးမတ်က ပြောလိုက်၏။