သို့သော် Iris ရဲ့ ခပ်တည်တည်ပဲ ပုံစံကြောင့် တအားကြီးတော့ မနှောင့်ယှက်ရဲကြပေ။
မျက်နှာချင်းဆိုင်က နံရံထက်မှာ သူနဲ့လွန်း နောက်ဆုံးတွေ့သည်ညက လွန်းပေးလိုက်
သည့် လွန်းကလေးဘဝက ဓာတ်ပုံလေး။" လွန်းအနားကို မောင်ပြန်လာတော့မယ် လွန်း "
Alex ဆီ ဖုန်းခေါ်လိုက်ပြီး မြန်မာပြည်အတွက် လေယာဥ်လက်မှတ်တစ်စောင်ဖြတ်ခိုင်းထားလိုက်သည်။
အလုပ်တွေအားလုံးကိုလည်း သူ Alex နဲ့လွှဲပေးဖို့ ပြင်ဆင်ပြီးပြီ။
" ကိုကို "
အခန်းထဲကို မပြောမဆိုနဲ့ ဝင်လာသော မီးငယ်က အရင်ကပုံစံအတိုင်းပဲ။
ဆံပင်ကိုရွှေရောင် အခွေအလိပ်တွေပြောင်းထားပြီး မျက်နှာတစ်ခုလုံး မှုန်နေအောင်ခြယ်သပြင်ဆင်ထားသည်။
" သူများအခန်းကို ဝင်လာရင် တံခါးခေါက်ရမယ်ဆိုတာ မသိဘူးလား လေးမြတ်ခွာညို ethics မရှိဘူးလား "
ကိုကိုက အမြဲတမ်း သူ့ကို ပြောဖို့ဆိုဖို့ ချည်းပဲ ။ လေးမြတ်ခွာညို မျက်နှာကို စူပုပ်ထားလိုက်သည်။
" ကိုကိုကလည်း Cindy က ကိုယ့်အကိုခန်း ဝင်တာလေ သူများအခန်းဝင်တာမှမဟုတ်တာ မုန့်ဖိုးပေးပါဦး Cindy ကောင်လေးနဲ့ ချိန်းထားလို့ "
သမီးတစ်ကောင် နွားတစ်ထောင်ဆိုတော့ ညီမတစ်ကောင် နွားနှစ်ထောင်ပေါ့ Iris သက်ပြင်းချလိုက်ပြီး ဘောင်းဘီထဲက Card ထုတ်ပေးလိုက်သည်။
" သုံးချင်တိုင်းသုံး ဖြုန်းချင်တိုင်းဖြုန်းမနေနဲ့ ငါငွေရှာနေတာ နင့်အတွက်မဟုတ်ဘူး "
" သိပါတယ် လွန်းလရိပ်ဝေး အတွက်မလား ဆယ်နှစ်တောင်ကြာနေပြီဟာကို ဟိုကမိန်းမတွေ ဘာတွေ ရသွားလောက်ပြီ ကိုကိုပဲ လွမ်းနေတာ "
အရည်အရအဖတ်မရ တွေ ပြောနေသော ညီမဖြစ်သူကြောင့် Iris သည်းမခံနိုင်တော့ပေ။
" ထွက် သွား စမ်း လေးမြတ်ခွာညို "
မိန်းမရသွားလည်း ဘာအရေးလဲ အဲ့မိန်းမကို သတ်ပြစ်လိုက်မှာပေါ့။
အပိုင်း(၁၃)
Start from the beginning