صعيدي_مودرن(فرح_الأدم)
#البارت_الخامس
فرح بتفتكر جرأة أدم وهيا متعصبه بتفكر تكلم أسر تحكيله...
فجأة بتلاقي تليفونها بيرن برقمه..
بتضحك وبترد عليه..
فرح: اذيك يابني كنت لسه هارن عليك ابن حلال
اسر: حياتي ليكي 🥰🥰 اديني رنيت بس في اخبار مش هتعجبك
فرح: خير يا أسر انت كويس
اسر: الحمد لله بس تعالي نتقابل في الكافيه بتاعنا
فرح: قلقتني يا أسر وانا ماليش غيرك خلاص انا مسافه السكه
اسر : اوك مستنيكي
بتنزل فرح من شقتها وهيا قلقانه علي أسر
بتوصل للكافيه وبتشوفه قاعد وبتروح ليه
فرح: ايه يا بني قلقتني
أسر: متقلقيش يا بنتي انا كويس اهو
فرح: طيب في ايه
اسر: بصي مش عاوزك تزعلي انا لازم اسافر
فرح: تسافر وتسبني طب ليه
اسر: في مشروع في الشغل لازم اسافر عشانه واختاروني لأني ماسك المشروع وعارف كل تفاصيله
فرح: وهتسبني لمين يا اسر لأبوك اللي طمعان فيا هوا واخوك دول ممكن يموتوني دول كانوا بيكرهوا امي ودلوقتي بيكرهوني
اسر: اسبوعين ومش هتأخر ومش هيقدروا يعملولك حاجه بس خلي بالك من نفسك انا لو بايدي كنت فضلت بس دا لازم ارجوك ماتزوديش عليا بقا
فرح بحزن: تروح وترجع بالسلامه
اسر: هاكلمك علطول لحد ما تزهقي مني حياتي ليكي 🥰🥰
فرح: انا عمري ما زهق منك يا اسر
فرح ماقلتلوش حاجه ودعته بحزن وروحت بيتها
دخلت شقتها وعملت تماىين رياضيه لانه دي اللي بيشغل وقتها لحد ماخلص اليوم وراحت نامت وهيا زعلانه..
........................
في الصباح
بيدخل ادم الشركه وبيستني فرح لأنها سكرتيرته الخاصه بيفضل مستنيها كتير بش مش بتيجي
