عشق المعمم

البارت 5

#البارت_الخامس

#عشق_المعمم

#الكاتبه_زينب

متغيــرين مــوش احــنه
التــعب مأكــل ملامحــنه.. 🇮🇶🍃

_________

عشق المعمم..

صهيب.. انـي صهيب صالح من بغداد من مواليد.. ٨٨
عمري حالياً ٣١ سنة.. متخرج من كلية الاقتصاد..
واشتغل بمحل للعقارأت من احد فروع الي تابعه النا..
ولـ ابويه الله يرحمه.. احنا ناس الله مفضلن علينا..
من رزق وخير ونّعم وقصور و بيوت وگل شي..
وبصفتي الاخ الاكبر للبيت بيدي العصّمه سلمها.. اليه ابوي من مات.. واني بعمر تقريباً ٢٢ سنه جنت..
بوگتها طالب جامعي.. توفى ولدي بسكته دماغيه فجاه.. تارك ورا بنات اثنين كبار.. الي هسه هنه..
طالبات جامعه نور.. تدرس بجامعة بغداد.. قانون..
وسرور جامعه اهلية معدلها ضعيف ودخلتها للأهلية..
وعندي اخ واحد.. صديقي وحزام ظهري... وروحي ثانيه.. وائل اصغر مني بسنه تقريباً ما جنت اعتبره اخوي.. لا صديقي نحجي سوا اسرارنا سوا.. وحتى نقل مره من مرات اغراضه لغرفتي يكولي ارتاح اكثر هنا.. ما قبلت امي واعترضت علينا .. نسيت اعرفكم عن امي.. مدام سليمه.. امرأة ما شفت بحياتها مثل قوتها.. عظيمة ومتخاف من احد.. ولسانها اربع وعشرين ساعه يحجي اذا على حق لو باطل.. تحجي وما تعرف تسكت.. مركضّه البيت على تگـ رجل..
واني تقريباً مثلها.. عصبي مثلها ما اخاف لساني ..يحجي بكل برود واذا شغله ما تعجبني ..
آگبّ بسرعه واگسر كل شيءٍ كدامي..
عصبي ودائماً روحي بخشمي رغم كل هذا.. ما اقتربت من احد غريب وجرحته بقصد لو شقّه .. هذا طبعي وي العالم .. بيوم من الايام جنت كاعد دخل وائل اليه وهو فرحان ومتوتر سالته شبيك.. گلي لگيت بنت حلال الي حرگت گلبي.. تفأجات شنو.. تحب؟ گلي وكعت اكولك من اول نظرة ..ضل يسولف عليها وعلى شگلها واني ﻻزم اصارحها ﻻن احبها ..ويحلف أنو مو اعجاب ومن هل حجي.. كتله اصبر وشوفها يمكن تطلع متزوجة لو مرتبطه.. وانوب تنصدم.. وعلى هذا المنوال المستمر صار يوميا يحجي بيها اليه.. ويكول ممتزوجه ويحبها هو ويحب خجلها.. شخصياً فرحت اله هواي ﻻن وائل محد يحبه.. وهو عنده متلازمة داون.. يعني شگله مثل المنغولي.. بس مو هواي.. لهكذا عود قررت اخطبها اله.. وبگلي تصير قسمته وتفرحه.. ﻻن هو گلبه طيب.. وما يجرح احد.. ووتسعده وتعيش ويا وتفرحه دعيّت الله أنو تگون قسمته هل بنية..
وما تجرحه ابداً..

ويوم من الأيام.. دخل للبيت واحنا نتغده كمت على حيلي واني اشوف دّم تارس وجهه وملابسة مشككه.. علية وحتى شاكين بنطرونة.. تخبلت وسالته منو سوأ هيج.. ما حجه وكع من طولة اخذتة ركض للمستشفى.. واني ما اشوف غير بس النار بعيوني .. اموتة الي سوا هيج اخلي عمره اليوم ينتهي..
نومنا بالمستشفى يومين وطلعنا .. خلصها كاعد وبدون كلام طول اسبوع تقريبا عفته على راحته وگلت اني اتحقق من هل موضوع.. رحت للجامعه سالت كالو ماكو هيج شي.. واصلا هو طلع وي زميله النا بهذاك اليوم.. سالتة تعرفة.. كال اي ساره طالبه سنه اولئ.. ويانه معقولة هاي الي يحبها؟ بس اني ولا فد يوم سالته علئ اسمها.. تركت كل شي ورحت اسال على ساره.. عندي معاون مدير عام للشرطة.. صديقي طلبت منه انو اشوف كاميرات المراقبة للتصوير.. وصدكت شفتها.. واني هنا تخبلت.. شفت اثنين يضربون بيّ ويمه بنية سمره.. اعتقد ساره هاي؟ وهو يحاول يدفع شباب الي تتحرش بيها..