قصة حياة

بارت 22

هيه خزرتني

أحمد: شنو شنو

حياة: لا تستعجل على رزقك يا زوجي

أحمد: لعد هسه کومي نظفي يلا

حياة: والله اولا اني عروس ثانية لو ردت انظف مو بس اني انظف خلي يكعدن المعدلات وينظفن ويايه لأن اني مو حمل هاذ البيت كله هنه وحدتهن عبالك ثور

عمتي مزنة: احلة منج واحسن منج عبالك سلبوح والوجه عبالك قردة امداج اي والله

حياة: بلكت تنكلب خلقتج انتي همين ويايه وبله بناتج بشنو احسن مني لا قصدج اني احسن وانتن کولجن تتمنن تصيرن انتن وبناتجن مثلي ومثل شرفي وتربيتي بس شتسوون معذورات عمة معذورات

اجه أحمد کفخني علة راسي

أحمد: ولج شنو هل حجي

حياة: رفعتله حاجبي ايدك متنمد حتی لو جنت زوجي لا تضرب عيب عليك زحمة على الرجال يضرب مرة

أحمد: ديله يم التربية بله من الصبح جراید وصحف ومجلات يله اريد الريوك جاهز

حياة: ليش انته مو المفروض تطلع للشغل من الصبح

أحمد: یا شغل منيلي

حياة: لعد شلون يكولون تشتغل وشغیل

أحمد: انتي منو مجذب عليج بابا اني كاعد واخذ مصرفي من امي

حياة: زين هسه انته صرت متزوج ولازم تشتغل خوب متضل هيج

أحمد: انتي ميخصج

حياة: اي صدك ميخصني تحترك تغرك تموت ما عليه

صاحت عمتي

عمتي مزنة: ان شاء الله الج الموت والحرك والغرك

حياة: بلنسبة للحرك أي حرکتوني انتو و بلنسبة للموت کتلتو امي واخويه و بلنسبة للغرك جاي بلطريق بس مو الي لبناتج

کام أحمد ضل يضرب بيه

عمتي مزنة: اييييي ايييييي حيل

حياة: اني ادفع بيه لتضرب لتضررررب وهوه يزيد

( اعترف لساني متبري مني بس اريد ابزعهم حتى لو ضربوني وموتوني اريدهم يملون ويطلكني اريد كل ما يحجن اردلهن واسكتهن )

موتني وراح للمطبخ وكعد يتريك ولا كأن صاير شي اني اصلا ما بجيت ولا دمعت عيوني اريد ابينله اني ما اخاف منه وهوه اصلا منو يخاف منه الطرطور خاف عباله يصير رجال براسي وخواته يضربنه بنعال ( حشی السامع )

مشه اليوم عادي والمسعدات لل 12 ياله كعدن

كاعدة اصلي ياله كعدن يتثاوبن وفاتحات حلوكهن لعبت نفسي امداهن اي والله

كمت اصب بالغداه لأن عمتي سوته على اساس متريد اني اسوي تتنكس مني ومن شكلي بعد احسن اصلا اني ما اعرف