لا تُبرر افعالك ، من يعرفك لايسيئ الضَن بِك.
مي : حياتي بين الفرح والحزن
بين الجبل والوادي
بين الاستقرار وعدم الاستقرار
حياتي بين النضوج والهرم
بعدني داخل متاهه الزواج الاجبار
داخل نطاق اسم مستحيل يتغير ولا راح يتغير
مصطلح خلقوا يهدم الانثى ويلغي وجودها بالحياة
دائماً بالمجتمع الامرأة هي الي اضحي بكل شي
بااحساسها بانوثتها بعملها بكيانها بدراستها
بقوتها
واذا مااضحت راح تتقدم للتضحية مثل حالتي
عايشه تحت مسمى
(فصلية )
رغم اني صرت ام ل ولد وبنيه
لكن من اصير مناسبة او تجمع اسمع هذني المصطلحات
ياااا هاي الفصلية
نيالها للفصلية صارت زوجه اسد
تعالي انتي مو فصلية
ليش ميزوج اسد وحده تكون بنت شيوخ ويعوف الفصلية
حتى من يتغزلون بيه واسمع احلى الكلام لازم يرافق الغزل اسم الفصلية
شكد حلوة الفصلية
انيالة اسد على هاي الفصلية
شوفي شلون شعرها حلو هاي الفصلية
ولازم اني اسكت وماااحجي شي من ينذكر هذا الاسم حتى لا يعيبوني
مرات اسمي انسى من كثر ميرددون اسم الفصلية
اليوم اكو عزيمة بيتنا لان خالتي ام اسد ناذرة ذبيحة
والعائلة كلها مجمعة يسولفون واني ايد للاطفال وايد للبيت
وهذا الشي ابداً ميتعبني بكد الكلام الي يسم البدن الي يحجو علية
مرات من قهري وحركان كلبي اريد انفجر عليهم واكللهم اخذوا اسد والاطفال ورجعولي حياتي القديمة بس حبي الاطفالي وعشقي الاسد يخليني اسكت واتحمل بس الى متى ،
عمة اسد : اكلج هي انتي شسمج
مي : اسمي ام صكر
عمة اسد : هههههه ضحكتيني ام صكر
لو تخلفين عشر ولد هم تبقين فصلية
مي : بس اني زوجته الاسد بالشرع والقانون
عمة اسد : ييي خلي يفيدج الشرع والقانون نسيتي شلون دخلتي الهاذا البيت لو اذكرج
مي : ردت اجاوبها بس سارة جاوبتها
سارة : دخلت الهذا البيت تحت مسمى الصلح وتوقفه الدم بين العشيرتين
وعمة الي كاعدة تحجين عليها وتكولين فصلية لو ماهي جان هسه ولدج مدفونين بالنجف وكاعدة تقرين عليهم الفاتحة
عمة اسد : سريوه الزمي لسانج ولاتحجين على ولدي اسم الله عليهم انشاالله يومج قبل يومهم
سارة : محد يموت نااقص عمر عمه بس انتي تحجين حتى الاخرس
ام اسد : سارة كافي يمه لا اخوج يسمع
سارة : وخلي يسمع شنوو خاايفين لو مستحين
عمة اسد : يمة منج يمة ماادرينه هيج راح تتقوين بصكر جنتي مثل الجريدي خانسه
سارة : مااا متقوية بااحد واذا متقوية بصكر فهذا زوجي وابو ولدي وتاج راسي بس الدور والباقي عليجن مثل الحياية تلدغن واضمن روسجن
عمة اسد : انييي مثل الحيه يااا سريوة اني الج اذااا ماااخليت صكيران يدكج كدامي ماااسمى بسمي
سارة : ايدج وما مدت
مي : اباوع على سارة شلون جاوبت عمتهم وشلون تحجي بزودها ومتخاف من احد والله اللحظه حسدتها السارة هاي لو اني بمكانها جان مااكدرت احجي وياهم
مااحسيت غير على ايد اجر بيه
باوعت لكيت سارة لازمة ايدي ودخلتني الغرفتها القديمه
اول مسدت الباب ضربتني على راسي وتعيط عليه
سارة : شبييج ليش مجاوبتيها ليش تخليهن يحجن عليج
لج راح تموتيني لو مااا اني موجوده جااان شسويتي
مي : جان عفتهن ورحت
سارة : ليششش لج ليششش ليش تعوفيهن هذني مو مال واحد يعوفهن صارلج سنين عاايفتهن شحصلتي
مي : ليش كلامهم جذب
ترى كلامهم صحيح واني صدك فصلية
سارة : اباوع على مي كالت هاي الكلمات وكامت تبجي
متت قهر عليها
مي تغيرت كلش عن قبل جانت متهتم للكلام بحكم صغر سنها وجانت تاخذ الامور كلها بضحك
بس من كبرت وجهالها كبروا كامت تتحسس من يكولون عليها فصلية كدام جهالها
بس تسكت ومااتكدر تحجي ومااتوصل الكلام الاسد وتعدي الموضوع ولا كانوا حاجين عليها لو مسمعيها كلام يأذيها
مي اكثر من اختي وغلاتها من غلات اخويه اسد من شفتها بهاي الحاله قررت مااسكت
اسكتييييي كااافي شنووو طفلة وتبجين
مي : لعد شسوي
سارة : وداعت صكر وغلات ولدي ومااكون ام اسد اذا ماااخذلج حقج مربع منهم كلهم
مي : خاف صكر يحجي عليج
سارة : لاتخافين خافي عليهن
مي : افرح كلش من اشوف سارة هيج قوية وماينخاف عليها ضلينا نسولف اني وسارة بالغرفة ودخل ابني صكر
صكر : ماما بابا وعمو صكر يريدوكم
سارة : يي عمة هسه جايين
امسحي دموعج وشوفي شلون اخذ حقج
بسم الله الرحمن الرحيم توكلنا على الله
مي : ضحكت على كلام سارة
سارة من ازوجت صكر كامت متخاف تتعارك ويا خيالها وحتى لو هي غلط صكر يوكف وياها
وعلى كولتها بعدين اخذ الكتله بس المهم اخذ حقي
دخلنا للاستقبال وشفنا عمة اسد تبجي وتشهك وداير مدايرها البنات يسكتون بيها وكاعد مقابيلهم اسد وصكر
وسارة دخلت بعدين اني
سارة : هااا ابو اسد كالوا رايدني
عمة اسد : ييي انتي بهاي سوالف ماخذه عقله
سارة : مثل ماانتي مااخذه عقل زوجج
اسد : ساااااارة
شهل كلام عيب تجاوزين على عمتج
عمة اسد : لو شوف ياابني اسوت بيه مااخلت كلمه مااحجتها واني اسكت احتراماً الك وللبيت الي داخلته
اسد : عمه معليج بيها اعتبريها طفلة وغلطت وياج
عمة اسد: الطفلة تتأدب مو كاعدة وتجاوز على الكبار وتقلل من احترامهم
اسد : عمه يعني شتريدين اسويلج بيها
سارة اعتذري من عمتي وبوسي راسها
عمه اسد : والله ياا اسد اذا مااا ضربت سارة كدامي هي وهاي مرتك بيتك بعد مااا ادخله
اسد : عمه شنو السالفه مرتي شعليها بالموضوع انتي كلتي سارة جاوزت ماكلتي مي
عمه اسد : هي مرتك الي توز سارة ولا سارة فقيرة منيلها لسان بس لازم هم تتأدب
اسد : هسه عمه اخليهم يعتذرون منج
سارة مي يلا اعتذروا منها وسدوا الموضوع
عمة اسد : واريد تضربهن هم
صكر : عمة سارة محد يمد ايده عليها
والي يمد ايده عليها اكسرها حتى لو كان اسد وهاي كدامة احجي مو ورى
عمة اسد : هااي تاليها صكيران تخليها تجاوز على عمتك
صكر : عمه اذا سارة مجاوزة عليج واعرفها غلطانه اخليها تعتذر منج
عمه اسد :وتضربها كدامي
صكر : هاي تعذريني بيها منطيها وعد مااامد ايدي عليها من يوم الاخذتها والي يخلف بوعده مو رجال
عمة اسد : لعد خلي اسد يضربها هو هم اخوها
صكر : شنوالسالفه عمه تروحين وترجعين على نفس الموضوع سارة محد يمد ايده عليها لا اني ولا اسد ولا اييي بشر خلقه ربه كلتلج اذا عرفت هي غلطانه اخليها تعتذر
سارة : اباوع على مي تريد تعتذر تقدمت من ورايه ورادت تعتذر
جان اعيط
والله ياااا مي اذا اعتذرتي من عمتي الا امسح بيج الكاع
كاااافي عاااد
اسد : سارة لا تعيطين نصي صوتج واستحي تعيطين كدامنا
سارة : انتو ناااس ظالمة
واعذرني اخووويه انت اكبر ظالم من تخلي اليسوى والي مايسوى يجاوز على مررتك
صكر : ساااارة معليج
سارة : لاااا عليه صكر عليه
من اشوف مي الوردة المفتحة ذبلانه واليسوى والي مايسوى يجاوز عليها
لازم احجي
اسد ماتسال مرتك ليش هيج ذبلانه
ليش صايرة تسمع كلامك بدون متعاند
ليش ضحكتها قلانه وبالكوى تضحك
متسال ليش ورى كل عزيمه وكل تجمع هي تحبس روحها
اسد : سارة شدخل هذا الكلام بموضوعنا
سارة : لان عمتك الي تريد مرتك تعتذر من عدها وهي كلشي ممسوية
تدخل وتطلع وصيح فصلية وفصلية
اسد: مي مرتي وام جهالي ومااقبل واحد يكول عليهز فصلية
هي صارت بالشرع وبالقانون مرتي
سارة : ييييي كول الكلام العمتك الي طلعتها من مااعونها
وبااااعي عمه كدام الكل لو تطلع نخله براسج ماااعتذر وانتي مو دكيتي صدر وكلتي الا اااخلي صكر يكتلج
هاااي كدامج سمعتي الجواب
مي : اباوع على سارة راحت على صكر وصارت ورى ظهرة
ولاول مرة اباوع على اسد واتمنى يااخذني ورى ظهرة كدامهم مثل ما سارة تحامت بصكر
عمة اسد اخذت بناتها وطلعت وهي زعلانه
واني من كثر الكلام وسارة مصممه على موقفه وتحجي ويا اسد
اخذت اطفالي وصعدت الغرفتي سبحتهم وغيرتلهم ملابسهم
وسويت مميه البنتي قمر
وصكر ابني اباوع عليه لازم التلفون
صارت دنيا ليل ودخلت سارة سلمت عليه وراحت البيتها
وراها دخل اسد
اني جنت منيمه قمر
وهو بس باوع عليه ودخل يسبح
اني كمت حظرتله ملابسه
طلع من الحمام وماايحجي شي
بدل ملابسه وحجه ويا صكر
اسد : بابا صكر كافي تلفون روح يم عمك نسر
صكر : حاظر بابا
مي : لا تتأخر ابني
راح صكر واني كعدت على التلفون اباوع القصص بالواتباد
هو بس يباوع مثل الي يريد يحجي ومايكدر يحجي
اني مااهتميت لان مثل كل مرة ماكو ايي تغير
ورى ساعة بدأ يحجي
اسد : ليش متكوليلي
مي : ويايه تحجي
اسد : ليش متكوليلي بالي يصير
ليش متحجين
مي : لان كلامهم صح
اني فصلية
اسد : مي انتي مرتي وام جهالي وروحي من الدنيا
مي : صح اني مرتك وام جهالك بس ابقى فصلية
اسد : بابا شنو هذا الكلام انتي من صرتي ام جهالي سقط عنج هذا اللقب
مي : سقط عني اللقب بس بعدني اتعامل على اني فصلية
اسد : منو معامل هيج ترى لا اني ولا اهلي عاملناج بظلم دائماً نعاملج مثل سارة
مي : لاا غلطان اسد
اسد : بشنو غلطان
مي : اني اختلف عن سارة
سارة خليتوها تكمل دراسه واني لا
سارة خليتوها تشتغل واني لا
سارة تحجي وتعيط واني لاا
سارة من رادوا صكر يضربها تحامت بي وانت ردت تخليني اعتذر واني ممسويه شي ولا تحاميت بيك
اسد : مي شو هذا كلام جديد اول مرة اسمعه منج
انتي تعرفين من ماخليتج تكملين تعليمج لان اغار عليج ومااريد احد يشوفج
وشغل مامحتاجة للشغل علمود تروحين تشتغلين
مي : اسد عوفك من كل هذا
ليش متخليني اروح اشوف اهلي ظلت حسرة بكلبي حرام عليك
اسد : هم رجعناااا على اهلججججج
مي : ظليت ابجي من اعياطة
اني وصلت للموت وكلتلك بس اروح اشوفهم ماااخليتني
اسد : مو خليتج اشووووفيهم بعد شكوو
مي : شلووون خليتني اشوفهم من بعيد خليتها حسرة بكلبي احضنهم وابوسهم واسلم عليهم
اسد : وانتي شوكت تفهمين انتي بس اليه
مي : والله اذا متاخذني الاهلي الا اموت روحي
اسد : انتي الكلام وياج ماامنه فايدة
مي : عافني وركع الباب وطلع
