ضحيه عنيد 💞
داليدا وهي نايمه في حضن داوود حست بأن داوود بقي ملكها وممكن في يوم من الايام أنه يحبها وغمضت عنيها علي امل أنه يكون ليها في يوم سعدها
سهيله فتحت الباب بالراحه اوي عشان داوود مايحسش دخلت عليهم بالليل وهما نايمين واتسحبت من جنب داوود وصحت داليدا بالراحه عشان داوود ما يصحاش وشاورتلها انها تطلع بره عشان عايزاه
سهيله : بصوت وشوشه خفيف قومي جدي عايزك
داليدا : اتسحبت من جنب داوود بالراحه وقامت مع سهيله
داليدا اول ما طلعت مع سهيله
سهيله ضربه داليدا حته قلم علي وشها جابها الارض
سهيله : حتي لو نمتي معاه مش نمتي جنبه وبس برضوا مش هيتجوزك ياداليدا .. انتي فاهمه مش هيتجوزك
داليدا : عارفه الفرق بيني وبينك ايه ياسهيله
سهيله : اي ياروح امك
داليدا : اني مش منتظره حاجه من داوود .. انا بعمل مع داوود كل اللي اقدر عليه بحب وانتي لو حاولتي تعملي حاجه مع داوود بتعمليها بغل وحقد
داوود محتاج للحب ياسهيله كفايه السنين اللي فاتت دي كلها قضاها في كره وحقد
سهيله : ( سقفت لداليدا )
جد داليدا : (جه وقال ) اي الدوشه دي ياسهيله انتي بتعملي اي هنا
سهيله : تعالي سقف معايا ياجدي للدكتورة داليدا بتقول حكم حقيقي
( بصت لداليدا ) تصدقي مكنتش اعرف انك فليسوفه كده )
جد داوود : اخرسي ياسهيله داوود هيصحي تعالوا معايا تحت
داليدا وسهيله نزلوا تحت مع جد داوود
جد داوود : انتي هتسيبي البيت ده امتي ياداليدا مش كفايه كده
داليدا : داوود محتاجلي الايام دي وبعدين مش هينفع اسيب البيت كده مره واحده
سهيله : لا ياحبيبتي سبيه علي مرتين اسمعي بقي يابت انتي .. انتي لو ما بعدتيش عن داوود انا مش هسيبك في حالك
جد داوود : سبيلي داوود انا هعرف اتصرف معاه ياداليدا ابعدي انتي عنه واطلبي منه انك تسيبي البيت وتقوله للناس انكم اتطلقتوا وخلاص علي كده
ولا تحبي ماتشوفيش اخوكي تاني
جد داوود : مالكش دعوه با اخويا مره تانيه انا قولتها كلمه واحده انتي هتطلبي من داوود انكم تبعدوا عن بعض
داليدا : هطلب منه بحجه ايه
سهيله : بحجه انك تعرفي واحد تاني غيره بصي علي الصور دي كده ياداليدا
( الصور دي عباره عن داليدا وشاب تاني ساند عليها وحاطط أيده علي كتفها )
سهيله : تحبي تطلعي من هنا بما يرضي الله ولا اخلي داوود يشوف الصور بما لا يرضي الله
داليدا : انتي جيبتي الصور دي منين ( داليدا بتحاول تاخد الصور منها )
جد داوود : دي لما كنتي بتتسحبي وتطلعي بره البيت عشان تقابلي الشاب ده بس ياخساره مصوره الواد من ضهره أصله مكانش بيعمل حاجه غير أنه يبصلها ياجدي واخدته وركبت التاكسي وجريت ماعرفتش اصوره من وشه الا مين الشاب ده ياداليدا
أنت تقرأ
ضحية عنيد ♡
Mystery / Thrillerقااسي....لا يرحم..... يفعل كل شئ سئ...... من تناول الخمر بطريقه مفرطه......للمشاركه في مسابقات غير مشروعه........ للسهر مع فتيات الليل......... وكل شئ من هذا القبيل........يقتحم حياه فتاه بريئه......فماذا سيحدث لحياتهما؟؟؟
