လက်နှစ်ဖက်ကြား အပြန်အလှန်,လှန်ပစ်လိုက်ကာ သာမန်ဒင်္ဂါးပြားသည် ရုတ်တရက်ပျောက်ကွယ်သွားပြီး ချိုးကျီယန်သည် သူရှိသမျှကို အာရုံစိုက်ကြည့်နေသော်လည်း လှည့်ကွက်ဘယ်မှာမှ ရှာမတွေ့ခဲ့သဖြင့် ထန်ရှောင်းယွီ၏လက်ကို ဆွဲကြည့်လိုက်သည်။
"မင်း ဘယ်လိုလုပ်လိုက်တာလဲ?"
ထန်ရှောင်းယွီ ပြုံးလိုက်သည့်အတွက် သူ့မျက်လုံးတွေက ကွေးညွှတ်သွားပေမယ့် သူ့ကိုမပြောပြချေ။
"ဒီလောက်မရက်စက်ပါနဲ့ကွာ!" ချိုးကျီယန် အရမ်းကို မကျေမနပ်ဖြစ်နေသည်။
ဆုနိုနှင့် အိုးရန်လုံတို့ လသာဆောင်နားကို မရောက်ခင်မှာပဲ ထိုမြင်ကွင်းကို မြင်ခဲ့ရသည်။
လက်နှစ်ဖက်ကိုကိုင်ပြီး ရယ်နေကြတာက.....ဘာလဲ?!
အိုးရန်လုံ သူ့မေးစေ့ကိုပွတ်လိုက်ပြီး ဆုနိုဘက်ကိုလှည့်ကြည့်လိုက်သည်။ သူ ကြောင်အပြီး ရပ်နေသည်မှာ ကျောက်ရုပ်ဖြစ်သွားသလိုပင်!
ဒီလောက် ကြီးကြီးမားမားတုံ့ပြန်မှုကြီးက တကယ်ဖြစ်စရာလိုလို့လား? မစ္စတာဒါရိုက်တာ မကျေမနပ် ပြောရင်း သူ့ကို နားရွက်ကနေဆွဲပြီး အဝေးကို ခေါ်သွားလိုက်ချင်၏။
ဆုရှောင်းနိုလေးသည် ဒုတိယအကြိမ် အထင်လွဲခံရခြင်းဟူသောအချက်ကိုပင် လုံးဝသတိမပြုမိခဲ့ပေ။
ချိုးကျီယန် ဘေးနားကလူက ကာစီနိုမှာလိမ်တဲ့သူတွေကို ဖမ်းပေးခဲ့တဲ့ ထန်ရှောင်းယွီပဲ!သူကို တကယ့်ကြောင်အသွားစေ၏။
သူ absမန်းနဲ့ရယ်ရယ်မောမောစကားပြောနေတာ, ဒါလုံးဝကို အဓိပ္ပာယ်မရှိဘူး!ချိုးကျီယန်ရဲ့ နောက်ခံအသိုင်းအဝိုင်းသည် အရမ်းကို ရှင်းလင်း၏။ သူရဲ့မိဘနှစ်ပါးလုံးက ပါမောက္ခများဖြစ်ပြီး မြေအောက်လောက,က လူတွေနဲ့ အဆက်အသွယ်ရဖို့ဆိုတာ သူ့အတွက်လုံးဝမဖြစ်နိုင်ပေ။
ထန်ရှောင်းယွီက ချိုးကျီယန်ကို အလောင်းကစားစွဲသွားဖို့အတွက် တာဝန်ယူထားရလို့ပဲလား!
သူသာ ခြေတစ်လှမ်းမှားသွားမယ်ဆိုရင် ဘဝတစ်လျှောက်လုံး လမ်းမှားကို ဆက်လျှောက်ရလိမ့်မယ်။
ကြီးမားတဲ့ကြယ်တစ်ပွင့်က သူ့ရဲ့ပိုက်ဆံအားလုံးကိုလောင်းကစားဘက်မှာ ပုံအောခဲ့ပြီး လမ်းပေါ်ကသူတောင်းစားတစ်ယောက်အဖြစ်နဲ့ အဆုံးသတ်ခဲ့ရင် ဒါအရမ်းဝမ်းနည်းစရာကောင်းလိမ့်မယ်။
တကယ်လို့ ချိုးကျီယန်သာ သူတောင်းစားအုပ်စုထဲဝင်သွားရင် သူ့ရုပ်ရည် သူ့ခန္ဓာကိုယ်နဲ့ ချက်ချင်းကို စီနီယာတန်းဖြစ်မှာပဲ!
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
[25.1]
Start from the beginning