الووو مهند انت بخير
جاوب الحمد لله عاتبته بس هو مويمه يكول دا العب ومدري شنو حسيت هو معصب او ضايج
كلما اكتب يجاوبني برود كلش ضجت وختنكت بس اريد اطكهه بجي سلمت عليه وكتله ماشي عالراحتك
ماقبل اروح احس يريد يكتب ويحاجيني بس يستفزني اعرفه يجرح ويداوي
اووف منه حته من هو هنالك لازم يشاغب
ويشاكس ويحب يزعجني شكد مشتاقتله
ودلي اكتبه مشتاقتلك بس ماكدر
خو من كلي لو يم أجرج من كصيبتج يمه متت صخنت واني فووك والجو ثلج لا والحلوه اهفيي عالوجهي هههههه من الحراره الصعدت اتصور هو قريب عليه ويجر شعري ماعرف شيصير بيه
عاد ضيعت السالفه وسالني على دوامي وهم رجع نفس الموضوع ويلمح لتطلعين وكتله ماطلع وحدي نوب كال ليش ومين خايفه يعني متعبر عليه شلون بيه لازم يعرف ضليت الزك الموضوع وكتله تصبح على خير
ونزلت وافكر من يجي لازم احجيله كلشي
مرن اليومين بثكل بس اريدهن يخلصن
بس اكو خوف بصدري شلون راح افتح الموضوع ويا وشكله بس لا عادي قابل اني شمسويه
اصبر بروحي بس كلبي مامرتاح احس السالفه راح تكبر متصغر وهذا الهدوء ماقبل العاصفه الله ليستر
عاد دزتلي هديل رساله وكالت وصل مهند الضهر ونام وطلع ويه اصدقائه
هاي اول مره فرحتي تحولت الخوف بجيته ماعرف ليش
كتبتله حمد لله على السلامة
لليل ياله جاوب بس الله يسلمج
وما اجه لبيتنه ابويه هو راح بيت جدي وشافه وسلم عليه يمكن بعد ميكدر يجي لان سلم على عمه
ثاني يوم من جيته دائما عمي يجمعنه عالغده
وأني دا ابدل اديه ترجف وخفقان دخيلك ياربي هذا الشعور من جتاحني يعني راح يصير شي اعرف راح تصيبر مشكله اديه ترجف لبست ثوب طويل ولفيت الحجاب ودلي ماروح رجليه بعد متشيلني رحت لأمي كتله مامه كلش مالي خلك ماروح انتوا روحوا
ليش يمه شبيج
ماعرف بس يمكن خفقان لو ضغطي هابط
كالت خاف عيب من عمج
لا مامه عادي قابل احنه غربه ميزعلون سرور ماعولت ابقه كالت اني هم ماروح كليلهم عدهن امتحانات ميجن
وفعلا ما رحنه وطلعوا اهلي واني مامرتاحه سرور كالت
نور كومي بدلي ليش لسه بحجابج خلي نتغده
ماشتهي انت تغدي رحت بالهول كعدت على القنفه لامه رجليه لصدري وتفرج عالتلفزيون وبالي مو يمه
وره ساعه اجتي سرور يمي جابتلي لفه اكلته من غير نفس وهيه كعدت تاكل جبس وتباوع فلم كتله مو ستوج تغديتي شلج بهل للجبس والله موزين عليج خو اكلي تفاحه موزه احسلج متبوعلي بس تكرط تأشر بيدهه ماريد يعني ضليت صافنه واحس التوتر يصعد وكلبي يركض خليت ايدي عله كلبي
من حس غير الباب يندك قوي
YOU ARE READING
أحببت روحك
General Fictionما الحب؟ هل هو حب لذاتهه وتحب شخص لنفسك لتمتلكه وتشفي غليلك وروحك وحواسك لاسعد نفسك بيه ام هو اسعاد الشخص الذي تحبهه على حساب روحك وقلبك هل هو اكتفاء انهو بخير والنظر اليه ام هو خيال لروحك ونفسك وحزمك بأن يبقى لك وحدك ام هو كل هؤلاء هل هو انواع ودر...
