"အခုအမှုမှာ အသတ်ခဲ့ရတာက Jisung ကို ကြည့်ပေးနေတဲ့ ဆရာဝန်ရဲ့ ချွေးမနဲ့မြေးဖြစ်နေတယ် သား။"
"ဘယ်လို?"
Chan အထိတ်တလန့်ဖြစ်ရပါ၏။ တိုက်ဆိုင်မှုဆိုလျှင်တောင် ထိတ်လန့်စရာကောင်းလောက်သည့် တိုက်ဆိုင်မှုပေမို့ Chan တုန်လှုပ်သွားမိပါ၏။
"Minho နဲ့ Jisung ကို ဒီကိစ္စမပြောပါနဲ့ဦး။ မနက်ဖြန်မနက် ပြန်လာကြမယ်မလား။ ဂရုစိုက်ပါ။ နှစ်ဆပိုပြီး ဂရုစိုက်ပါ။ အရာရှိ Park ကိုလည်း အဖေဆက်သွယ်ထားမယ်။ သတိထားရမယ်ဆိုပေမဲ့ ပျော်ရမယ့်အချိန်မှာ လွတ်လွတ်လပ်လပ်နေနော်။"
"ဟုတ်ကဲ့ပါ အဖေ။"
"လူသတ်သမားကို အမြန်ဆုံးမိအောင် အဖေတို့ကြိုးစားမှာမို့ သားက သားသူငယ်ချင်းတွေကို ဂရုစိုက်ပေးပါဦး။"
စကားတစ်ခွန်းကို အကူအညီတောင်းသကဲ့သို့ ဆိုပြီးနောက် ဖုန်းချသွားရာ Chan ဖုန်းကိုလက်ထဲ တင်းတင်းဆုပ်ကိုင်ထားရင်းကပင် ငေးငိုင်နေမိသည်။
လောကကြီးထဲတွင် နေရကံကုန်သွားလေပြီဖြစ်သော တရားခံ Oh Jin Lee မှာ သူငယ်ချင်းဖြစ်သူ Minho နှင့် Jisung တို့ကို မည်သည့်အချိန်အထိ ဒုက္ခပေးနေလေဦးမည်လဲဟူသော ဖြေသူမဲ့ မေးခွန်းအား စိတ်ထဲတွင် မေးနေမိရင်း Chan အကြိမ်ပေါင်းမရေမတွက်နိုင်အောင် သက်ပြင်းချမိပါ၏။
.........................................................
"ပင်လယ်လေက ကောင်းလိုက်တာ။"
ကမ်းခြေတစ်လျှောက်တွင် ရှစ်ယောက်သား ယှဥ်ရပ်နေရင်း ပင်လယ်၏ လတ်ဆတ်အေးမြသော လေကို ရှူရှိုက်မိကြချိန် Seungmin က ခပ်တိုးတိုးရေရွတ်သည်။
"ဘယ်လိုလဲ။ ပင်လယ်ကို အလွမ်းပြေသွားပြီလား။"
Hyunjin ဘေးတွင်ရပ်ရင်း ပင်လယ်အား ခပ်ပြုံးပြုံးငေးကြည့်နေသော သူ၏တပည့်ဟောင်းဖြစ်သူကိုမေးတော့ ခေါင်းတဆတ်ဆတ်ငြိမ့်ပြသည်။
"အများကြီး အများကြီး လွမ်းနေတာ။"
"ဟုတ်လား အများကြီး အများကြီး လွမ်းနေတာလား။"
တွေးတွေးဆဆ ပြောသော Jeongin ၏စကားကို Chan က စနောက်လိုက်ပြီး Jeongin အား ပင်လယ်ရေထဲသို့ တွန်းရန်ကြိုးစားသည်။ သို့သော်ငြား Jeongin မှာ လေးလက်မခန့်ပင် မရွေ့သွား။
YOU ARE READING
Clarity || Minsung FF||
FanfictionWarning: This story is not as simple as you think. Read at your own risk cos' it might leave you dizzy. I didn't know the meaning of love. But when I saw you, the first thing that came to my mind is that you may be my definition of LOVE. You are m...
Chapter 20
Start from the beginning
