تراتيل بزوغ القمر

بارت ٨٢

البارت ٣٢ الجزء الثاني
تراتيل بزوغ القمر
الكاتبه ايلاف النجوم

... نورسين
لبست بدله سودا ... ملكية للصدر ضيكة وتنزل
بعدها كلوش للركبة جانت من الضهر قيطان
وعلى جتاف وصدر ... ملكية اسمها
فراشه وحده
ووياها كعب ... وكوت شعري رغم كصير
بس رحت للحلاقه بوكتها رفعته وسوتلي
تسريحة ... ضل ترابي دارج عالبني
وحمرة طوخ
رجعت للبيت كال : ب8:00 أجي عليج أستغربت
هيه دنيا شتا ... بس هوا من زمان معلم
بالطلعه ب8:00 يحب هالرقم هههه
ضليت منتظرة ... رشيت عطر
وكاعده
لحضة خطر بالي ليث ،،،، ليث بريت ذمتي منه
يمكن لوصدك جان يحبني .. مجان سويت
هيج جان بقيت حزنانه عليه ... بس
من عرفت منطي بيه كدام .. رويدا وكلشي
صار بيني وبينه ... تعرفه رويدا
وگع من عيني .. وفهمت
أنو موكل بشر يروح يستاهل أدفن روحي
عليه .. صرت أمن بالجملة إلي.تكول
اليروح .. يروح من روحه
باوعت بيدي تلفون ... يتصل كتله دقيقه أخذت هديته
طالعه طوخت حمرة رشيت عطر ولبست
چاكيت زنجلته ... أباوع كعب قديفه اسود
متلف مسحته ... سحبت كلينكس
رشيت عطر وطلعت قفلت
الباب
طلعت ركبت ... بالسيارة التفتت ويباوع
أشر بيده .. وكال زين بالنسبه للركبه
والكرشه الطالعه شنو
موقعها من الاعراب
..... مثل تاء التانيث لامحل لها من الاعراب تاخذ
نص الدفتر وجابت عمرها لامحل لها من الاعراب
دار وجهه وضحك ،،، ضل يسوق كتلة :
.... بنات وينهن شعجب ماأجن ويدرن طلعه
.... عمهن سراج عازمهم كلهم اليوم
مطلعهم للمدينه حتى نور وسيف
ومرته وجهال
.... هااا وشعجب ماسئلك وين رايح
... اييي منوكال ماسئل .. سئلو
هوا وسيف
.... عززززه
.... اي لعد شعبالج طاگ القاط والقميص الابيض
واليلگ أسود .. ومايسألون
... كتلهم عرس صاحبي موو
... هههههه لامتصرف
هالجذبة .. جماعتي نفسهم جماعتهم
... عزا بعينج نورسين كتلهم طالع وياها مووو
... اي عيني گتلهم رايح وياالكبل وياالحب
وياالنبض
.... ياااء باسل گتلهم نوورسين والرب فشلة
... هههههههه ميحتاج اكلهم .. هما بس
اكول العشگ يفتهمونها ،، وأصلاً
اني هاي حاسبها فترة خطوبة
بس تخلفين هل ***
نعقد
.... اولاً ارجوك لتجاوز على ابني،،،، ثانياً منو
گال أني راضيه
.... ليش هوا منو راح يسئلج ،،،، ويخيرج
.... لاوالله
.... اي والله حبيبي ،،،، طاح حظي من توسل
واسئل وأقنع ... هالمرة سلاح براسج
واخليج تكولين أقبل الزواج
يم سيد ونعقد
وبالمحكمه يحلها الف حلال ،،،، ههههههه
... لاومخطط
..... كلشي مفكر ومحضر بس خلفي اااخ عل كلبي
يمته يجي
ضحكت سكتت ودرت .. وجهي عجامه ،،، كتله:
.... زين أنته وين راح ترووح
.... أوگفيلي
... خليني أتووقع
... أي بالله
.... للحديقة مالتنه
... لااا
..... لعد لمطعم ابوشهاب
... هم لااا
... راح تفرني وترجعني
... دووولي
.... ههههههههه زين حدأئق شاندر
.... هسه بس اني بليلة عيدميلادي متوازي ماخذج
لحديقة الحيوانات .. شعندي أگص سليفي
وياالقرودة
... لعدد وين ؟
... لحدائق ومطاعم مارينا
.... بس هناك سهرات
.... اي هاي بليل لاأهل شرب والدنبگچيه
بس هسه للعوائل
... جيد
.... اي قابل أخذج الفجر أعرفج على حبيبات كلبي
طكيته على جتافه ... 4مرات واكله أسكت
ردت ريمه لعادتها القديمه
ضل يضحك .... بيديسوق وبيد سحب أيدي شبكها
بااصابعه ... شمها.وباسها كال : لابسنه
التووبه الله لايرجعنه عندي هسه
گمرتي شسوي بالبقيه
.... خاف تطلع حجي بس
.... لاوداعة ضي عيني
باوع بعيوني ... درت وجهي وصدك من يمي
أستحيت ... هسه أني شعليه سحبت
أيدي منه .. شووي باسل
.... عوفيها اليوم
... اي بسس
.... لاتغصيني اليووم عيد ميلادي
سكتت وضل لازمهاوويسوق مناوي. ... يهدها
نزلنا كعدنه بنهايه ... على مراجيح موجوده
هوا بزاويه واني يمه .. باردة
دنيا بس حلووو الطبيعه
طاغيه عالمكان
طلبنا أكل ... وأكلت هوا كالعاده يلح
أكلي وأكلي
.... الحمرة لاتخرب
ضل صافن وطكها بضحكه
.... يعني انتي من غمى عليج بالمطار اكعدج وانتي تكولين المكياج خرب وهسه مجوعه روحج
والله شنو الحمرة ،،،، لاتخرب
شهل عقليه نسوووان
...لاوالله
... وداعة عبدالله
..... ياعبدالله ؟!
.... هههههههه اندرري
أختنگت ... من جاکيت ذبيته باوعلي وحمحم
.... شكووو ؟؟
..... موچن صدرج مبين شووي والظهر طالع
..... لامامبين بس انت قريب وتركز
مسح شواربة وكال :
..... هاااا ماشي
... ايييي
مرالووقت لشووي .. كال :
... مابردتي
.... لامابردت
... لاجنج بردانه نزع سترته وذبها عجتفي
ويكلي تغطي تغطي .. اي عفيه
غطي ويضم بزنودي وجسمي
... هواشغطي جناج ملكي صدر وين مبين ؟؟
هوا بس جتاف وعظم الترقوة يطلع
سجاب الصدر !!
.... لامبين اني اشوفه
.... هسه غير.يستريح.زرقاء اليمامه
ضحك ضلينا نسوولف ... احلى شي وياباسل يمر
الوقت بدون ماأحس ساعة نقاش
واحيانا يشمر حجي
واستحي
نوبات لاانتتعارك اني وياه ... وناس تبسمر
على ناس ... ضلينه بالمرجوحه
ومن اسكت اضل صافنه
يهزها يفززني مايكعد
لشوي ... طلعت أغنيه ابي اشوف سيف نبيل جانت نازلة بشهر ال11 ... وياأسراء اﻷصيل
فهيه اول يوم نزلت .. هوا دزلي
ياها صرنه دومنه نسمعها
حتى من ينزل من واجب يضل مشغلها .. بالسيارة
ونسمعها سوووا
.... تكوومين ترگصين
.... ههههه دبرها
.... ليش ياابه مراگص وياج قبل
.... على كيفج بسبس لاتنتفضين
... ووولج
.... هههههههه بي أذا طحت معليه
... لتخافين ماطيحين اني لازمج
گمنا ركصنه .. ولبسني الجاكيت مال قاطه كتله
جاكيت مالي.موجود يكلي لايبين جتفج
هذا عريض .. بلا شحجي وياه
سحبني من خصري .. شبكت رگبته ضلينا
نرگص ... لابسه كعب وهوا كل
ماله يدنك عليه فرق 4أصابع
ههههههه
... ظهرك أنكسر
.... شنسووي غير قززمه
... انته چنك خط اربيل
... عمي الطول هيبه
... هوا أنته كلك هيبه
رفع حاجبه باوعلي وضحك ... يبوووي الرب فشلت
حضنته ... وخليت وجهي بجتفه حتى ليشوفني
وصل مقاطع .. لي هوا يحبها ضل يشاورني
.. أطالع صورتك واشكي .. احن لحضنتك وأبكي
لنفسي بلمرايا أشكي .. بعدك حالي موزين
وحشة بعدك الدار ... عشت ياعمري
محتار
اناادري الزمن غدار ... يفرگ كل حبيبين
ياغلاك ماافي احد ياخذ غلاك .. المهم وحدك اهواك
ولااخليك واذا تغيب احبك ..... كثر متغيب
تشفي جروحي وطيب بلمسه من ايدك
همس بذاني
... هسه لمسة ايدي داوي جروحج
باوعتله وأبتسمت نزلت راسي
باسني ... من خدي وضل مخلي وجهه برگبتي ويشم بيه ماوخر لحد ماخلصت ... ومن خلصت
كال :
... ماشبعت شبسرعه
هههههه كمت أضحك عليه ... أدري هيه ٥د
.... اي بصرعه خلصن خيعيدها
... ياا باسل تعال وهوا مچلب
الايعيدها
رجعنه كعدنه
طلع من جيبه .. كلادة القمر كال :
... جبتها وياي
.... اييي
...... بس تولدين ألبسج ياها هديه
..... هاي موهديه كتلي عليها ومستعملتها وشايفتها
سميرر
.... ههههههههه ام لسان حتى لووو
بس عزيزه عندي هالگلادة
سكتت وأبتسمت ... ضل حاضني لشوي
نعست ... ودخت من الموسيقى
صوت عالي
... بيش ساعه
.... ب12وربع
.... عزززززه
.... شبيج
.... فات عيدميلادك لاانطيتك هديتك ولاكلت
كل عام وأنت بخير
أبتسم لازم أيدي ... باسها من كفها
.... الخير والراحه وياج والهديه وصلت من قبلتي
تجين
.... بس حلوو المكان تونست شكراً
... اني هم شكراً الج انتي
.. عفو عفو
.... أنغرررت العبده
.... عززززه اني عبددده
..... لاابووووي
مديتله ايدي واكله شوووف .. باوع ديجاوب
بدووو يدخلوون زلم ... مجموعات مو عوائل
بسرعه بدون تفاهم
كال : يلا بسرعه كومي خنطلع حاسب وطلعنه
بالسيارة ضل يفتر
واني أحس راسي ... ثكل غفيت وأني بالسيارة
فتحت عيني .. حسيت بي خلاني عالفراش
حجيت ونومه بعيووني كتله
... رجعني لبيت بابا
... انشالله حبيبي بالحلم أرجعج
چانت النومه بين عيوني ،،،، حتى مناقشته شبگت
المخده حسيت بي خله مخده جوا بطني
ع صفحه ... وهوا يوميه يسوي
هالفعاليه واحنا عالخط
يگول لايختنگ الولد بطنج ويموت
شبكت المخده غمضت عيوني .. حسيت
بي نزعني حذاء وغطاني بعدها
ماادري شصار غفيت
احس جسمي متكسر ،،،، ويمكن لأن تغير الفراش عليه واليوم أصلاً تعبت
لثاني يوم كعدت ...... أفرك بعيوني
أباوع جاكيت ماله مشمور
عالقنفه كعب بالكاع
التفتت نايم يمي ... بلحاف بحده وهم على بطنه
عود اليوم محترم لابس ... بدي وبجامه
كعدت صار ميز تواليت كدامي ... ضوا شمس
ضارب من ورا البرده أباوع طرف
خدي حمرة
ادري شوصلها لهنه .. وهيه بشفتي مستحها
فركت عيوني رموشي ثكال من مسكارة
حسيت ايده .. نمدت عظهري
كمززت
التفتت كاعد
.... يمه بااسل شبيك
... هههه شكوو
..... ماتبطل سالفتك اشوفك نايم دقايق
التفت فاتح عيوونك تكمزني
...غير ذيب
.... اي ... أبتسمت يالله هالولد شكد واثق
سحبني من أيدي ورد نومني بحضنه شبكني
وشبخ عليه عصررني
... هااا هاااا مردتني
... هوا اني اريد أخنكج
وخر عني وضل لازمني بس من جتفي وبظهري
ضحكت عليه ... ضل حاضني ونفسه يم ركبتي
جانت تسريحه ... نازله وبالاصح
شعري شبه مفتوح بس
من كدام مرفوع
وخره .. وضل
لازم علباتي
... حلووو الوشم
.... شفته
... أنتبهت عليه من البارحه من جنتي يمي بالمرجوحه
.. ههههه وشعندك باقي مغلس
... منتظر أستفرد ضل مخلي
شفته على ركبتي
تضايقت من هل شي هواميسيطر عنفسه أعرفه
تبعدت وأنگلبت ع جهته جاوبتة
.... بالمناسبة مووشم تاتو خفت أدگ وشم
... أحسلج
... أنت شلون تستحمله
.... اني رجال أستحمل كلشي بس أنتي
تبقين مرة ... لاتخلين جسمج يتاذى
على مود أسم .. ساعاته اﻷسم
ينقش بالگلب قبل الجسم
... لعد مدام منقوش بالگلب ليش مسوي أنت
.... يعجبني أحسه وأشوفه بكل
مكان بيه .. أسمج وأسم
ضي
... لعد ونور
... منو كلج ماداگه
التفتت عليه .. كتلة : ووين
باوعت .. صدك داگ اسمها على كلبه نور
..... واشمعنى نور على كلبك
... ﻷن نور أختي وبنتي وكلشي بحياتي
الدنيا كلها بكفة ونور بكفه
.... هااااا وضي وانا
.... زيادة خير
طكيته ع جتفه ... ضل يضحك كال :
.. نور نصف اسمج .. واسم أختي ﻷن
اثنيناتجن نور
صار وجهي بوجهه ... تقررب حسيت نفسي
أختلط .. بنفسه
... باسل
.. هممممم
.... شداتسووووي
تقرب عليه دنك ... لرگبتي باسها لزمته من جتفه
دفعته ،،،، دااريد أگوم لزم أيدي سحبها لرگبته
بين أريد وبين ماأيد .. مااريد بدأ يتعمق
حتى نفسه ثگل دفعته .. كتله
... كاافي كووم
... تعاي شووي
... باسل
... مااكدر أسيطر عنفسي يمج أضعف بس
شوي گتلج
تبعدت من فراش بسرعه وكفت ،،،،،، كتله
معروفه لشووي شنو ،،، تاليتها
فَ ليش تنغصنه من صبح
وأغثك گوووم
ضحك كام .. كال : أمرنا لله مابقالج هواي
وتنلزمين ...
.... أصلاً جيتي كلها غلط
.... هسه هوا ياهو الحاجي أشو عمج وحتى مارد
سئل عليج فگدچ ،،،، لوهاي اول مرة ألج
وجديدة ع حمد نبعه حتى جيتج
كلها غلط هناا
حچاها شلون نبرة أستهزاء
باوعتله صفح وعرفته شمر بالحجي البي مايخلي
لازم يحجي ويذبله سم الكوبرا
سكتت وبيدي اللحاف داأصفطه ،،،، شمرته صفح
بنترة سحبت نفس وفعلاً صجت من أسلوبه
رديت جريتها اكمل تصفيطها
گتلة : كملت
.... شبيج
جاوبته :
..... والله اني ماعليه بعمي ،،،، كدامك مرة بالغه وعمري ٢٦ سنه ،،، مسافرة ودارسه
اعرف أسيطر ع نفسي وأخلي
حدود ومأضعف. ،،، يم بشر رفع حاجبه وعرف رديتله حجايته أبتسمت ... وكملت
وممحتاجه لعمي ،،،، بس أحترام ألك وإلي حجيت هيج لأن فعلاً جيتي غلط ،،، وأحنا بحدنه وفوگاها نايم
بصفي ... اني جنت نايمه
وماادري ..... فَ فهنا العذر يطيح عليك
سكت وضل صافن .... شوي وسحبت لحافه المتغطي
بي دااكمل تصفيط كتله
هااا وشغلة لخ .... من اجي هنا اجي الظهر
والبنات موجودات وكاعدات وحتى بليل
من نتصل مواضيعنه مرة وحده
حجينه بشي خصوصيزوالباقي
عامه ،،،، ف أيي جديده على حمد نبعه شنسوي
متعلمه يوميه بحضنك أنام رغد ذبيت
لحافه عليه
.... گوووم ضمه بالكنتوور هوا والجوا
عفته وطلعت
حلل بعد أيدي قبل جنت أسكت وأسحن بروحي هسه مو مال أنطي برچه لأن بس أسكت
يستغلها فرصه الكوبرا ويصل
عرايحه والجايه أهلج
وأهلح
جنت جوعانه فتحت ثلاجه اخذت زيتون
من هذا جابه سطله كامله وكعدت عالفريز
وخليته بحضني واكله ،، تعلمت هالكعده
منه
فات مغسل وجهه .... على صدرة خاولي
كال : نورسين سوينله ريوگ
.... ترا انته ابوالبيت انا خطار ،، شنو
مصبح تكرب عليه أنت سوي
لرووحك
.... هههههه أنوووب صارت هيج
... اي والله يلا سويلي ريوگ
... بلاشتردين اسويلج
.... اوكف مثل المرة المعدله رفع حاجبه كملت
كصص طماطه ،،،، وخيار.وطلع زيتون
وخليلي ماعون جبن كصايب
وسوي كوبين جاي .... وخناكل
.... تدللين ،،، ضربها غلسه لأن ححيت وياه بثگل
من ورة حجايته بالغرفه ،،،، وفعلا هوا سوا
ريوك بوكتها وطگ بيض واني
بس كاعده .. وأحلى
شي من أتأمر واكله كثر جبن
وزيتون
... بيج بخت حامل ،، جان طكيتج بالگاع
... يلا يلاا يطگني بالگاع هوا .. اشتغل عدل أشتغل
...وووولج
... ههههههههههه بسررررعه
أكلنه ... ومرت بعدها اﻷيام هالفترة نور كامت
تمرلي بالبيت ... وهوا مرات يسوگ
ويمر عليه .. يخلي المسوأگ بالباب حتى لاأشيله
يكلي اعرفج نادة مو گدامج .. الكوبرا
لازم يبسمر
بين شهر وشهر اروح للدكتورة .. طلع
جنس ولد
كتله بليل لثاني ... يوم المغرب
صارت كبسه هوا وأيه ... ونور بوكتها كلهم
خلو جهال يمي وطلعو
ضليت صافنه
باسل كال راح التحق ... هالحجي هوا مصارله
اسبوع من جاي .. وايه ونور كالن نريد
نطلع
لليل فاتو كلهم ....
وهوا دخل وياه 4علاليگ كبار ونور علاگتين
ضليت عاگدة حاجبي
سئلت عالغراض نور جاوبت .. جهاز أسد
ضليت صافنه مااعرف أضحك
لوابجي .. اني نفسي
ماجهزت
بالجهاز ... هوا جهزلي سوها كبسه هوا
وأيه .. على كولته اليوم صار أتحاد ويا العدوو
بس ماتخلو من مناوشاات وكذا هوا أعرف بهل أمور ... جاب وياه عشا
واني جنت طابخه ... بالمطبخ شبكته
كتله .. شكرا باسل
.... يدللون الغووالي بس شنووهاي عيب لاتشبگين
غير تتعلمين تخلين حدود وتسيطرين عنفسج
ههههههه ردها إلي العينتين
تعشو وراحو .. لليل
أتصل نسولف اني وياه وأشوف الجهاز
كال : الجربايه راح أنصبها هنا .. تجين يمي بالبيت ورا الولاده
... لاميحتاج
.... موبكيفج اختج مسافرة تبقين بحدج انتي ونفسه
لوترجعين يم العار مقدام يمج هنا نور والبنات
اللواء يمر متبقين ببحدج
... ذيب
... عيون ذيب
... كلفت نفسك وتعبتك فعلا مشكور
..... نورسين لاتحجين هيج .. تحسسيني غريب عليج
وأني اكره هالشعور .. أذا مأسوي هذا الج
لعد المن أسوي ... سكتت ومعرف
شجاوبة
كال : تجين يمي تبقين .. هنا ببيتج ونور يمج ماا تبقين بحدج نفسه أنتي وشتعرفين منو عندج
أنتي يداريج على الاقل .. ألعدو يمر عليج
ونور يمج هنا ... اذا احتاجيتو شي
اني موجود
لحضة حزت بكلبي ... صحيح فرحانه بس أنكسرت
بحجايته ... من كال منو عندج أنتي يداريج
أكول يعني ،،، إيلنور أني وياها اتصالات
وبالخارج معذورة .. وباﻷخص وصلي
هالفترة هيه هم حامل
الاعمي ولامرته ... ولاحتى رويدا هسه اني
اولي بس الولد يبقى ابن اخوها يعني
حتى ماأتصلت سئلت عليه .. بيوم
لوماگلت شنو الجنس
لو قتيبه شكد لزمت ابنه وشكد
داريته أله .. لوعمتي
مخزر بعينهم
شي أبد
كال :شبيج ساكته ؟!
... صافنه
... نورسين أني ماأكفيج
..شنوو ؟!
... مامكتفيه بالعندج انتي ؟!
... لاتكفيني
.... هاي هيه بعد لاتضلين تفكرين بذولاك
... أعرف بس !
.... اعرف شعورج اني هم حزت بكلبي هواي من اشوف امي تعتني بريام .. والغبير ذاك بس
موكل الناس زينين وبينهم
محنه
ذولاك أهلج ... مثل مافكرو يزوجون إيلنور لمقدام
ويدرون بي عار ونوب لزكوج بقتيبه
بس ﻷن الله .. يعرف انتن شنو
وميكطع بعبده
خلى بطريقجن ناس زينه وخيرة ،، ماامدحلج نفسي
بلا اني اعرف ماذيج وشيني طاغي وان كنت
احبج ... بس اختج وحسام .. اضربلج
اكبر مثال أيه .. كدامج
ذاك اليوم سراج يسولفلي ابوها هد عليها .. كمرتي
المرة لوشكد مصارت قوية .. تحتاج رجال
يسندها .. انتي على اختج على العدو
وحتى اختي
بلا نور احنا اخوانها ... بس انتن منوعدجن موبس
أطلكتي مني ... بالبداية تحجج بدراستج
ونوب لزگچ بقتيبه ... ومن صارت مصلحة لل ليث
أنطاج أله
ولج ذوول أهلج ملة نكسه عاشرتهم .. واعرفهم
ماتشوفين ابوج الله يرحمه سحب نفسه
منهم
وهسه همين اكلج وياها .. وبروح
ابوي واخواني
أگصلچ أيدي ... أذا ماجابولج مرشح جديد
وتعاي زوجي على ابوانتي صغيره
وعندج ولد
اني اعرف تفكيرج ... وأحساسج وحافظج الفترة الفاتت كلها ... مامر عليج بس أحمد
ﻷن هوا بطبعه المحنة
ماعنده خباثتهم رغم ... هوا أصغرهم وعلي اهم
شي مصلحتة شفتي طب عسكرية كون
نفسه وهسه يكلك حتى كاطع
مهر وساحب نفسه
من اهله
وعمج أكبر حقير ونذل ،،، أهم شي عنده يحلت فلوس
وعمتج نسخه عمج .. الها خلگ تلفيج انتي ونوب
وياج طفل ،،، شغلج خدامه لرويدا وللبيت
هوا تاليته البيت يصفى للكح*** هاي وابن عمج
يباوع لحلكها من تحجي ... ف انتي ابقي
بيت ابوج معززه مكرمه أكشخلج
سكتت وفعلا كلامه .... كله .. صحيح
عاد شوي هوا.. غير الموال
كال :
... واحتمال يجي وليد حليوة ذاك .. الطول
وجتافه شعرضه .. وعنده عظلات
ابوغمازه يخطب شي منامنا
ضحكت هههههه
.... اروح فدوة لهل ضحكه ،، كاعده ضاربتلها
صفنه على الكواو** فكري شتلبسين
بحضني بعد شكم يوم
.... عززززه
..... ولااكلج اني مااخليج لابسه ،،، شي
... ههههه باسل كافي أسكت أستحي والرب
... شلع كلبي هالفصعون
يمته يطلع ويفضها
... ههههههه
ضلينه نسولف ... فد يوم اجت ايه يمنه وهالفترة
هواي تمر ... وحتى سراج يريد يشتري
بيت بمنطقته يم اخوانه
ف اجه باسل ... مسوگ النه مسواگ الفترة
هاي ... حملي ثگل واني كلش تعبت
نسبة .. دم قليلة واكل مااشتهي
يطون بالفيتامينات ومقويات
فتحتلة باب ... خلاهن بالگراج بي طبيعه ملاحظتة
بيت ابوي مايحبه .... حتى من يدخل من زمان
امي مرتين بس فات جوا .. وبعدها
حدة للگراج
ف فات هوا عينه .. حمرة كال مدري شدخل
بيها جبتله قطرات ... كعد عالمرجوحه
تقربت يمه ... اخلي قطرات
بعينه
وخرت اشو هذا عينه ع شفتي .. وصدري ويباوعلي
نظرة ابد موراحه ،،، كال : اشااه شهل برد
أشتعلو العشيرة
موصدر
... عززززه مو دااحطلك قطرات يعني فوتلك
مرة ولاتركز ... كال :
... مااكدر مااكدر نعمة الله كلها كدامي
بعدت منه اشو ... كام وتقرب
يريد يبووسني
... هااا بااسل
.... بس ووحده
..... ماكوو بعدين
..... احتركووو العشيرة وجرت للستار
... ههههههه كمت ادفع بي من چتفه وهوا
يكول والله ماتستحين .. هاي هيج
تكرمون الضيف .. واني ادفعه
وهوا يرجع عليه وصلته
للباب
ويكلي بالعباس مااطلع اليوم الااخذ
بووسه
.... ولك شتاخذذذ
... ماكوو ابد
دفعته من خاصرته ... لزم ايدي
تقرب باس خدي بسرعه
دفعته .. وسديت باب
هههههههه
بوكتها بالباب سراج جات واكف
برا
مدري شحجو ... كلة : سراج
.... شعجب تأخرت كلت بس اخلي المسواگ
وأجي !! ،،،، أسمع باسل يجاوبه
... مااحجيلك شصار أعرف بيك تنصدم ومتصدگ
.... لالا اشوو احجي
... لاابد والله
... لااشو الاتحجي
.... يمعود غير لزگت بيه واﻷتبقى .. وماتطلع
من البيت أبد .. وجاي وتعبان متعني عالمسواگ
وأني اكلها بابا عيب ... ميصير
مايصير ... اني رجال وانتي مرة شيكولون وهيه
ابوالغيرة بس ابقى بالكوة .. طلعت
باالف يابوو علي مااحجيلك
شصار تعب تعب
هعهههههههه بليلتها ضليت خربانه ضحك .. علية
مرت فترة اني واحمد نتراسل
دومه يسأل عليه .... ورد قدم عالعسكرية
بوكتها يكلي ... عليج العباس اندعيلي
روحي راحت هاي مرتين أقدم
وفعلا بوكتها .... أنقبل !!
بنفس يوم صادف ... رحت حللت كتله
عالجنس .. مال ولد وهوا كال
ولج سمي احمد عليه
.... لاوالله أسمي اسد
... يلا عالثاني سمي احمد
... احم احم احم ياثاني
... صحه صحة بت العم ... شبيج ابن ذيبووو
...... لاماكو شي بيني وبينه
.... ايباااااااااه
... هههههه
.... عليناااا ولج نورسين خليها سكته
.... انت الوحيد تعرف كلشي عني
.. والوحيد الي ماتمنيت طولون هيج على مترجعون
سكتت كال : بس شوفي الله شلون قاسمكم
لبعض درتو درتو درتو وتاليها رجعتو
لبعض
صدك بوكتها أبتسمت ... مرت اﻷيام صارت ولادتي
بشهر سابع بوكتها صبح رحت ... للكنيسه
ورجعت بليل ... هماتين باسل
جان ستوا ملتحق
بدون سبب .. واني بالكنيسه داأصلي نزفت ماي
ضليت بالكنيسه .. أطلگ على ماجاب هوا
سيارته .. بالباب واخذني
صارت بوكتها ولادتي طبيعيه .... وساعتين
روحي رايحه بس أطلگ ... من حلاة
روحي كمت أعض بيدي
أجه أسد ... واحلى شي من گلت لباسل خناخذه نعمده بالكنيسه .... بسرعه التفت عليه
كال : سالمين شتعمدين بابا مسلم
يتبع دين ابيه وابو مسلم
شتعمدينه ،، سكتت وفعلا يعني عبالي انو اذا ابو
مات يصير على دين امه مجنت اعرف هالشي
لزمه وصلى على محمد .. واذن
بذانه مااعرف كبر المهم
صار مسلم
هالفترة هاي باسل ... إلتحق يريد ينقل هنا
فطوول هناك ... بالشهر ويمي نور
وسيف بالغرفه الثانيه
بيوم نايمه ... ولازمه فون وتحجي كللها
كايم للمطبخ اشرب ماي .. جاوبته
عوافي .. سمعنة طبكة الباب
كتلها
... اكلج نور
... اوكف دقيقه حبيبي ،،، هاا نورسين
...... بدال ماكاعده دكين حبجيات فتحولكم فلم
كعدو باوعو .. صخام بوجهكم شي
... منصية صووتي
... بت الذينه راد يشرب ماي اني سمعته
من كال ... وتكليله عوافي اشرب
عني وعنك .. مو يمج دولكة
الماي شهل العيارة
مااسمع بس كحة سيف .... وشارگ بالمايه
وهيه ضمت وجهه وتصيح يبوي
كتلها ..
.... كومي باسل خابر لايسمعج
كعدو شغلو فلم احجو بالهول
كامت .. واسمع سيف يصيح لوهيج نسوان الاخوو
لوماينرادن هههههه
كعدت ثبتت مخده وراي .... هالفترة ست ايه
اشتغلتني جيم .. على ابو لايخرب جسمج
ويوم جيبلي عطورات يوم شب
يوم مقوي للشعر يوم
تغذية
سراج جان مكبف يكول ... التهت بيج شوي
بدت تتغير نفسيتها .. مومثل اول شهر
أتصل باسل ،، اول مافتح كال
... الكوا** هذا شلووونه
.... عززه لاتحجي على أبني
.... اؤؤي داده أبنها
ضلينه نحجي ونسولف ... سئل على ضي
واحلى شي من وصل لنور
.... نويرا وسويف خوما جاي يزغلطون
.... لاوين خطيه هوا يطلع مايجي
بس بليل وهيه كله يمي
..... هااا مراقبتهم
... 10/10
.... زين وينها
..... نايمه نااايمه اليوم تعبت .. عزلت الغرفه
كمنه نحجي .... ومرت بعدها الايام وبوكتها
رجعت لبيت بابا ماقبلت ... ابقى اكثر
من شهرين .... واصلا هالفترة
اجت أيلنور حامل بالشهر
السادس بولد
ومابيها حيل حتى تتحرك ..... احلى مابالموضوع
غزل نسخه طبق الاصل ... عليه بقو
هالفترة يمي .. بالبيت وهاي
نوعا ما
جانت حجه
هالفترة حجه
حتى تبقى يمي
هالفترة فتنة بسنة 2018 ... وباسل جان
عالحظ ملتحق ... مويمنه أربيل تمطر
وبروده قووية ب شتا
بيوم أيه ونور ... موجودات بالبيت يمي اندك
الباب فتحته .. ايه فاتت
مرت عمي
.. مرت عليه عمتي شافت الطفل ... بس !!
حتى ماتقربت شالته ... أذكر باسل
اول ايام .. حتى حطله شذرة
ذهب .. وصاغله مداليه
محفور عليها اسم
أسد
يعني باسل على سراج ايه ... حسيتهم فرحوو
بي اكثر منها ... باوعتله من بعيد تخطته
وفاتت ... حتى ماصلت على محمد
كعدت كالت :ايييي الحمدالله عسلامه يربى بعز
عمه انشالله
..... الله يسلمج بس ياعم
.... صادق
.... هههههه شسالفه
عمه ... مومسافر للخارج اخو الجبير
.... ترا صادق ... أخو ليث رجع
... اي وشنوو ؟!
.... ليش ماتزوجينه على الاقل عم ابنه
.... شزوووجه شبيج عمه اذا ابنه بالكلية
... اششش وخير ياطير رجال يبقى
يمج ... شنوو باقيه بحدج
هنا
... ماأزوووج
.... عمج كال :
.... روحي وصليله هالحجي ... وكوولي لقتيبه
الحجي الي حجيته اله ... نفسه خيوصله
لعمي
.... ومنووو تردين تاخذين هذا الهمجي العمارجي
... وشبي همج وليش عمارجي جاب عمره
كله ببغداد .. اربيل ولونفرض ابن
عشاير وشبيهم اهل العمارة
مووبشر
.... عمج مايريد يناسبة ولانريد نسبه ابوالمشاكل
جاوبتها
... مشكلتة اني اريده واحبببه
.....وووولج شهل حجي ماتستحين وابنج
أيه كلتلها
... أبنها حقها شرع وقانون واذا زوجت
وعمه ماله اي حق يداعي
بي
إيلنور ... مثل ماسمعتي عمه ،،، حسام خلقتو
مقارنه بينه وبين مقدام من الصغر على ابو
نفس العمر
وماخلصت هالمقارنه الامن فات حسام علمي
وهوا ادبي... وبعدين من كبرو كمتو
تقارنون عشغل نوب عزواج
الي من غيرته مقدام ... بس حسام مال اريد
بت خالي ... على ابو هيه بت عمي اجه
سوا سوايته .... بيه وتحجج بااختي
ونوب سوا سوايته مقدام ،،،، وحسام هوا
اخذني وليش ﻷن يحبني .. وهم بعتوني
بيع ومااوصييج عود روحي وصلي
هذا الكلام ... وخلصتو مني
وبعدها ... احتاريتو شسويتوو بااختي .... وهسه
تردون تزوجونها لواحد بكبر ابووها
نورسين .... اني ماأزوووج عمه
... لاتزووجين عمج كال الرجال حاجي ويريد
ياخذج .. وكال : روحي جيبيها
أيه .... طاح حظه حاط عينه على مرت اخو
.... أنتي لاتدخلين أيه جاي احجي
ويابناتي اني
موقف محرج ... وفشلتها كدامنه إيلنور
كلتلها :
... أولا أيه أختنه أثنين مدام بناتج احجيلج
حجايه حق ترا انتي رجليج
مدندله بالكبر
خزرتها عمتي ... وباوعتلي كالت :
يردوون أبن أخووهم
.... ستووهم سئلوو عليه أبن أخوهم صارله
شهرين دلاعه محد دزله
.... والله نورسين الفلوس ودلاعه ماتحدد معزة
احد
.. أبني مااطي ..وزواج ماازوج يريد يشوفه
يجي يمر عليه على عيني وراسي
بس ينسى ياخذذه
... عمج يكول هيج
إيلنور جاوتها
.... دخيرووووح ... عمي يخوووط بصف الاستكان ستوا ذكر عدا بت اخوو صارلها ب 9اشهر
الساقط ذاك عينك عينك تحرش
بيه ... شسووالها عمها لوبس نادر يورط
ويطي .. بنات اخووو .. ههه
ولو خووش استلم هوا
مكسب من ورانه ... حسام 40مليون وسفرته
لبنان براسة ... وباسل والمهر انوب
اخذ رويدا بلاش .. عمي مستفاد
هيه كوووة ليش مايلزگ
.... أياأدبسزز يااطايحة الحظ ،،، هيج تحجين
على عمج كدامي ،، من يوم يومج صلفه
... ديلاا يلاااا صلفه ،،، اﻷدمي مايعيش وياكم
انتم تلوگلكم رويدا
ضلت عمتي تغلط وترزل وتجاوز ايلنور .. ترادد
تالي كتلها قصص وروايات عراقية كرار صلاح
..... أرجوووج لاتغلطين ولاتجاوزيي عمه جيتج
على عيني وراسي ... بس احجيلج
حجاية حق مرة وحده بحياتج
ماناسية طرت الي
على مود جدر
دولمه
بس الدنيا دوارة وانتي هم عندج ... ولد وراح
يزوجون ،،، لوعندج بنيه تنطيها هيج
نطيه ... اكيد لاا
وصلي هذ الحجي .. لعمي
دارت وجهه .... وراحت وتغلط علينه وتسب باامي
ايلنور صاحت عليها وكلتلها احتررمي نفسج
محترميتج احنا
اشو هاي تولتنه دايحات ... والادبسززيات وماضلت حجاية ماحجتها .... اجت تجاوبها اشرتلها اششش
عوفيها مهما يكون تبقى مرت
عمنه ومرة جبيرة دارت وجهه وطلعت .. من البيت
إيلنور .... بت الكلب جايه هسه ذكرتنه
... عزه بعينج شون هيج تغلطين
... سكتي نوورسين
ايه ... فعلا كلام نورسين هيج السالفه ماتفيد
تغلطين صوجين روحج انتي
... يعنيي شسووووي من حرگة كلبي ماشوفينها
سووون كامت تسب باامي
..... هسه بس يجي رجلج ،،،، سوويلج عززه
ولوفي سالفه كلها عليهاا
نورسين ... يعني شلون
.... بسيطه هسه هيه تروح تذبلها دمعتين وحي
عصلاة ذبلها فد جذبة جذبتين من حيلتها
على عمج .. اذا ماطلعت متفقه
هيه ورويدا
عالمود فلووس والورث واحتمال الغبير اخو
هم طرطميز عد رويدا ويجوز ام
عباس شعلها قوي الي
جابته من الخارج
بلا إيلنور ... عدها رجل يدافعلها بس انتي
لتضلين غبرة ... وعندي قانون بظهري
انتي تبقين مراة بحدج
وباسل شوفي شلون متعلق ،، ب أسد وبيج
على ابو هوا ولد ... ويحبج انتي وضي
همين تحبج ومتعلمه عليج
وهوا يريدج ... الى متى ؟؟
هالحاله هوا هسه حتى لوراد يحجي مايكدر .. كولتن شكو انته شعليك اذا مابلوج بي بلوة
عقدووو وفضووها ،،، وأنتي إيلنور حي عصلاة
صرتي بالواجهه هسه ... على ابو
راددتيها وكتيلها رجليح مدندله
وسبيتي عمج
هسه بس يجي رجلج ... صرخي وطلعي رعونيتج
ولطمي وابجي ... ع ابو احترك دمج شون
سبت امج .. وانتي ماعليج عذر
حامل
اجه حسام ......... وصادف ويااه باسل جاي يأخذ
أيه ............ ﻷن سراج جان ملتحق اشوو
إيلنور ... روحي خلي خل تفاح جوا
عيونج ... وبس أندك الباب
كامت تفرك بعيونها .... انفتح الباب واثنيناتهن
يحجن من طرف خشمهن مبين الاوضاع
متوترة ... حسام بعده ماسلم
سئل شصاير ..... هاي كامت تبجي ودموعها عشره عشررة ... ضلت تصيح
يعني شنووو احنا ﻷن ماعدنه ابو الجاي والرايح
يكفخ بينه ،،، شنووو جايه تغلط عليه
بيت ابوووي .. وتسب باأمي
أنعل عشايرهم ولد الكلب ... ذوول مواهل
هذا مو عم .. الله ياخذذذه رااح اموت
يمته اموووت واررتاح
موجوده تحفيه شيلها ... وفلشيها بالحايط واني
فاتحه ... حلگي اشو ايه دني وشبكيني
ضليت صافنه ابعدها اكلها مابيه
شي ... والرب مابيه
ضلت تكرص
كمت ابجي من كرررصها .. وتخنزرها
وخرت ني واني مفرفحه روحي
اباوع حسام .. شابك ايلنور
ويكلها اهدي عمرري مايحتاج ... هالدمووع
يوولون شعليج بيهم هوا بكيفهم
تايهتلهم
طلعت أيه وباسل عينه عليه بس ميكدر .. يحجي
حساام مووجوود
لليل أتصل ،،، وكال : نورسين هاي مو حالة يمتة
نزووج
ضليت صافنه
.... اليوم العدوو تحجي وياي ،،،،،،،، كالت انته
متكدر ... تسوي شي مدامك ممزوجها
وفعلا حجيها .. هسه اني مربط
لابيه افزعلج ولابيه ابقى
ساكت
سالفة مقدام كلت امهن مامنتهن امانه .. عندي
بس هسه شكدر اسووي كولتن عمه ويريده
انت رجال غريب شعليك .... هاي براس القائمه
اذا ماذبو بلوة عليج ... واني مااريد تنحجي
عليج حجاية
... مااعرف باسل
.... راح احاجي عمج قبل خير على خير
ماقبل انعل والديه لاابو الجابه
واخذج اخذذج
سكتت ومااعرف شجاووبه .. بس كل المتاكده
منه اني اريد واحبه لواعرف اخلي
عمي يتبرا مني هم اخذه
هسه عمي شسوالي
ضلينه نحجي ... لثاني يوم مر هوا صبح جاب
ضي يمي .... طلعتله
أسد شاافه ... وضل يلعبه بالباب مادخل
لازمة بالگماط ... ولافه بالبطانيه
لايتمرض ... وكلساع ينزله
لضي تريد تشوفه
هههههه يمكن ضي وزهورة اكثر ... شي كيفن
على اسد ... يصفنهم هما وولد سراج
ويلعبن عليهم بيت بيوت علساس
كل وحده عدها ولدها
ضل يبوس بي وهوا ... بالگماط واسد يطلع
ايده من گماط يضل يلزم بشواربه
ويضحك ... من يبوسه
ضل متگنبص بالباب واني .. بظهر الباب
كتله ادخل ماقبل .. مستعجل
كال : حاجيت اليوم سراج وحسام
.... اي
... سيف موجود يمكم .. نور وايه راح
يجن بيتنه .. وانتي واختج هم
وسيف راح يبقى بديوانيه
معليه بيجن اخذن
راحتجن
واحنا .... راح نروح اني وسررراج وحسام نشوف شلون تخلص وياعمج ... بلكي والله وتفض
.. الرب يسهللكم
... بالعباس بس اخذج اطكهم 7چلاليق بس
ااااخ
.... هسه لاتتحلف اندعي الرب يسهلها
... التسهيل من الله يالله والله
انت اكثر واحد تعرف شكد
طاح حظي
... يااء اكوواحد يحجي وياالرب هيج
... معليج الله يحب العبد من يصير صريح
... يحبه من يخضعله
... عمي موبس اخضع اني اسجد لله كل ساعه
شاكيل بس اررريدج بالعباس تعبت
بعد هالنقاش ... هوا رايح لبغداد وحاچي وياعمي
وخاطب ... بس يگلك عمي مشمر بالحجي
وماقابل ... وجان سراج وياه وحسام
فايته بيناتهم ... رويدا وضاله تغلط وعمي متوليهم
همج وهمج .. وظاهر قتيبه عايد كلام مرته
سراج ساحب سلاحه .. على قتيبه
وعالگه بين قتيبه وسراج ... رجع باسل فاير يسب
ويغلط ويلعن ... من سأل علي واحمد موافقين
وحتى حسام .. بس !!
عمي حجايتة بعد قتيبه ..... وفتيبه
بيد مرته ومرته تريد البيت
بحيث باسل أجه هنا ... ومرت على هل سالفة فترة ودك مشاكل ... أتصلت رويدا
بيه
حجتها ... كالت : تردين ابنج تتنازلين عن حصتج
بالبيت وحصة ابنج .. وروحي زوجي
وابنج ع گلبچ وبالعافيه عليكم
راتب الشهيد
باسل ،،، من عرف هيج سالفة شااط للستار أيه
تگلي ديربالج تتنازلين هذا تعب ليث وحگ
أبنج وباسل يكوول ... ماميت عالورث
وبالعباس أكتبله .. حتى هالشقه اله ول اامه
بس لوأعرف اموت ... مااخلي
حگ هذا الولد
لهاي .... الگح** هااي بت ال*****
شنو زلم تخوووط بشواربنه مرة .. هاي وهوا
ابن اخوها صار تفرهد هيج
باوعلي .. وينكت بيده وبصبعه شاايفه اذا تنازلتي
بعد لااعررفج ولاتعرفيني ... وحگ هذا الله
شكد مااحبج .... شكد مااكرررهج
ضليت أبجي ... انهددد بيه وصالح لاتبجييين لاتنززل
دمووعج بالعبااس احركهم
سكت شووي .. ورد صاح وايده كلها
ترجف وتنكت
لوواعرررف اشيلج من كلبي ... بروح اخوي احرك
كلبي بنفط .... ولاارجعلج .. بعد
اذا تنازلتي عن حگچ .... وحگ أسد مرة وحده
طلعيلج حگ ... مرررة ووللج بسسس
مررررة لاتضيعين الاول
وتالي بثوولج
ضليت أبجي ... رد گلب المووال على عمي
شووي ... وضل يسب برويدا
ادري بت الكللببب عندج رجل وبيت وابن ووظيفه
لووطمع عامي عيوونج ... باوعلي وصاح
وعمج هذا الكواد ... اذا ماعلكته
بصحن الحسين اذا ماعدمته
هالكلب ابن الكلب
وهذا الغبيرررر اخو البعيررر كام يعض بصبعه
ويصيح ... اااخ ماتگضبك أيدي
يحجيها ويصفگ .... بيده بليلتها حتى
أرتفع ظغطه ... يعني هوا من يمه أنغث
يكلي شنو من صلافة الي .. تحجيها وجه بوجه
شنووو ... ماكافي سنتين تخوط بشوارب
ذاك الك** الي انطم بتربان وانحسب
شهيد ... وهسه تريد تاخذ حگكم
ليش ماكووو الله
لوهااي مثل الكح*** امي .. اخذت ورثي وورث
اختي واني ابن دلال تاليتي اشتغلت حتى عامل
ليش تريد تراوي ابن اخوها هيج ذلة
شنو ماعدها كلب ... لوكلبها
مايحن
لوذاك عمهاواليشمر بيهن منا ومتا ... هيج العرض
صار رخيص ... عمي لومشغلهن كح** بالوجه
الابيض بدال ماضال تبيع بيهن وترد
ليورة ابن ال***
بوكتها من عصبيته ... كام يج قصص وروايات عراقيية كرار صلاح يب ويحط ويكسر
ويصيح ... وبس اووكف كدامه يعيط
بيه ويصيح
يكلي ذووول اهلج الجنتي خابصتني بيهم يوكف
عينك عينك ... يكلي بت عمي وانهي عليها
تعرفين شنوو يعني ينهون عليج
ولد ال *** صايرلي رجال
بسيطه اني اعلمك
الگرن
ضل يفور بليلتها
سراج أخذه ... للمستشفى رجع حتى مركبيلة
مغذي ... نام نومه ولثاني يوم دمعتي ماوكفت
بس فشل مواهل ذول الله ياخذكم
فشلانه حتى أتصل بي
مر يوم يوومين ... فترة ورويدا ماكطعت بين
فترة وفترة تعيد نفس الحجي .. مرة
من مرات حتى غلطت على باسل
وبركات .. ولو هيه يكلك غالطه
عليهم وهما هناك بالبيت
ماشوف سراج صاير اعصاب ... وهاي
تلاسن .. وحتى باسل كارهه كره
العمه
بيوم ... دك الباب دخل حسام كال :
... نورسين احنا راح نرجع
.... وين ؟!
... لمصرر ترجعين ويانه
.... شنووو
.... نورسين رويدا لازمه قتيبة بالاخص بعد
ماجابت الولد صارت الكل بالكل
اكلج ياها
وعمج مايباوع لباسل بتك عين .. اذا جان اكواحد
ياثر عليه فهوا قتيبه .. وقتيبه بيد رويدا
ورويدا تريد ... منج البيت
ف أنتي ،،، لاتجيبين للولد مشاكل وحجاية الكم
لوتتنازلين عن البيت وتأخذين .. باسل
وأبنج على گلبج
واذا تردين الورث لاابنج ... معناها تزوجين اخو
ف طلعي وياي للخارج ،،، خناخذج وياانه
أحسلج فترة خلينسون رجعي
وزوجوو
كال : اني راح أحضر كلشي وانتي بكيفج بعد
.... ميحتاج حسام العي هالفكرة
.... على راحتج مااضغط عليج
فترة وباسل ... أتصل
ماجاوبته
دزلي رساله
..... اريد رقم رويدا
... شسوووي بي
... دزينه لواجيبه بطريقتي
سكتت شووي ،،، كتبتلة : خنزوج بالسر
بين ماتهدء الاوضاع
قراها وأتصل ... جاوبته بعدني مكايله الو
استلمني رزاله غسل ولبس شنواخذج
بالسر واريدج مرتي كدام الكل
والوويهم لوي وانعل عمج
لاابو ولده هالمخانيث
دزيلي رقم هالكح*** اني اعرف ... شلون
اجيب راسها ... والوي ذراعهم هل
چلاب ولد الچلب
دزيتله الرقم ... وسدة ماحجه شي بعد
مرت فترة ... وهوا ولاشاف اسد
حتى .... ماأتصل بيه
رجع لبغداد كل الي وصلني عليه
وبدأ يبتعد عني ... بوكتها اني ئيست اي امل
ماكول كل ظني هوا ... عافني أيام
ضليت انام ابجي واكعد
ابجي
حتى أسد ... اضل شابگته وابجي مااعرف
شسووي ... بس أتصل بيه ميجاوب
يقرأ رسايلي ... ويسكت
مرة بنص الليل وصدگ ... أختنگت كمت بس
أبجي
اراسله اراسله ... يقرأ ومايرد
كتبتلة
.... اليووم عيدميلادي
وجانت جذبة بعدله 19يوم
..... 19يوم و4ساعات بلا جذب
.... والررب مشتاقتلك باسل
جاوووب لاصير أناني
كتبلي
.... حسي بيه من أگلچ مشتاگ
... أهوون عليك ماأريدهم أريدك أنته عوف الفلوس
.... مشكلتي موالفلووس ... بس أريد أخذ
حگچ منهم خاف عبالج ناسي سالفة
ليث والسنتين .. ذاك انطم
بتربان بس هاي الكح**
اني اربيها
.... عوف كلشي اني احبك واريد ختوولي لفلوس
كافي والرب تعبنه باسل .. عوف الخبال
وحنزووج مااريد البيت اريدك انته
عوف كلشي لخاطري
دزلي بصمه
... لالااا موخبال هالمرة ... ولارعوونيه الزلمه
الي اهله وعرضه وحبيبته ينهانون ويبقى
ساكت هذا موزلمة .. ولوهيه رجال
بالعباس أسگطها
بس صبررريلي أني اعرف ... دواها تسب اخوي
وهوا مدايارة سنته ... وتغلط عليج كدامي
وتنزل دموعج ... امداني اذا ابقى اشم الهوى
ازين شاربي اكشخلي ... وحگ هذا
الله .... اذا مااخليها تجي
تبوس قندرتج شاربي ازينه احششه حشش
شكد حجيت وياه بعدها .... وهوا ميجاوبني
مر اسبووع
وكل وصلي ،،، كلام وصلي بيد أيه ... كال : كليلها ختكسر شريحتها
ذيج لان خطها حرگته من شركه
ودازلي شريحتين
وحده للاهل وحده .... إلي اني ويااه وتلفون
حديث وبي ... خط .. وذيج اركبها
بتلفوني القديم
وفعلا أول يوم حجيت وياه ،،، أني محترگ دمي
وزعلانه منه وساعه ابجي ... وهوا هادء
ويضحك ويسوولف
كال : هسه حبيبي عليمن ضوجه هاي ردتيني
واني مووجود
.... باسل عرا ذليتمي اتوسل بيك توسل
اذا بطلت وماتريد احجي
.... عفاااا اني اعوف گمررتي ... بس كتلج اخليها
تبووس قندرتج ... هيه وعمج حتى تزوجيني
سكتت ومجاوبته
... نورسين
.... تغيرت هواي لاانته نفسك ولالهفتك نفسها
قبل جتت احسك اهم شي عندك تاخذني
بس هسه مجرد بيت اتنازل
عليه ... وانته شوف شكد طولتها
..... لاتباوعين عالبيت باوعي
ع كرامتج .. كرامتج
من كرامتي ... وهاي تريد تذلج
وتلزمج بيدج التوجعج سمعي كلاامي مرة وحدده بس اني اعررف شلوون أخذلچ حگچ بس صبريلي شوووي فهمتي
..... لاتباوعين عالبيت باوعي ع كرامتج .. كرامتج
من كرامتي ... وهاي تريد تذلج
ماجنت اعرف شنو يفكر ولاشنو .... يريد ؟؟
بس !!
مانساها من سبت اخو واهله ..... وهددتني
تاكل وتشرب ويااه
قصص وروايات عراقية كرار صلاح
فترة .... جنت داانظف بالمطبخ ... اباوع تلفوني
يتصل
فتحته اجاني ... صوت
رويدا
... الووو
بسرعه جاوبت ... بصيحة نبرة رجاء
.... نورسين الرب يخليج مااريد شي ،،، أخذو
البيت ومااريد راتب ... وحتى صادق
ماله شغل بيج
بس أحجي وياذيب ،،، لايهجم بيتي الله يخليج
والله يدمررني ... وحتى وظيفتي
أخسرهاااا
#_يتبع
(( راعيتچن اليوم بالقفله جانت عندي قفله لهل بارت تجلط بس گلت خطايا عود گولن
هم قفلاتج تجفط ما أوصيچن ))
انشالله هالأسبوع أقل نختم رواية تراتيل
بزوغ القمر وبيباي لذيبو وسرو
(mwah)(waving)
البارحه أقرة التعليقات
أذكر ..... بربيع عمري أصبحت أسير ذكرياتي
هم گلتن شلون نفارگ عمار وبيارق
وقيصر ونفس تعليقات تنعاد
ع ذيبو وسراج وأيه
ونورسينه هسه
فعلاً اتمنى شخصيات تترك أثر بيكم وماتبقى مجرد رواية تقرونها وتمر عليكم مرور الكرام
طبعاً البارحه فتت ع روايتي
(( كفيفة البصر واعمى القلب ))
... الي نزل منها بارت واحد مجرد
أعلان.
هواي يگولن يمته تنزل ،،، بدايةٍ أشكر تعليقاتكم الحلوة
للرواية والأغلب متشوقلها ،،، أنشاء اللّٰه
بس تكمل تراتيل بزوغ القمر
أرتاحلي فترة ،،،، بين ماأجهز شكم بارت وأبدي أنشرها إلكم .. ويارب تكسر
ع في عمري أصبحت أسير ذكرياتي وتراتيل بزوغ القمر وتكون أحلى بعد وتونسكم
أكثر
فَ حفظوها بالمكتبة يمكم
بس تنشر يجيلكم أشعار
(inlove)(inlove)(inlove)
هسه نرد شوي لفقرة الأسئله .. تغير حو وكذا
صارلي هواي گاطعتها عنجن (cool)(cool)
س١ / تگولن نورسين تبيع البيت لو لاا ؟
س٢/ شتتوقعن بسبس مسوي برويدا وهيج
خاضها خضه معدله ؟!/
س٣/ لو أنتن بدال نورسين. ورويدا سوت بيجن السوته ويانورسين. ،،، والدنيا دارت ولزم وباسل لزم عليها شي يضيع كلشي
من أيدها
تخلنها تخسر الآول والتالي وتاخذن حگچن منها
لو تخلنها منها لربها تنجاز ؟!
س٤/ شنو تتوقعن أخبار اللواء
س٥/ من تشوفن كلمة
#_يتبع ،،،، #_وللحكاية _بقيه
شتحسن ؟!