ظابط عاشق لمجرمه

Part 4

في شقه مراد
اتجه لغرفتها وظل يطرق علي الباب ولكن لارد تنهد بتوتر ثم قام بفتح الباب وجدها نائمه علي الفراش بعشوائيه ابتسم بحب ثم اتجه لها وقام باغلاق النافذه وقام بعدلها ثم قام بتغطئتها وقفل الضوء واتجه لغرفته
في صباح اليوم التالي

في شقه ادهم
كانوا يستعدوا للنزول الي القهوه تحت تذمر رائد الغاضب /بقي انا قعدت اربع سنين في حربيه وفي الاخر اشتغل قهوجي انا قهوجي
ادهم بضيق/ ماخلاص يا رائد من ساعه ما صحيت وانت علي نفس الكلمه
رائد بغيظ /هموت هموت من الغيظ ولا الي اسمه سيد ده الي شبه السفاح بشنبه ده مش فالح غير في انت ياض اعمل مش عارفه انت ياض سوي اي وهو قاعد زي الوالده
ادهم بضحك وهو يتجه الي الباب /خليك قاعد عمال تندب في حظك كده وانا هنزل
في شقه مراد كانت ترتدي بنطال اسود وعليه بلوزه صفراء قصيره بنصف كم وتتجه الي الباب ولكن اوقفها صوت مراد/ انتي رايحه فين
التفت له وتحدثت /هنزل واحاول اتقرب من الستات يمكن اطلع بأي معلومه واشتري شويه حاجات
نظر الي ملابسها بتفحص /هتنزلي كده
نظرت الي ملابسها باستغراب/ ايوه فيها اي
تحدث بهدوء مصطنع /زينه احنا مش في الزمالك هنا احنا في مصر القديمه يعني لابسك ده مينفعش ياريت تلبسي حاجه كويسه وطويله
زينه بضيق /مراد انا لابسي كويس وطول عمره كده
تحدث الاخر ببرود /واحنا دلوقتي الوضع يختلف ياريت تخشي تلبسي حاجه عدله
نظرت له بضيق ثم دخلت غرفتها وقامت بتبديل البلوزه وارتدت قميص واسع وطويل ورفعت شعرها علي هيئه كحكه عشوائيه خرجت وجدته يجلس علي الاريكه نظر لها ثم التفت مره اخري وهيا اتجهت للخروج
في غرفه سلمي كانت ترتدي ملابسها وتستعد للخروج. قابلت ملك وهيا تخرج من المرحاض نظرت لها ملك باستغراب /رايحه فين
سلمي بابتسامه /هروح اجيب محاضرات من واحده صاحبتي واجي
ملك وهيا تتجه لهاتفها الموضوع علي الطاوله طيب ثم قامت بلاتصال بمنصور وقام بالرد في ثواني
/اؤمري يا معلمه
ملك بجديه /سيد عندك
منصور /لسه مجاش يا معلمه
ملك بتفكير/ طب مين عندك
منصور وهو ينظر حوله/ مفيش غير الوالدين بتوع امبارح
ملك /طيب شوف حد منهم بيعرف يسوق واديله مفتاح العربيه وخليه  يوصل سلمي لواحده صاحبتها
منصور /حاضر يا معلمه ثواني وتلاقيه قدام العماره
في نفس اللحظه اتجه ادهم الي احدي الزبائن وتبقي رائد فقط نادي عليه منصور واتجه له سريعا منصور وهو ينظر له بتفحص /بتعرف تسوق
رائد باستغراب/ اه
منصور وهو يخرج المفاتيح من جيبه/طيب هتروح دلوقتي لعماره المعلمه ملك وهتنزل الست سلمي تاخدها توديها مترح ماهيا عايزه
رائد بضيق/ حاضر
اتجه رائد الي السياره بعدما اخبر ادهم انه سيذهب ليوصل سلمي ووصل امام العماره ونزلت سلمي وركبت في الخلف وتحدثت /عاوزه اروح***
ساق دون حديث

في الحاره كانت تسير وهيا تحاول ان تلمح اي شيء غريب في هذه الحاره كانت تسير وهيا تنظر الي الجميع وتحاول ان تجمع اي شيء غريب ولكن فشلت كل شيء طبيعي
في السياره وصلوا الي المكان الذي تريده سلمي نظرت الي رائد /عشر دقايق بالظبط وهنزل
رائد بجديه /مستني
صعدت الي العماره ثم الي الدور الذي تريده فتحت لها فتاه سلمت عليها سلمي وظلت تتحدث معها لدقائق بعد مرور عشر دقايق نزلت وركبت السياره نظر لها رائد من المراه /عاوزه تروحي حتة تاني
سلمي بنفي/ لا شكرا
بعد وقت وصلوا الي الحاره وصعدت الي شقتهم
بعد اسبوع كان ادهم و رائد يجلسوا في شقه مراد وزينه
زينه بضيق/ انا نزلت وفضلت ادور علي اي حاجه غريبه ملقيتش بعديها حاولت اتقرب من الناس بس برضو معرفتش اي حاجه
رائد بتنهيده/ واحنا اهو بقالنا اسبوع في القهوه ودي وموصلناش لحاجه
مراد /انا نزلت النهارده ولقيت شغل في ورشه قريبه من هنا بس مش في الحاره
ادهم بتفكير/ لما يكون اربعه من اكفاء ظباط الداخليه مش عارفين نجمع معلومه واحده عن الناس دي تبقي مصيبه
زينه /ماحنا بنحاول
ادهم/ مش كفايه مفيش حاجه بنعملها كفايه احنا موصلناش لمعلومه معلومه واحده مش عارفين نوصلها
مراد/ ماتحولوا تقربوا من ملك
رائد/ ودي اي دخلها
مراد /لو واحد فينا قرب منها وهيا وثقت فيه علي الاقل هنعرف هيا اي معاهم ولا لا تعرف حاجه ولا لا وبكده نكون عرفنا اي حاجه ومننساش ان ملك هيا معلمه الحاره دي يعني اكيد تعرف كل حاجه
ادهم بتفكير/ انت بتتكلم صح لازم نفكر في طريقه نقرب منها
في شقه ملك كانت تجلس سلمي علي الفراش وتتحدث في الهاتف وهيا تبكي ويبدو عليها الخوف والتوتر .....يتبع.....)
سلمي فيها اي ؟
هيوصلوا لملك ازاي ؟
ملك هتكشفهم؟
#loka🌤