أحببتهُ مشوهًا و لكِن «قيد التعديل»

الفصل الرابع عشر..

نكمل روايتنا(أحببتهُ مشوهًا ولكِن)بقلم سلسبيل كوبك..
الفصل ال14..
أخر حاجة وقفنا عندها في الفصل ال13..
فجأة عشق صرخت نتيجة اصطدام العربية في عربية تانية و عربية عشق اتقلبت كذا مرة، سلطان قام فجأة من مكانه و نغز قلبه زاد..
سلطان:عن أذنكم...
سلطان خرج بره أوضة الاجتماع و وراه أنور اللي قلق على حالة سلطان و وقف ورا ضهره و طبطب على كتفه..
أنور:كويس يا حبيبي؟
سلطان(بوجع):أه يا بابا شوية..
سلطان:أسف بوظت الاجتماع...
أنور:فداك المهم تبقى بخير.
سلطان:ربنا يخليك يا بابا..
_في المستشفى..
كانت الممرضات بتجري بالنقالة في ممرات المستشفى، عشق كان مغمى عليها و عندها نزيف..
ممرضة:كلمي دكتور أحمد عشان يروح أوضة العمليات فورا..
ممرضة:الحالة خطيرة..
ممرض:السواق مات..
عاطف(بقلق):مش مهم المهم الهانم..
ممرض:حالتها صعبة..
عاطف:اتصرفوا سلطان بيه لو عرف اللي حصل هيرفدنا كلنا من الشغل..
ممرضة2:دكتور أحمد بيجهز و هيدخل أوضة العمليات..
دخلوا عشق أوضة العمليات و دخل الدكتور أحمد المتخصص لحالتها و حواليه طقم ممرضين و بدأوا يوقفوا النزيف..
عشق كانت في عالم تاني بتحلم بحاجات محدش يقدر يعرفها غيرها أو يفسرها غيرها..
_
-عشق عشق أنا هنا..
لفت عشق لورا لقت طفلة عندها 8 سنين شبهها و هي صغيرة..
-اتغيرتي ليه؟
عشق(بخفوت):ازاي؟
-مش وعدتيني هنهرب؟
عشق(بخفوت):أنا فين و ازاي جيت هنا؟
عشق بدأت ترجع لورا ببطء و هي بتبص حواليها بخوف لقت مكان لونه أبيض في أبيض حتى الأرض كانت بالتلج الأبيض، عشق بدأت تجري بعيد عن البنت الصغيرة و مكنتش عارفة تجري بشكل صحيح بسبب التلج و وقعت في الأرض و هي بتبص حواليها بخوف و ملقتش البنت الصغيرة اتنهدت..
عشق لمحت سلطان على بُعد منها و معاه بنت قدرت تتعرف عليها من ملامحها فهي شافت صورها من قبل، عشق قامت وقفت و جريت لسلطان حاولت تلمسه لكنها لقت لوح زجاجي قدامها عشق قعدت تنادي على سلطان و لكنه مسمعش صوتها، عشق ضربت على الإزاز بانفعال و هي بتنادي سلطان بأقصى صوت..
فجأة الإزاز اتكسر و إيدين عشق بقت مليانة دم و جروح..
فجأة الدنيا اسودت من حوالين عشق و بقت عبارة عن غابة و لقت قدامها البنت الصغيرة..
-مش وعدتيني أنك هتفضلي زي ما أنتي!
-وعدتيني أننا هنبقى واحد..
عشق(بانفعال):عايزة مني إيه؟
عشق(بانفعال):أنا مش عايزة أعرفك تاني..
عشق حطت إيديها على ودنها بانفعال و سمعت صوت حد من وراها لفت ببطء لقت قدامها تلت شباب مقدرتش تميز ملامحها من الضلمة و لكنها قدرت تميز صوتهم و قامت وقفت و جريت بعيد عنهم.
عشق وصلت لنهاية الطريق و كان عبارة عن تل تحته ماية، عشق بصت وراها بخوف و دموع و فجأة وقعت من على التل..
_
ممرضة(بخضة):دكتور أحمد قلبها وقف..
أحمد(بقلق):ما كان بحالة استقرار من شوية جهزوا الصدمات الكهربائية..
قدام أوضة العمليات كان عاطف و أسماء و نداء اللي جم بعد ما قالهم عاطف و خاف أنه يبلغ بسلطان اللي أتصل يطمن على الأحوال عنده..
أسماء:استرها يا رب استرها..
نداء كانت قاعدة بصمت و باين الحزن في عينيها، أسماء فضلت تدعي لعشق تقوم بالسلامة..
ممرض:مفيش فايدة..
أحمد:استمروا في الانعاش و أنا هحاول أوقف النزيف يلا..
_
فجأة ظهر سلطان على التل و كانت أخر حاجة شافتها عشق قبل ما تغمض عينيها و تنزل لقاع البحر..
رمى سلطان نفسه من على التل و بدأ يعوم لعله يلاقي جسم عشق و لمحه و هو بيحاول ينزل لأقصى القاع و لكنه لحقها و مسك إيديها و شدها ناحيته و رفع رأسه لفوق و هو بيأخد نفسه..
سلطان وصل للبر مع عشق و حطها على الصخر اللي كان حواليه و حاول يعملها إنعاش يدوي..
عشق شهقت و بدأت تكح بشدة و فتحت عينيها ببطء شديد و لمحت سلطان..
عشق(بخفوت):س ل طا ن..
عشق لمحت طيف نفس البنت اللي كانت واقفة مع سلطان في البداية، عشق مسكت إيد سلطان بخوف و ضياع..
_
أحمد:الحمدلله..
أحمد:انقلوها أوضة عادية و بعد 12 ساعة هعدي اطمن على حالتها..
أحمد خرج بره أوضة العمليات و قابل عاطف في وشه..
عاطف(بقلق):خير يا دكتور؟
أحمد:الحمدلله عدت مرحلة الخطر و مجرد
كسور و التواءات.
أسماء:الحمدلله يا رب الحمدلله..
نداء:يعني هي بخير دلوقتي؟
أحمد:اه الحمدلله..
نداء:طب نشوفها امتى؟
أحمد:لما تفوق حضرتك..
عاطف:أبلغ سلطان بيه؟
نداء:لما تفوق و نطمن أنها بخير..
عاطف:تمام..
بعد عدة ساعات،
بدأت عشق تفوق من تأثير البينج على جسمها و فتحت عينيها ببطء..
أسماء:حمدلله على سلامتك يا حبيبتي..
عشق(بخفوت):دادة...
أسماء:حبيبتي..
عشق(بخفوت):سلطان فين!
أسماء:ا..
نداء(بقلق):عشق..
نداء قربت من عشق حضنتها، عشق حست بوجع في جسمها و غمضت عينيها بضعف..
نداء:خلاص روحي انتي يا أسماء هقعد معاها شوية..
أسماء:طب اطلب الدكتور...
نداء:حاسة بوجع يا عشق؟
عشق(بخفوت):شوية..
أسماء طلبت الدكتور لـ عشق اللي جه و فحصها و تأكد من عدم الخطورة على صحتها..
أحمد:حمدلله على سلامتك عديتي مرحلة الخطر..
الكل خرج و اتبقت نداء مع عشق و قربت منها..
نداء:إيه اللي حصل؟
عشق(بخفوت):قولتله..
نداء(بحذر):على إيه؟
عشق(بخفوت):على اللي يخصني ا..
نداء(بعصبية):اتجننتي أنتي قولتي هتصرف و أنا اللي فاكراكي هتبقي عاقلة و تتصرفي صح لكنك طلعتي خايبة انتي مجنونة..
عشق(بخفوت):اللي حصل..
نداء(بعصبية):اعمل فيكي إيه بس؟.
عشق(بخفوت):هو فين؟
نداء:قال لما يفضي يبقى يجي..
عشق(بحزن):هو اللي قال كدة!
نداء:اه يا خايبة عشان تبقي تتصرفي من دماغك..
نداء:و لما يسألك إيه السبب و ازاي و حصل إيه هتتصرفي ازاي؟.
عشق(بحزن):لو سمحت عايزة ابقى لوحدي..
نداء(بعصبية):انتي ن..
أسماء:حبيبتي يلا قومي كُلي..
عشق(بحزن):شكرا يا دادة عايزة أنام..
نداء:أنا اطمنت عليكي بعدين هبقى أجي ليكي..
أسماء:متقلقيش عليها انا هفضل جمبها..
عشق(بحزن):شكرا مش عايزة حد جمبي..
أسماء:متقوليش كدة يا عشق يا حبيبتي يلا يا نداء روحي شوفي وراكي إيه و متقلقيش عليها صدقيني..
عشق(بحزن):شكرا يا دادة..
تنهدت عشق بحزن و غمضت عينيها..
أسماء:مش هتأكلي؟
عشق:لا..
أسماء:ليه بس يا حبيبتي؟
عشق:مليش نفس..
نداء:عاطف عايزاك..
عاطف:نعم يا هانم..
***********************
-في مكان تاني..
_في أمريكا..
رحمة:القعدة ناقصها عشق..
أنور:مجبتهاش ليه يا سلطان؟
سلطان:عادي..
حياء:المرة الجاية إياك تنسى المهم هي هتيجي أنت لا...
سلطان لا رد..
قمر:أحنا مش هننزل مصر نستقر هناك بقى..
رحمة:لما يجي آوان الكلام ده يا قمر..
قمر(بضيق):طيب يا ماما..
أنور:قريب إن شاء الله يا قمر..
سلطان:عن أذنكم تصبحوا على خير..
سلطان سابهم و طلع لاوضته ينام، و كل واحد طلع لأوضة ينام..
_في الصباح الباكر..
جهزت قمر عشان جامعتها و راحت..
عيسى:ممكن تقفي هنا تفهميني إيه اللي بيحصل..
قمر:عايز إيه يا عيسى؟
عيسى:عايزك..
قمر:أنا مش غيري.
عيسى:انا عايزك انتي مش غيرك..
عيسى:رفضتيني إمبارح ليه؟
قمر:عشان مش عايزة أعيش في تجربة حياء تاني...
عيسى:و هو إيه اللي حصل لحياء؟
قمر:من غير تفاصيل بس اللي حبته خانها..
عيسى(بتنهيدة):و أنتي بقي خايفة لأخونك مش كدة!
قمر:خايفة محسش معاك بالأمان..
قمر سابت عيسى و دخلت للجامعة بتاعتها و كذلك عيسي دخل لعيادته..
بعد فترة،،
رجعت قمر البيت و اتصدمت لما لقت عيسى قاعد مع أنور و سلطان ..
سلطان:اطلعي يا قمر على فوق..
قمر(بارتباك):حاضر..
طلعت قمر لاوضتها و لقت حياء فجريت عليها..
قمر:هو بيعمل إيه هنا؟
حياء:مش عارفة طلب مقابلة بابا..
قمر(بتوتر):يا رب..
حياء:اهدئي يا قمر اهدئي..
قمر:إن شاء الله خير..
قمر:هتلاقيه عايز يصممله عيادة أو كدة أكيد يعني..
قمر:أنا اصلا معرفهوش..
قمر سابت حياء و دخلت الحمام و هي بتكلم نفسها، حياء ضحكت عليها و قعدت تقرأ كتاب و لقت ماسدج مبعوتة ليها من رقم غريب..
-وحشتيني..
-إيه اخبارك؟
اتجاهلت الماسدجات تمامًا لأنها اتعودت على كدة أرقام مزيفة بتتصل بيها و بتبعت ماسدجات..
سلطان:نتقابل تاني كمان شهر..
عيسى:إن شاء الله..
أنور:نورت يا ابني..
عيسى:شكرا يا عمي..
عيسى استأذن و مشي، قمر أول ما عرفت أنه مشي نزلت لتحت جري..
قمر:كان عايز إيه؟
سلطان:شغل..
قمر(بضيق):تمام..
أنور:تعالى يا سلطان عايزك في شغل..
سلطان:حاضر..
**********************
-عدى أسبوعين من غير جديد إلا أن عشق خرجت من المستشفى و بقت تحت رعاية أسماء..
عشق:لا يا دادة..
أسماء:يا بنتي انتي مبقتيش تأكلي كويس و كمان تعبانة و لازم تتغذي..
عشق:مليش نفس صدقيني..
أسماء(بتنهيدة):ربنا يصلحلك حالك يا حبيبتي..
عشق:شكرا..
سابت أسماء عشق في الجنينة و دخلت تشوف شغلها جوا الجنينة و هي حزينة على حالها..
عشق اتنهدت و غمضت عينيها و بعد فترة كانت وصلت عربية سلطان..
سلطان فتح باب العربية و نزل منها، عشق فتحت عينيها و لقته قدامها...
عشق قامت وقفت ببطء و بصتله و لقت على ملامحه علامات الصدمة الشديدة لما لقي حالها كدة، إيديها اليمين متجبسة رأسها ملفوفة بشاش و كذلك رجليها الإتنين اللي حصلهم التواء..
سلطان قرب من عشق بخطوات بطيئة و عشق اتحاملت على نفسها و حاولت تدخل الفيلا و لكنها وقعت على الأرض بضعف غمضت عينيها بحزن...
عشق(بصوت عالي):دادة دادة..
أسماء(بخضة):مالك يا عشق كدة يا حبيبتي تمشي لوحدك مش قولتلك ابقي ناديني..
أسماء قربت من عشق و ساعدتها تقف و لقت سلطان موجود فرحت..
أسماء:أخيرا رجعت..
عشق(بضيق):لو سمحت يا دادة رجعيني أوضتي..
أسماء سندت عشق و طلعت لأوضتها القديمة اللي كانت قاعدة فيها قبل ما تتجوز..
سلطان طلع علطول للدور التاني و لقى أسماء خرجت من أوضة عشق...
سلطان:إيه اللي حصلها ده يا دادة؟
أسماء:أنت مكنتش تعرف يعني يا سلطان؟؟!
سلطان:و هو انا لو عارف هسأل!
أسماء:عاطف قال أنه كلمك و أنت قولت لما تخلص شغلك هتبقى تيجي..
سلطان(بغضب):عاطف مقالش ليا حاجة اصلا..
سلطان(بصوت عالي):عاطف عاطف..
عاطف(بخوف):نعم يا بيه..
سلطان نزل لتحت و مسك عاطف من هدومه بغضب شديد و زقه ناحيته..
سلطان(بعصبية):مبلغتنيش باللي حصل ليه للهانم؟
بص عاطف لـ سلطان بخوف و وقع على ركبته بخوف شديد و بص في الارض و هو بيحاول يخرج نفسه من الموقف اللي هو فيه..
سلطان(بغضب):رد عليا مبلغتنيش ليه..
عشق(بصوت عالي نسبيا):و لو كان قالك كنت هتيجي!!
رفع سلطان رأسه لعشق اللي كانت ساندة علي سور الدور التاني و بتبصله بحدة..
سلطان بص لـ عاطف و زقه بأيده..
سلطان:مخصوم منك شهر..
سلطان طلع للدور التاني و مشي من جمب عشق و أسماء و دخل لأوضته و قفل الباب بغضب..
أسماء:المفروض تلطفي مش تزيديها..
عشق(بتنهيدة):المفروض يا دادة..
عشق دخلت أوضتها و هي حاسة بتعب، أسماء سابتها و نزلت لتحت..
عشق من كتر الملل و التعب نامت، سلطان فتح باب أوضتها و دخل بخطوات بطيئة لـ عشق و قعد جمبها بخفوت..
عشق(بخفوت):جاي ليه؟
سلطان:عشان..
عشق(بخفوت):عايز تعرف السبب..
سلطان:من حقي..
عشق:هنعمل اتفاق..
سلطان:إيه؟
عشق:بمجرد ما اتعافى هقولك..
سلطان:ليه؟
عشق:لو عايز تعرف..
اتنهد سلطان بضيق و حزن الفكرة محزنة جدًا مش قادر يستوعبها و لا يفكر فيها..
عشق:هتطلقني..
قام سلطان من مكانه مفزوع و غمض عيونه و هو بيحاول يسيطر على هدوءه..
سلطان:تصبحي على خير..
عشق:و أنت من أهله..
سلطان دخل أوضته و هو بيفكر في الطلاق و بيحاول ينفي الفكرة من دماغه و بيحاول يكون إيجابي في تفكيره..
_في الصباح الباكر..
خرج سلطان من اوضته و لقى عشق بتحاول تمشي على رجليها و هي بتسند على الحيطة..
عشق شهقت لما لقت سلطان شالها بين إيديه و هي مسكت في رقبته بحذر..
عشق:نزلني هحاول أمشي لوحدي..
سلطان:ده كان قبل ما أرجع..
عشق(بضيق):لو سمحت نزلني..
سلطان:تمام هنزلك لتحت..
سلطان نزل بـ عشق لتحت و قعدها على كرسي السفرة و هو قعد جمبها، أسماء كانت بتحط الأطباق على السفرة..
عشق:شكرا يا دادة..
سلطان:بتأخدي علاجك في وقته؟
عشق(بتلقائية):إيه اللي عرفك أنه ليا دواء؟
سلطان(برفعة حاجب):أومال هتخفي لوحدك كدة!
عشق:خلاص عرفنا أنك نبيه..
سلطان:جيبي ليا مواعيد الأدوية يا دادة..
أسماء:حاضر...
عشق:مفيش داعي..
سلطان:لو سمحت يا دادة اسمعي الكلام..
أسماء:تمام يا ابني..
سلطان:خلاص روحي يا دادة..
رفعت عشق رأسها لـ دادة أسماء و بعدها بصت للطبق و إيديها اليمين..
أسماء:ا..
سلطان:في حاجة يا دادة؟
أسماء:أصل انا بأكل عشق بإيدي..
سلطان:خلاص روحي أنتي يا دادة انا هتصرف..
عشق:أنا شبعت..
سلطان:عشق اقعدي.
أسماء سابتهم لوحدهم، عشق بصت في الارض باحراج و سلطان بدأ يأكلها..
سلطان:هفضل رافع إيدي كتير..
عشق:قولتلك شبعت..
سلطان:شبعتي ازاي و أنتي مأكلتيش حاجة!
عشق قربت من سلطان و كلت من إيده باحراج.
عشق:خلاص كفاية مش قادرة..
سلطان:تمام..
عشق:احم أنت مأكلتش كُل..
سلطان:لا كلت الحمدلله..
عشق:مش وراك شغل طيب؟
سلطان:هو أنتي عايزاني اقوم امشي يعني و لا إيه؟
عشق:لا مش كدة أنا..
سلطان:أنا فاهم بتفكري ازاي بس اللي عايز أقوله أن أنا و أنتي لغاية ما هتخفي هنتعامل مع بعض و أكيد أ...
عشق:فهمتك..
سلطان:راحة فين؟
عشق:هروح لجنينة الورد..
سلطان:استني..
وطى سلطان و شال عشق بين إيديه...
عشق:شكرا..
سلطان لا رد..
عشق:أسفة..
سلطان:يا ريت نتجنب حديث في الموضوع..
عشق(بتنهيدة):تمام..
نزلها سلطان في جنينة الورد و لقي أن الورود زادت و في حالة كويسة..
سلطان:مين اللي اهتم بيهم؟
عشق:احنا اتفقنا انها هتبقى مسؤوليتي بعد الجواز..
سلطان:اه..
سلطان:هشتغل أنا..
عشق:تمام..
سلطان ساب عشق اللي قعدت حزينة علي الحال اللي وصلتله مع سلطان هي مكانتش عايزة كدة و لكن كانت الحجج خلصت و مكنتش قادرة تكدب عليه أكتر من كدة..
بعد فترة،،،
سمعت عشق صوت شخص بره حاولت تقوم و بدأت تمشي ببطء شديد لغاية ما وصلت للصالون لقت سلطان واقف بيسلم على شخص..
سلطان(بضيق):خير يا نعيم بيه..
نعيم:خير يا سلطان جاي أفتح شراكة معاك..
سلطان(بضيق):و بسهولة كدة!
نعيم:أنت مش عايز تنسى..
سلطان:و أنت عايزني أنسى أنك خسرتني صفقة ب5 مليون بكدبتك..
نعيم:كان لازم اومال اسمي كان هيبقى عالي ازاي...
سلطان(برفعة حاجب):بجد!
نعيم(برفعة حاجب):هو أنت لسة مبطلتش عادات زمان..
سلطان(بعدم فهم):اللي هو..
شاور نعيم بعينه على عشق اللي كانت واقفة على بُعد بسيط منهم..
سلطان(بضيق):عشق مراتي..
نعيم:كلهم بيبقوا كدة ا..
سلطان قرب من نعيم و مسكه من رقبته بغضب..
سلطان:إياك مش عايز اسمع منك كلمة زيادة..
سلطان:اسمع مني الكلمتين دول عشان متفكرش تيجي ناحيتي تاني سواء أنت أو الزفت التاني اللي شغال معاك..
سلطان:شغل معايا أو شراكة مع شراكات الصاوي انسى يا نعيم انسى..
سلطان:بره يلا بره..
عبدالمنعم:اتفضل قدامي..
نعيم:هتطلب أنت بذات نفسك تشاركني يا سلطان..
سلطان:لما افتقر..
نعيم:هنشوف..
نعيم ساب سلطان و مشي، سلطان لف لعشق اللي كانت مصدومة من أسلوبه مع الراجل..
سلطان:انتي إيه اللي طلعك؟
عشق:سمعت صوت حد فـ..
سلطان(بحدة):ممنوع تطلعي طول ما انا معايا أشخاص هنا.
عشق(بضيق):تمام ممكن تيجي تطلعني و لا أنادي دادة اسماء..
سلطان قرب من عشق و شالها بين إيديه و طلع لأوضته، عشق قربت من سلطان و باسته على خده بهدوء و سلطان لم يبديء بأي ردة فعل..
عشق:دي مش أوضتي..
سلطان:هعتبر نفسي مسمعتش حاجة..
سلطان:دؤاكي جاهز..
عشق:لحقت تحفظ!
سلطان:يلا..
عشق خدت الدواء من إيد سلطان و حست أنها عايزة تنام و بدأت تتاوب..
سلطان:أنا عارف أن الدواء ده بينيم عشان كدة متقاوميش و ريحي ساعتين..
عشق(بتعب):تمام..
بقت عشق تحت رعاية سلطان، عشق بقت معتمدة على سلطان في كل حاجة سواء لبسها، دواءها، أكلها..أحيانا سلطان بينسى المشكلة اللي ما بينهم و لكنه بيرجع يفتكرها تاني..
عشق صحيت من نومها ببطء و لقت الوقت اتأخر و سلطان زمانه قام راح شغله..
عشق قامت و بدأت تمشي ناحية الحمام و غسلت وشها و خرجت غيرت هدومها بصعوبة لان الجبس مازال في إيديها و خلاص قربت تشيله كمان يومين..
"عشق لبست جيبة باللون الأسود و فوقها تي شيرت باللون الأحمر بكم و لبست كوتشي أبيض"..
عشق نزلت لتحت و بصت لاسماء..
عشق:كدة يا دادة تسيبيني أنام ده كله!
أسماء:سلطان هو اللي قال كدة و قبل ما يمشي طلع خلاكي تأخدي الدواء..
عشق:مش فاكرة..
أسماء:انا شايفة الامور بينكم حلو صح مش كدة؟
عشق(بتنهيدة):لا يا دادة..
أسماء:اجهزلك الأكل..
عشق:تمام.
سلطان:مساء الخير..
الكل:مساء النور..
سلطان قعد جمب عشق بتعب و لمح رباط الكوتشي بتاعها مش مربوط ، نزل لمستواها و ربطه..
عشق(باحراج):شكرا..
عشق(بخفوت):سلطان..
سلطان:نعم..
عشق:أنا جاهزة..
سلطان:جاهزة لإيه؟
عشق:أقولك كل حاجة..
سلطان:هطلع أغير هدومي الاول...
عشق(لنفسها):هتخلصي نفسك من الذنب اللي في رقبتك يا عشق لازم تقوليله..
الإتنين قعدوا على السفرة بصمت، سلطان بيأكل عشق و عشق بتبص لسلطان بشرود و ده اللي لاحظه سلطان...
سلطان:تعالي على أوضة المكتب..
سلطان قام و دخل أوضة المكتب و هو بيدعي لربنا ميكونش الموضوع معقد هو مش هيقدر يستحمل بُعدها و لا كدبها و لأول مرة يحس بالضعف..
عشق دخلت لأوضة المكتب بعد ما خبطت على الباب و دخلت قعدت قدام سلطان..
سلطان(بخفوت، حذر):اتفضلي..
عشق:أنا م..
اتفتح باب أوضة المكتب باندفاع و ظهرت قدامهم نداء اللي كانت بتنهج..
.
.
.
_يتبع:::::::::::::::::::::
**********************