" အင်း " ဆုနို ခေါင်းညိတ်လိုက်သည်။
" ဒါဆို မင်း ဖက်ရှင်ရှိုးပွဲတွေကို နည်းနည်းတော့ လျှောက်ဖူးလိမ့်မယ်ထင်တယ် " အိုးရန်လုံ မေးလိုက်ကာ "လောလောဆယ်တော့ ကိုယ်တို့ကုမ္ပဏီက T -themed showပွဲ တစ်ခုကိုစီစဉ်နေတာ မင်းမှာအကြံပေးချင်တဲ့ သင့်တော်တဲ့သူများရှိမလား? "
" ကျွန်တော့်ကို အကြံပေးစေချင်တာလား? " ဆုနို အနည်းငယ်အံ့သြသွားသည်။
"မင်းက အခုလက်ရှိလည်း မော်ဒယ်လောကမှာ အလုပ်လုပ်နေတဲ့သူလေ , ဒါကြောင့် ဒီစီမံကိန်း မစခင်ကတည်းက မင်းရဲ့ထင်မြင်ချက်ကို တစ်ချက် အရင် နားထောင်ကြည့်ချင်တယ်" အိုးရန်လုံရဲ့အဖြေက ပွင့်ပွင့်လင်းလင်းရှိပုံမရပေ။ "ဥပမာ အခုအချိန်ထိမင်းနဲ့ အလုပ်လုပ်ဖူးတဲ့လူတွေထဲက ဘယ်သူက ကောင်းတဲ့ထင်မြင်ချက်တွေ ကျန်ခဲ့တယ်လို့မင်းထင်လဲ?"
တစ်ဖက်လူက သူ့ဆီကို ဂရုတစိုက် မေးလာတဲ့အတွက် ဆုနို လေးလေးနက်နက်နဲ့ လူအချို့ကို ညွှန်းပေးလိုက်သည်။
"သူတို့ရဲ့ စရိုက်တွေက ကောင်းတဲ့အပြင် အလုပ်လုပ်တဲ့နေရာမှာလည်း အပြန်အလှန် နားလည်မှုတွေရှိကြတယ် "
"ကျေးဇူးပါ " အိုးရန်လုံ သူရဲ့မေးစေ့ကိုပွတ်ပြီး နောက်ဆုံးတွင် သူလိုချင်သည့် နောက်ဆုံးပန်းတိုင်သို့ရောက်လာသည်။
"ချိုးကျီယန် ဆိုရင်ရော ဘယ်လိုလဲ?"
သူဒီနေရာကို ရောက်လာဖို့ဘယ်လောက်တောင် စကားဆွဲယူလိုက်ရလဲ?!!
" Pffff... " ဆုနိုသည် မမျှော်လင့်ထားသည့် နာမည် ကိုကြားလိုက်ရသည့်အတွက် ပါးစပ်ထဲရှိ လက်ဖက်ရည်မှာ သီးသွားရသည်။
ဘ-ဘ-ဘာလို့ အဲ့လူရဲ့ နာမည်က ရုတ်တရက်ကြီး ဒီနေရာမှာ ပေါ်လာရတာလဲ?အား!လန့်စရာကောင်းလိုက်တာ!!
"အဆင်ပြေရဲ့လား?" အိုးရန်လုံက စိုးရိမ်သွားသည့်ပုံစံ ဟန်ဆောင်လျက် သူ့ပါးစပ်ကိုသုတ်ပေးရန် လက်ကိုင်ပုဝါတစ်ထည်ကိုဆွဲထုတ်လိုက်သည်။
"တောင်းပန်ပါတယ် " ဆုနို အနည်းငယ် ကိုးရို့ကားယားဖြစ်သွားရသည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
