ستبقى.. أسير حلمي 🖤🥀

البارت التاني 🖤🥀

ستبقى أسير.. حلمي🖤🥀
البارت التاني🖤🥀
صحيت لقيت نفسي علي سريري وساره داخله عليا بالفطار
@حتى الانتحار مفلحناش فيه
_انا مكنتش بنتحر
@طيب الأول حمد الله على سلامتك كلي يلا وبعدين فتاه في أول شبابها في وسط المايه ومش عارفه تعوم
بتنيل ايه بليل بتصطادي؟!
_لا خلاص ممكن تقفلي الموضوع
@طيب عموما انا مرضيتش اقول لأهلك عشان ميقلقوش
_يزين ما عملتي
ساره مشيت وانا قومت وقفت في البلكونه
طلعت النوته وقررت اكتب مرسال
*وبسأل نفسي الف سؤال هنرجع تاني ولا محال؟! *
بدأت اكتب والوقت سرقني وانا في البلكونه فنمت
قومت تاني يوم وكان اجازه من الكليه والمفروض هسافر لاهلي عبيت الشنطه الساعه ٣ الفجر ولبست ونزلت اتمشيت علي البحر شويه
انا عندي فوبيا من البحر البحر غدار في ثانيه ممكن موجه يعلي فيإذيك
عشان كده بحب اخليني علي البر حتي في علاقاتي بالناس ما عدا ساره
ساره الوحيده اللي قدرت تفك كل العك ده وتدخل قلبي بمنتهي الرقه والبساطه وتبقا اقرب حد ليا
بعتلها اني مسافره
وصلت محطة القطر  كنت حاجزة مكيف عشان تعبانه ومفيش فيا حيل لمناهدة العادي
ركبت وقعدت ركب قصادي شاب وجمبي ست كبيره كده ومعاها جوزها ركب قدامها
كنت قاعده بقرأ في رواية كل الطرق لا تؤدي إلى روما
وكنت مندمجه مع الأحداث لقيت شاب جاي بيكلم الشاب اللي قدامي ان ده مكانه وان المكان اختلف تقريبا
مهتمتش لغاية اما خلصت الروايه وقررت اسمع مزيكا ببص لقيته
آدم!
=افندم
_اسفه مش قصدي
=تمام
هو الخالق الناطق
كنت ببصله خلسه من غير ما ياخد باله هو فعلا آدم
فضلت اسمع مزيكا ساعات بنسي وممكن ادندن مع الاغنيه
كنت بدندن مع مسلم
*واقولك ايه معدتش باقي علي وعدي والومك ليه قاتلني وعشت من بعدي واقولك ايع معدتش باقي على وعدي والومك ليه وهتعدي ولو مش  حاسس اللي انا فيه هتغيب لكن مش هقدر انس عينيك وخليك انا وانت ما بينا كتير وخليك انا وانت ما بينا كتير *
الاغنيه دي بتخليني اعيط كنت بدمع وانا باصه علي الطريق
=آنسه انتي كويسه
_اه يا فندم في حاجه
=لا اصلك كنتي بتعيطي وكنتي بتغني يعتبر فانتي كويسه؟
_اه يا فندم شكرا لسؤالك
القطر وصل طنطا وقف هناك لقيته قام ونزل
كنت عاوزه اقوله متنزلش انا مصدقت لقيتك لكني مقدرتش اقوله نزل ومشي لمحته ماشي علي الرصيف
معقوله الصدفه تجمعنا بناس تشبهنا بالملي؟
معقوله الصدفه تجمعنا انا وهو من تاني؟
#يتبع🖤