أنتقام الضابط نمر

بارت3

رجعت كملت يومي عادي وبليل
خبرتني ساره بقينه نسوالف ونضحك

سمعت واحد ديحجي ويا ساره وهي تكله
هسه اكووم كتلها روحي خاف مشغوله

_ لا عااادي

الصوت صار قريب وكللها

_سااره كومي داكلج شنو هاي صديقتج متنام

ضجت وكتلها يالله روحي
انام هم اروح انام

نمت، وكعدت الصبح  نزلت تريكت
ومشه اليوم عادي العصر ماما كلتلي

ام حسان:_  ميرهان حضري نفسج نروح
نشتريلج ملابس  باجر يبدي دومج

ميرهان:_ تمام ماما
حضرت نفسي وطلعنا للسوك اخذتلي
صدريه مخصرة وشالات واحذيه ونقوصات المدرسه

رجعت بسس تعشيت وحجيت ويا البنات
ونمت لان باجر ورايه دوام

كعدت ثاني يوم الصبح متحمسه
بس ضلي كم شهر واخلص من الخامس

تريكت واخذت مصروفي وطلعت للخط
سلمت على بنات وحضنت ياسه وبوستها
ومشينه وصلنا للمدرسه وشفنا ساره
سلمنا عليها وكالت

سااره:_ خلي كلنا نكعد بنفس الصف

ميرهان:_ ايي، يالله امشوو رحنا للصف
وكعدنا نسوالف بين متجي المدرسه

اجت المدرسه واخذنا دروس طلعنه دنرجع للبيت وكفنه بالباب واجه اخو ساره نمر

انيي بس اشوفه بطني تنمغص مدري ليشش

اجه كبالنا يباوعلي وكال الـ ساره

نمر:_ يالله بويه امشينا

ميرهان:_راحووو للسياره قبل لا يفتح الباب التفت ابتسم وراحوو، اني ضليت صافنه لا اخذ ولا انطي

نتبهت ياسه دتحجي وياي وشاركه حلكها

ياسه:_ اكووول ساره عليمن
طالعه صااكه اثااري اخوها صاااك

ميرهان:_انتِ يمتى شفتي
ولد وماكلتي عليه صااك

رجعنه للبيت اول ما دخلت سلمت وصعدت بدلت ومسكت تلفوني وتمددت عالجربايه فتحت التلفون
وما اشوف الا التلفون علك من الرسائل على واتساب مكتوب بيها

(انتي شنووو هذا لبسج متستحين)

(ناقصه تربيه وراح اربيج انيي)

(والله الا اشك ملابسج الكصيفه عليج
    ياا قليله الادب عيدي السويتي
اليوم الا كدام المدرسه كلها اشكها عليج)

كمت ارعش ولا شعورياً بجيت
هاااي شكووو شبيه عزااا منووو هذاا !!

كمت اشهك بلبجي طلع مرئي متصل بسرعه اتصل نطيته رفض رجع مره ثانيه وثالثه واني ارفض اخير شي كلت خاف انطي بلوك ويتعارك وياي مبين حقيرر

شيريد هذااا منيي خفت لا احد يشوفه بسرعه خليت تلفوني صامت و وضع طيران نزلت بسس مالي نفس كمت اخاف لان ممتعرضه الهيج موقف

رحت يم ماما شافت وجهي احمر
اجت يمي كلتلي

ام حسان:_ شبيج شكوو بنتي

ميرهان:_ مابيه شي بس تعبانه من الدوام
اجه بابا رحت حضنته صبينا الغدا وكملنا

رحت صعدت الغرفتي كبل نمت مالي
حتى واهس بعد كعدتني ماما وكلتلي

ام حسان:_ ووج ميرهان بنتي
ما زين عليج الدنيا مغرب

ميرهان:_ كمت ماما

طلعت امي
وجريت تلفوني فتحته من الطيران
والصامت وحترك حررك التلفون من الاشعارات

(وووينج.... شسوين)

(شكووو غلقتي تلفونج والله الا اربيج من جديد انتِ كح....  وانتِ ساق....  وانتي بلا اخلاق لجج انتي طفله هيج اسوين بيه ومتردين عليه بكد النع.... بنت الكلب)

ميرهان:_ ضجت وانتفضت كلشش هذا شبي
شنووو يغلط تايهتله اتصلت بي بسرعه رد عليه كتله

_انت شنووو متستحي تغلط احترم نفسك
ولا جيب طااري بابا على لسانك بصياااح

_ شووفي تحترمين نفسج وجرين عدل
فاااهمه وهذا لبسج لا تعيدي لا احركج والله

ميرهان:_ انتَ منووو
حتى اسمع حجيك، وبعديين
اهلي قابلين انتَ شكووو

_  معليج اني منوو بس اني يوميه
راح اجي اشوفج وياويلج اذا ما تنفذين
لو صيرين بنت عنتر اسحلج والله

سده بوجهي ابااوع الروحي ارجف
يااربي منين جاني هذا نزلت تعشيت
وقريت شويه وصعدت انام
حتى محجيت مع البنات

وعنااد بي ثاني يوم لبست نفس الصدرية
ورحت هلمره طلعت شعري شوين من كدام
ولابسه ستره نص  اريد اشووف وين يريد يوصل
اني اهلي يعرفوني ومنطيني حريه هوو شكوو بيه

رحت للدوام عاادي نفس كل يوم ساره
وياسه لاحضن انوو ضايجه يحجون وياي
وانيي ما  اردلهم كمل الدوام
وطلعت صار بوجهي أخوو ساره

شووو هذا ما شايلته الكاع وبسس
يخازرر والله يالله منا هذاك ومنا هذا
يباوع ويتئفأف اجه يمشي باتجاهنه
سلم علينه وكليي

نمر:_ روحيي بخطج اعتقد بسس
انتي راح اضليين واكفه اهنااا

ميرهان:_ ما جاوبته اصلاً بست ساره
ورحت صعدت ورجعت للبيت حييل
ضايجه من جها اخو ساره ومن جها
هذا  ادرري شبيهم ذوله وياي

صعدت نزعت ملابسي وسبحت وكالعاده
ماما تمشطلي لان شعري طوويل كملت
ماما ورحت الغرفتي اول مفتحت تلفوني

تئفئفت هذاا شبييي...

للحكايه بقيه....

روحاتي رئيكم بالروايه+ تكاتكم الصديقاتكم

ولا تنسوون تبعوني على انستا