عدوا الجمايل😂😉 بقي نزلت البارت بدري علشانكم❤
أنجوي ياجماعه🤝😂
***********************************
الحلقه الثانيه عشر 🦋.
سأحبك حتى تمل مني. وإن مللت اخبرني "لأحبك من جديد !*🔐❤.
في صباح يوم جديد.... يرتدي الصباح لون النقاء بعد عتمة الليل. فيبث أنفاسه بِـنسمات تنفث في الروح أملاً بأن القادم أجمل.. صباح الرضى والسرور.
نهضت يارا من الفراش بنشاط فاليوم سوف يأتي مراد لخطبتها فهي سعيده للغايه خرجت من غرفتها وجدت والدتها تعد الفطار.
يارا بسعاده: صباح الخير يا ماما.... اقعدي انتي ياماما انا هحضر الفطار النهارده .
سهام : صباح النور ياقلب ماما..... سهام بخبث: مالك يابت صاحيه بنشاط كده وفرحانه وكمان هتحضري الفطار..... لا انتي أكيد مش يارا..... دا إيه الكرم دا كله.
غيرت يارا مجري الحديث وأردفت بجديه: هو انتي مروحتيش المدرسه النهارده ليه ياماما...؟
سهام: أخدت اجازه من المدرسه النهارده عشان الضيوف إللى جايين.... ومعايا حاجات كتير عايزه أعملها..... هو انا معايا كام يارا... في داهيه الشغل.
قبلت يارا يد والدتها وأردفت بحنان: ربنا يخليكي لينا ياست الكل.. لتكمل حديثها بجديه: إيه الحاجات إللى هنعملها النهارده ياماما.
سهام بخبث : معانا تنضيف الشقه كلها هنضف الاوض كلها ونمسح أزاز شبابيك البيت كله ونمسح أرضية البيت.... وهنعمل أكل ل الضيوف وغير الحلويات
يارا بشهقه: إيه دا كله يا ماما... انا هروح الكليه بتاعتي أحسن... وأجي العصر تكوني خلصتي.
سهام بضحك: ههههههه مش من شويه بتقولي هنعمل إيه ياماما.....طار حرف النون في ثانيه.
خرج سيف من غرفته وهو يثرثر: إيه الدوشه إللى انتو عاملينها دي على الصبح.... هو الواحد ميعرفش ينام منكم أبدا.
سهام : بس يا ولا ..... روح أغسل وشك وتعالي افطر يلا يا حبيبي... عشان تروح شغلك وتعدي على بتاع الحلويات وتجيب جتوه وبسبويه وشكولاته وتيجي بدري عشان الضيوف إللى جايين النهارده.
وعلى الناحيه الاخري
***********************************
أنا البحر ✋إللى فى لحظة غضب يقدر يبلع الارض أنا النار💣🌋 إللى تقدر تاكل كل واحد حاول يئذيها .
دلف مراد الي المشفي بشموخه المعتاد ... فجميع من في المشفي يهابونه ويشعرون بالخوف منه... بمجرد دخوله الي تنقلب المشفي رأسا على عقب.... الأطباء والممرضين والعمال يعملون بكل جديه ونشاط لكي يتجنبوا غضبه .... فهو عندما يغضب يصبح كالوحش الكاسر ولا يستطيع أن يوقفه احد.
دلف إلي مكتبه الخاص وجلس على المقعد خلف مكتبه..... وبعد مرور عدة دقائق دلف أدم خلفه.
أدم بمرح: صباح الخير ياعررررريس .... إيه إللى جابك النهارده مش تروح تجهز حالك.
YOU ARE READING
عشق المراد 💞 كامله (بقلمي🖋: 🦋"Aya Anwar" 🦋)
Romanceلقد ظلمتني كثيرا كيف لي الاقتراب منك وانت تبني الجدران امامي بلا توقف ،هل تراني بهذه القوة لأزيح تبلدك الجاثم على قلبك ؟ ..هل يحق لي أن أضرب قلعة كبريائك الرصينة بيدي المشلوله ؟ أنت لم تعطيني الوقت الكافي لانتقد مزاجك الموحل !! فكيف أقول أنك تسكن في...
